Read South Giziga NUM 33 Bible Online

NUM 33 - South Giziga bible

NUM 33

¹Israyeley muboko ti ruwuy Ezipte ati migi vurum taŋhay, Moyis ati Aroŋ mikaka taŋ mbuŋ na, li taŋ mipam sar ara ara, ti sila ti sila ani:

²Li Bumbulvuŋ mapula taŋ jiviɗ ngi pi sar anga ati ngi cuh gar na, Moyis a toho t'ani:

³Hin mukuruˀ nga zlum ngi kiya mudumbuŋ, put ngi miprik ngi Pak mudumbuŋ na, Israyeley a slikiɗam baɗ a Ramses, a cohom a mihiri ngi Ezipteheye gar, i diimuhoy.

⁴Naɓa Eziptehey ara dikaka ziri mizile modogom taŋhay, mumicam pay, Bumbulvuŋ mikiɗa taŋ tuwa. A kiɗa taŋ ngi ga kiita da kuli taŋhay.

⁵Israyeley a slikiɗam baɗ a Ramsese, ara pam sar a Sukot.

⁶A slikiɗam a Sukoto, a ram nga Etam, a ciki wuzlaɓuh mikirɗak kirɗak.

⁷A slikiɗam ti Etama, a moko hã a Pi-Hahirot puɗak angi Baal-Sefoŋ, a ɗiyaka guɗuk taŋhaya kini tir zugudum ngi Migdol.

⁸A slikiɗam ti Pi-Hahiroto, a ngiraka mubuliye, a ndilam a wuzlaɓuh mikirɗak kirɗak, a gam hin makir ar li ru ar wuzlaɓuh ngi Etama, ara pam sar a Mara.

⁹A slikiɗam ti Mara, a ndilam a Elim, miviɗiviɗi ngi Yamay ada kuruˀ nga cuw a diga, waɗ dibinojihey kaˀ kaˀ kukur tarnaˀ. A pam a diga.

¹⁰A slikiɗam ti Elime, ara pam sar gweˀ a mi mubuliy lavaɗ.

¹¹A slikiɗam baɗ a mi mubuliy lavaɗa, ara pam sar a wuzlaɓuh mikirɗak kirɗak ngi Sin.

¹²A slikiɗam ti wuzlaɓuh ngi Sine, ara pam sar a Dofka,

¹³baɗ ti Dofka, nga Aluk,

¹⁴Ti Aluko, nga Refidim, mizli a lumam yam ngi si a diga ta.

¹⁵A slikiɗam baɗ a Refidime, ara pam sar a wuzlaɓuh mikirɗak kirɗak ngi Sinay.

¹⁶A slikiɗam ti wuzlaɓuh, ara pam a Kibrot-Taˀava.

¹⁷Ti Kibrot-Taˀava nga Haserot.

¹⁸ti Haseroto, nga Ritma,

¹⁹ti Ritma, nga Rimoŋ-Peres,

²⁰ti Rimoŋ-Perese, nga Ribna,

²¹ti Ribna, nga Risa,

²²ti Risa, nga Kehelata,

²³ti Kehelata, nga muwã Sofer,

²⁴ti muwã Sofere, nga Harada,

²⁵ti Harada, nga Makelot,

²⁶ti Makeloto, nga Tahat,

²⁷ti Tahata, nga Tera,

²⁸ti Tera, nga Mitka,

²⁹ti Mitka, nga Hasemona.

³⁰Ti Hasemona, nga Moserot,

³¹ti Moseroto, nga Bene-Yakaŋ

³²Ti Bene-Yakaŋ, nga Hor-Giɗgaɗ.

³³ti Hor-Giɗgaɗa, nga Yotbata,

³⁴ti Yotbata, nga Abrona,

³⁵ti Abrona, nga Esiyoŋ-Geber,

³⁶ti Esiyoŋ-Gabere, nga Kades, a wuzlaɓuh mikirɗak kirɗak ngi Sin.

³⁷A slikiɗam baɗ a Kedese, ara pam a muwã Hor, gweˀ avu maakway ngi Edom.

³⁸Bumbulvuŋ a ɓa masay Aroŋ ɗaˀ, a jiɗ nga muwã Hor, ara muc a diga, ar hin mudumbuŋ ngi kiya muzlum naŋ, naɓa Israyeley muboko ti Ezipte na, a gi le vi kukur mufaɗ si.

³⁹A muc ti vi skat ti kukur cuw nga makir a muwã Hor.

⁴⁰Buy Arat, mbur Kanaˀan, naŋ tir vay ruwuy ngi hirwuy Hor, a cin na, Israyeley ara soko.

⁴¹Israyeley a slikiɗam baɗ a muwã Horo. A ra pam a Salmona,

⁴²ti Salmona, a ram nga Punoŋ,

⁴³ti Punoŋ nga Obot,

⁴⁴ti Oboto, nga Ye-Abarim, ar maakway ngi Moˀap,

⁴⁵ti Ye-Abarime, nga Diboŋ-Gat,

⁴⁶ti Diboŋ-Gata, nga Almoŋ-Diblatayim,

⁴⁷ti Almoŋ-Diblatayime, nga muwã Abarim, puɗak a muwã Nebo.

⁴⁸A slikiɗam baɗ a muwã Abarime, ng'ar li micay ngi Moˀap, gweˀ avu mizaw Zurdeŋ, puɗak ar Zeriko.

⁴⁹A ɗiyaka guɗuk taŋhay ar li micay ngi Moˀap, migweˀ a ciki mizaw Zurdeŋ, ar wala ngi Bet-Yesimot ati Abel-Sitim.

⁵⁰Ar li micay ngi Moˀap mupuɗak angi Zeriko, gweˀ a mi mizaw Zurdeŋ na, Bumbulvuŋ a ɓa Moyise:

⁵¹«Ɓa Israyeleye na: ti kum misa tuwuɗaka mizaw Zurdeŋ le, ɓa ki cam nga hirwuy Kanaˀan na,

⁵²mizli ngisi ruwuy tayna, kisa ɓulaka taŋ a mbuŋ kumo avra gar, gwat miciɗa ngi ɗuguroy gar malla ɓiri mipa ti pihey gar na, kisa wahaka taŋ avra, yo kisa susuyumoko li miɗingir ngi gi kuli taŋhaya gar.

⁵³Ki sa tiɓaka hirwuy taŋ da kum, joˀ ki pam ara. Asi i vula hirwuy nah le da kum, i ngi kum!

⁵⁴Ki sa wunkaka li ti gi ceregezleŋ, vur sukwi vur sukwi, vur muyo vur muyo. Sukwi madiɗa, a lum haɗa ya, sukwi meciɗeke, a lum neˀkine ya. Da ceregezleŋ ngi sukwi midiɗ le angi li na, naɓa inga naŋ.

⁵⁵Amma da ki ɓulaka mizli ngisi ruwuy tayna fec fec a mbuŋ kumo ta na, masa ndiram purla purla a wuzla kumo na, a sa gukum bonoy kaɓa ciita a hiri, kaɓa hadaw ar sar. A sa jiginam mi avu kumo, angi hirwuy kum mipam ara tehhe a muŋ.

⁵⁶Naɓa bonoy, ya mawuɗ i sa ga taŋ di da taŋ na, i sa gukum di da kum.»