Read South Giziga EZK 15 Bible Online

EZK 15 - South Giziga bible

EZK 15

¹Bumbulvuŋ a ɓiy mingiɓi naŋ ani:

²«Ka mburu, zuwal ngi gudubuno, a funa dum mekelemeye gar ti mike? Yo mihaŋ naŋhay a funa ngi dum mingiriɗ ngi wuzla mekelemeye gar ti mike?

³Zuwal naŋ, ada wuɗam ngi ɗiya gwat kwa? A gam di gwat hurtokko, ɓa ngi luwa gwat ava gu kwa?

⁴Gudubuno, sey a ɗiyam di vu, da mi naŋhay ti ka ti ka, vu a zuma taŋ le na, kite wuzla naŋ kwana a wur le ya. A gam di gwat gu aruŋ makwa?

⁵Ti naŋ misi nga naŋ nga naŋ zleˀe na, anta gam di gwat ta. Da vu muzuma le, a zlizlira le ma na, a gi slra ko neˀ le jak ma kwa?

⁶Vurˀe, ya Bumbulvuŋ, Buymisemuŋ i ɓi na: I hĩyã pi zuwal ngi gudubun ng'ar vu, fineˀ dum mingiriɗe, naŋ kine, i sa wura mizli Zeruzalemeye kanah ya.

⁷I mbiɗi pulaˀ ng'ar taŋ, ko da a boko le tir vu kwana, vu a sa wura taŋ gbaˀ na si. Ti ya misa mbiɗi le pulaˀ ng'ar taŋ na, kisa sinaka yi Bumbulvuŋ.

⁸Hirwuy nah na, i tiri di kirɗak kirɗak, asi mizli ngi raˀahay a cifam teŋteŋ avu ya ta. I ya Bumbulvuŋ, Buymisemuŋ maɓi.»