Read South Giziga HOS 14 Bible Online

HOS 14 - South Giziga bible

HOS 14

¹Samariheye, sey a wurkaka slikiɗa ɓi taŋ avu Buymisemuŋ na. A sa kiɗaka taŋ vagay vagay ti maslalam, a sa kirpaka ziri gaza taŋhaya asi sar, yo a sa ngiraka kwacay ngi ngwas misi ti huroyo.

²Israyel, mawa ng'avu Bumbulvuŋ Buymisemuŋ ɗike so, ka maru tiɗam tiɗam na, asi gwat malambaˀ ɗik vuna.

³Moko ng'avu Bumbulvuŋ, ɓakaŋ: «Gwat malambaˀ ndra migaka gar na, puya ndra taŋ avra, gwat mezle ndrahay na, tiɓa taŋ. Ar deɗe ngi mikuli ti gusoŋhoy na, ndr'i vulukuw mingiɓi ngi balam ndra.

⁴Asiri anta a laha ndra gu ta, ndr'anta sa jiɗam ar pilise ta, yo da gwat ndra migaka taŋ le ti haŋ ndra na, ndr'anta sa ɓam: ‹i Buymisemuŋ ndra ta›, asi ka na, a puraka ircece da mutuhu tisi ka.»

⁵Bumbulvuŋ a ɓi na: «Israyeleye, i sa ɗiya taŋ avu gi teŋteŋ taŋ ta na, i sa wuɗa taŋ kuy kuy, asi ji mevel ɗu mufõh fõh na, anta ngar naŋ mata.

⁶Vur Israyele, i sa tiri kaɓa wulngar, naŋ a sa fuyuk kaɓa matay, yo a sa dir virzi kaɓa widisey mingiriɗ a Libaŋ.

⁷Mihaŋ naŋhay a sa sikam, a sa tiram kuy teˀ kaɓa widis tutumbur, yo zĩˀĩ naŋ, kaɓa zĩˀĩ ngi widis mingiriɗ a Libaŋ.

⁸Mizli mipam zleˀe a susuɗuk naŋ, a sa moko a muŋ, a sa hufam alkamari, a sa sikam kaɓa gudubun, yo slimiɗ naŋ a sa zil ti mezle kaɓa slimiɗ ngi mbaazla ngi Libaŋ.

⁹Efrayim! Gwat majumiy ya ati kulihey ada maka? Maziluw mi ar diradibiɗ ɗik, yo maki slimiɗ ar ka, i ya. Ya tum tukuf tukuf, kaɓa widis Sipre. Maga ɓa ki gam sifi, i ya.»

¹⁰Misi ti sinmijileŋ zliv ngi sli wala ngi gwat hanayna, i waka? Yo misi lesl zliv ngi si na taŋ gu, i waka? Gisiŋ, jiviɗ ngi Bumbulvuŋhoyo taŋ cir cir, mizli mijeŋŋehey a sa rudigam ar taŋ, amma mislikiɗa ɓihey, sar a sa ba taŋ.