Read South Giziga 2JN 1 Bible Online

2JN 1 - South Giziga bible

2JN 1

¹I ya mbur micawwa matoho ɗerewol hana da maˀãy, Buymisemuŋ muwunaŋ, yo da ziri naŋhay, ya mawuɗ taŋ gisiŋ gisiŋ. I ya mawuɗ taŋ pal ɗu ta, amma mizli misinaka ɓi mikaslsla le gara ma.

²Asi mike na, ɓi mikaslsla, naŋ da a hur ndra, yo naŋ da a ndir avu ndra ngi samadin.

³Anja Cine ndra Buymisemuŋ ati Yesu Kristu, Mangal ngi Cine ndra, a ga ndra mezle, a pura ndra ˀircece, a vula ndra zuy ɓa i ndiram jom ar ɓi mikaslsla waɗ ar wuɗavu.

⁴Ti ya muluma ziri ɗik mekelemey masipam jiviɗ ngi ɓi mikaslsla, kaɓa Cine ndra miɓa ndra di ɗaˀ le na, yi mumul haɗa teˀe.

⁵Na, wurenna so na maˀãy ɗu, wuɗukum vu ar wala ndra. Ya matuhuw di hana, i ɓimuɗuva nawaya ta, i ɓi misi ndra mulumaka zle ar zlivirzi naŋ na.

⁶Pura ɗi, wuɗavu na, n'ani: anja i ram ar jiviɗ ngi ɓimuɗuva ngi Buymisemuŋ. Ɓimuɗuva, kum micinaka zle ar zlivirzi naŋ, ɓa ki ram angi jiviɗ naŋ na, i nah.

⁷Mizli mitikina vuhoy ada haɗa, a yam vu le zlar duniya. Yesu Kristu a tiri mbur le gisiŋ gisiŋ na, t'anta ngumam sin naŋ ta. Mbur magi kahana na, i mitikinavu, i mesene ngi Kristu.

⁸Kum vuna, jam lesl, anja ki zizaka migir ngi slra kumoyo ta, amma ɓa ki lumam migire haɗa.

⁹Ko wa gar macici zlak ar dubun ngi Kristu ta, amma maru kileŋ fineˀ nah ma na, naŋ manja Buymisemuŋ a hur naŋ. Mbur macici zlak ar dubun ngi Kristu na, naŋ ati Cine waɗ ati Mangala.

¹⁰Da mbur a so le ng'avu kumo, da a so di i dubun nah ta na, ki tiɓakaŋ a hay kumo ta, ko ngi jaŋ haŋ kwana, ki ngumam ta si.

¹¹Asi mbur mijaŋ haŋ le na, kite a jumom le ati naŋ ar gwat ngi gi naŋ malambaˀ na.

¹²Y'ada ti ɓi haɗa ngi tuhukum di, amma yi wuɗ i tuhukum di ti tuh ar ɗerewol waɗ ti yam ngi hilseɓ ta. Asi i ra wuɗ ru ngi hay kumo, ɓa i ra ɓukum ti mi ɗu, ɓa i sa mumulom kuy kuy wãˀ.

¹³Sukum ɗik mongoso, Buymisemuŋ muwunaŋ na, ziri naŋhay a jukuw haŋ le ya.