Read South Giziga 3JN 1 Bible Online

3JN 1 - South Giziga bible

3JN 1

¹I ya mbur micawwa matoho ɗerewol hana da Gayus, yeme ɗu, ya mawuɗaŋ gisiŋ gisiŋ wãˀ.

²Yeme ɗu, anja k'ada jam jam ar gwat gar, yo anja ka zuy zuy ti vu ɗike kaɓa ka muzuy zuy a mevel ɗik na ya.

³Asi mike na, sukum ɗu mekelemey musoko aka na, ara gaka sedewo ngi ɓi mikaslsla, taŋ mupuraka ar cifi ɗik na, a ɓam: ka, ki ra ru ar li minjahha ngi ɓi mikaslsla, i mumul le haɗi teˀ vurˀe.

⁴Da ya mira cina, ziri ɗuwoyo, ara ram ar li minjahha ngi ɓi mikaslsla na, gwat magiy mumul fineˀ nah anta mata.

⁵Yeme ɗu, gwat ka maga vur sukum ɗikey, yo vur mulakay na, ka anga teŋteŋ.

⁶Wuɗavu ɗik na, a gaka sedewo naŋ le a mbuŋ cikil ngi misikristuhoyo. Ambuh takwa! Anja ki jina taŋ ar zuɓa mulak taŋ na kuy kuy, ti jiviɗ macira hiri da Buymisemuŋ.

⁷Asi zuɓa mulak taŋ na, naŋ vur slimiɗ ngi Kristu. A lumam gwat neˀ avu mizli duniyahaya ta.

⁸Anja ndra so na, i jinaka mizli tayna, ɓa i bigaka, ndr'ada jom ar slra ngi ɓi mikaslsla.

⁹I toho ɗerewol le neˀ da cikil ngi misikristuhoyo, amma Diyotref, mbur mawuɗ wa gwatay gar na, a ngum ki slimiɗ ar ɓi ɗu ta.

¹⁰Vurˀe, da ya misa ndil le na, i sa njika malambaˀ naŋ, naŋ maga na gar. Mi ngi kuw ati slir naŋ, naŋ maga ar ndra na, i nah tew ta ma, sukum ndra mekelemey mindilam le gar na, a ngum tiɓa taŋ ta. Mizli mawuɗam a tiɓaka taŋ ma na, a tika taŋ, a ɓula taŋ ti wuzla cikil ngi misikristuhoyo avra.

¹¹Yeme ɗu, ki sipa gi malambaˀa ta, amma sipi gimezleŋ. Mbur magi mezle na, i mbur ngi Buymisemuŋ. Amma mbur magi malambaˀ na, naŋ anta pura Buymisemuŋ ta.

¹²Amma Demetriyuso, mizli gar, ara ngilam di wuy. Ko ɓi mikaslsla vuna ti haŋ naŋ kwana, ara gi sedewo ar naŋ. Ndra kwana, i ra gam sedewo vurˀe ya, na ki si na le, gi sedewo ndra, naŋ jeŋŋe.

¹³Y'ada ti ɓi haɗa ngi tuhuw di, amma y'anta wuɗ i toho ti zlara waɗ ti yam ngi hilseɓ ta.

¹⁴Asi i ra wuɗ pur ɗike tumbuŋ, yo i sa ra kiɗam slir hiri taˀ taˀa.

¹⁵Anja ki ndir zuy zuy so. Ngama ɗikey a jukuw haŋ le. Ja haŋ da ngama ndraˀahaya pal pal gar aya.