Read South Giziga HOS 6 Bible Online

HOS 6 - South Giziga bible

HOS 6

¹Dar kumo ki ɓam: «Soko, i mam ng'avu Bumbulvuŋ. Miga ndra waˀa i naŋ, yo masa mbulo ndra i naŋ vuna ma, a kiɗa ndra le, a sa mbuza ndra waˀahaya.

²Ar kiɗa mi ngi hin cuw na, a sa vula ndra siifa, ar hin mimakir naŋ na, a saslikiɗa ndra deŋ deŋ a muŋ, yo i sa vula ndra siifa a muŋ.

³Tumukum vu ngi si na Bumbulvuŋ, so naŋ na, i gisiŋ kaɓa pas mabo ti miprik priki, a sa so ng'avi ndra kaɓa vuŋ masawa, yo kaɓa vuŋ ngi dirba wãˀ magujaˀa li.»

⁴Amma Bumbulvuŋ a sa mbuɗukum di: «Sukwi Efrayim, i sa guw mike? Sukwi Zuda, i sa guw mike? Wuɗa vu, kum mawuɗikiy na, naŋ bawwakaɓa gazlavay macuh ti mipriki, naŋ bawwakaɓa wulngar ngi mipriki masufu.

⁵Vurˀe yi tukukum ˀay le ti mingiɓi ngi mijiviɗey, i ngizlukum kuɗup ti mingiɓi ngi balam ɗu. Joˀ kiita ɗu a bun ndazl kaɓa li mupusluɗa.

⁶Asi maciriy hiri i mikuli ta, i wuɗa vu jaka, yo i hĩyã si na Bumbulvuŋ, fineˀ mikuli mizlam zlama.

⁷Taŋ, a ngilaka jumoˀaya le, kaɓa Adam na ya. kum minjikikiy na, ti ɓi hana:

⁸Galaˀata i walahay ngi migi malambaˀay, li ngi pumbus tulzõh tulzõh ɓaˀ li.

⁹Gwat malambaˀ miwãˀ taŋ magaka n'ani: masayay ndac, a wam vu le ɗum ɗum, ara ngizlaka mizli ar jiviɗ ngi Sikem.

¹⁰I pur gwat malambaˀ miwãˀ le ar sukwi Israyeleye, hana, i sulome ngi Efrayimey, a ci ti Israyele le ar dili aya.

¹¹Zuda, da ka kwana, i ra ɗiyuw gwat ngi sifihey. «A sa gi tapas ya masa mo ti mizli ɗuwoy ng'ar li taŋ a muŋ.