Read South Giziga HOS 3 Bible Online

HOS 3 - South Giziga bible

HOS 3

¹Bumbulvuŋ a ɓiy: «Mi, wuɗ ngwas misi mangasl, yo magi madama nah. Asi wuɗ ngi Bumbulvuŋ vur Israyeley na, naŋ ka nah. Taŋ ara mbuɗam hiri ng'avu kulihey, yo a wuɗam hapa waɗ gudubun maɗaf naŋ tos tos ar vu.»

²Yi tuɓo ngwas ɗu ti dala suloy kuruˀ nga zlum waɗ daw giziŋ agwada skat skat merkeɗ.

³Joˀ yi ɓaŋ: «Ki sa ndir da ya ngi hin mbeˀ mbeˀe, ki gi sulome ta, ki hinam ati mbur mekelem ta. Ya kwana, yi sa gi vur kakanah ya.»

⁴Naŋ kine, Israyeley a sa cifam hã hin mbeˀ mbeˀe: buy madiɗa anta, buy anta, mikuli anta, kuli ɗugur anta, jampa anta, terafim anta.

⁵A dirba nah, Israyeley a sa sipaka Bumbulvuŋ Buymisemuŋ taŋ a muŋ, ati Buy taŋ Davit. Nga mbuŋ a sa mam ti jijik ng'avu Bumbulvuŋ waɗ ng'avu gwat ngi lum naŋ mavula taŋ di.