Read South Giziga 1CO 5 Bible Online

1CO 5 - South Giziga bible

1CO 5

¹Ko amaka gar na, i cinam mizli a ɓam: gi sulome ada a hay kumo. I gi sulome mifineˀ gidaŋ, ko mizli duniyahay kwana, anta gaka ta. Asi mbur pal a wuzla kumo, ara ɗuva ngwas ngi cine.

²Na ma na, kumo, ki huhumom vu mbri jak maka? Anja zleˀe ki hiɗam hiri jaka, ɓa ki muɗaka mbur miga gwat nah ti wuzla kum avra ayɗi.

³Avi ya na, ko ya mikileŋ avu kumo tekeɗe kwana, ar wuluko, y'ada ati kumo. I ga kiita le da mbur miga gwat nah, kaɓa y'ada a wuzla kumo si.

⁴Kum micikilam le ti slimiɗ ngi Buy Yesu waɗ ti gidaŋ naŋ, ar wuluk ɗu, y'ada a wuzla kumo.

⁵Anja a vulaka mbur misi kanah asi haŋ ngi Satan, ɓa dumvu naŋ a zizi, ɓa ti hin ngi Bumbulvuŋ na, musuɗuk naŋ a sa lih.

⁶Ɓi kum mahuhumom di vu kum aseˀe na, naŋ kuy ta. ˀIs neˀkini a slikiɗa hapa mihilɓa gar na, ki sinaka ta kwa?

⁷Bam ti is magala avra, ɓa ki tiram hapa mihilɓa wureˀ aruŋ, vur ˀis misi anta ar kum ta na. Asi Kristu , ˀizim ngi muguzlum Pak ndra a kiɗaka le. [2].

⁸Gukum muguzlum ngi Paka [3] so, i gaka ti ɗaf misi ti is magala ta, ko ti is ngi slikiɗa moˀore ati mungra ta. Amma ti ɗaf manja is, mbiɗeˀvra: ti ɗaf pal naŋ, ɗaf mikaslsla.

⁹I tuhukum di ar ɗerewol ɗu na: «anja ki jumom ati sulomeheye ta.»

¹⁰Ya miɓi na, vur sulomehey ho gar ngir duniya hana ta, malla misi may dala, muhuloy, malla madilkam a mbuŋ kulihey na ta. Da kine na, sey da ki bam le put wãˀ avra tir duniya hana far.

¹¹Kanah ta, i tuhukum di na: mbur maɓi: «Yi sukum kum misikristu», ti mi tewle si, amma a gi madama, a hiyĩ gwat ngi mizli, a huruk huruk a mbuŋ kulihey, a ji ɓi da mizli, a wi ti mbaazla, malla a hul na, ko ki jumom ta. Ko ngi zuma ɗaf ati naŋ kwana, ki zumam ta si.

¹²Asi mizli misikristuhoy ta gar na, maga taŋ kiita i ya ma kwa? Anja kumo, ki gam kiita da mizli ngir jum kum aya takwa?

¹³Mizli misikristuhoy ta na, masa ga taŋ kiita i Buymisemuŋ. Ɓimutoho aɓi: «Bam ti mbur misi moˀore ti wuzla kum avra.»