Read Southern Dagaare Luk 3 Bible Online

Luk 3 - Southern Dagaare bible

Luk 3

¹A Nakpoŋ Tiberiyo naaloŋ diibu yuomo pie ne anuu poɔ, a saŋ Ponsi Pilato naŋ da waa gɔbena a Gyudiya paaloŋ poɔ, ka Hɛrɔde da waa a Galili naa, kyɛ ka o yɔɔ Filipi di Itureya ane Terakoniti naaloŋ, ka Lisaniya meŋ waa Abilɛn naa,

²a saŋ Anaase ane Kayefa naŋ da e Naaŋmen bagmaalkare tutaa. A Saŋ ŋa poɔ la ka Naaŋmen yelbiri da wa Gyɔɔn, a Zakareya bidɔɔ zie a wɛgyɛŋ poɔ.

³A Gyɔɔn da yɔ la a Gyɔɔdan mane paaloŋ zaa, a moɔlɔ korɔ a noba ka ba leɛ ba eebo kyɛ de suobu a nyɛ yelbebe sudi,

⁴aŋa lɛ a Ŋmen-yelmanna Azaaya naŋ da sɛge a o gane poɔ: “Neɛ kaŋ kɔkɔre ŋmeɛrɛ la kpɛlle a wɛgyɛŋ poɔ: ‘Nare a Daana sori, maale O sobie ka a tori.

⁵Ba na e la ka foɔle zaa pa, ka a tambilii ane a tambɛrɛ zaa tɛre, kyɛ ka a sobi-gɔnne zaa dɛnne, ka a sonyaara zaa soli;

⁶kyɛ ka a andonɛɛ zaa nyɛ a Naaŋmen faabo.’ ”

⁷A Gyɔɔn da yeli ko la a nembeɛoŋ naŋ da yi wa o zie ka o ko ba suobu, “Yɛnee dompane boorɔ ŋa! Nembuo la kpãã yɛ ka yɛ zo muri a Naaŋmen supuriyaaraa na naŋ waana?

⁸Yɛ wɔŋ wɔnveɛle naŋ na wuli ka yɛ sereŋ leɛ la yɛ eebo. Yɛ ta piili yele korɔ yɛmenne, ‘Aboraham la te sããkoma’; maa yele korɔ yɛ, Naaŋmen na toɔ̃ e la ka kubo ama leɛ biiri a ko Aboraham.

⁹Haali pampana ŋa, a lare tare la a teere seereŋ. Azuiŋ teɛ na zaa naŋ ba wɔnɔ wɔnveɛle, ba na kyɛ o la ŋmaa lɔɔ eŋ vũũ poɔ.”

¹⁰Ka a nembeɛoŋ da soore o, “Wola ka te pãã na e?”

¹¹Ka o yeli sɔge ba, “Soba na zaa naŋ taa kparre ayi, a ferɛɛ la ka o iri kaŋ ko neɛ naŋ ba taa togitogi, ka a fere ka soba na zaa meŋ naŋ taa bondirii e a lɛ ne o zu.”

¹²Haali gba, zuyɔɔ-derebɛ mine meŋ da waɛ la ka ba de a suobu, a da wa soore a Gyɔɔn, “Wulwullo, wola ka a seŋ ka te e?”

¹³Ka o yeli ko ba, “Yɛ ta maŋ de a noba libie gaŋ lɛ a naŋ seŋ ka yɛ de.”

¹⁴Ka sogyɛre meŋ soore o, “Ka te meŋ, wola ka te na e?” Ka o yeli ko ba, “Yɛ ta de kpaŋkpaŋkpeɛ̃õ faa ne neɛ libie bee a ŋmaa zirii tuo neɛ, kyɛ yɛ vɛŋ ka yɛ san-yɔɔ maŋ seŋ yɛ.”

¹⁵A noba naŋ da taa teɛretɔroo,[5] kyɛ da ŋmeɛrɛ ba gyɛŋ poɔ a soorɔ ka a Gyɔɔn mɔɔ ta wa la a Mɛzaaya,[6]

¹⁶a Gyɔɔn da yeli sɔge la ba zaa, “N korɔ yɛ la suobu ne koɔ̃, kyɛ neɛ kaŋ naŋ taa kpeɛ̃õ gaŋ ma waana la; N gba ba seŋ ne O nɔɔteɛ mie loruu. O na ko yɛ la suobu ne a Vooroŋ Soŋ ane vũũ.

¹⁷A O kayeɛl-ŋmane be la O nu poɔ, ka O na yeɛle O kyi a wuo eŋ bugo poɔ, kyɛ gbaale a ka-uri lantaa a nyege vũũ naŋ ba kpiire poɔ.”

¹⁸A Gyɔɔn da wuli la a noba a Ŋmen-yelnoore a o kannoo poɔ.

¹⁹Kyɛ o da nyare la a naa Hɛrɔde zu, o naŋ da de o yɔɔ Filipi pɔge Hɛrɔdeya zuiŋ ane a yelfaare na zaa o naŋ da erɛ.

²⁰A maaleŋ gaŋ lɛ, a Hɛrɔde da eɛɛ la ka ba nyɔge a Gyɔɔn pɔge nempagdie poɔ.

²¹A noba zaa naŋ da wa de a suobu baare, ka a Yeezu meŋ da wa de a suobu kyɛ puoro la ka a saluoni deɛ da yuo,

²²ka a Vooroŋ Soŋ da sigi wa dɔɔ O zuŋ aŋa ŋmanee. Ka kɔkɔre kaŋ yi sazu a yele, “Fõõ la N Bidɔɔ, N Poyɛŋ Bie, fõõ la ka N poɔ pɛle ne.”

²³Yeezu da nyɛ la yuomo lezare ne pie, a saŋ O naŋ da piili O toma. O da waa la Yuzɛb bidɔɔ (lɛ ka noba da teɛre), ka Yuzɛb waa Heli bidɔɔ,

²⁴ka Heli waa Maatate bidɔɔ, ka Maatate waa Levi bidɔɔ, ka Levi waa Mɛlki bidɔɔ, ka Mɛlki waa Gyanaɛ bidɔɔ, ka Gyanaɛ waa Yuzɛb bidɔɔ,

²⁵ka Yuzɛb waa Matateɛse bidɔɔ, ka Matateɛse waa Emɔse bidɔɔ, ka Emɔse waa Nahum bidɔɔ, ka Nahum waa Esili bidɔɔ, ka Esili waa Nagayi bidɔɔ,

²⁶ka Nagayi waa Maate bidɔɔ, ka Maate waa Matateɛse bidɔɔ, ka Matateɛse waa Simeyin bidɔɔ, ka Simeyin waa Yuzeke bidɔɔ, ka Yuzeke waa Gyoda bidɔɔ,

²⁷ka Gyoda waa Gyoɔnane bidɔɔ, ka Gyoɔnane waa Urɛsa bidɔɔ, ka Urɛsa waa Zɛrubabɛl bidɔɔ, ka Zɛrubabɛl waa Saleteɛ bidɔɔ, ka Saleteɛ waa Neri bidɔɔ;

²⁸ka Neri waa Mɛlki bidɔɔ, ka Mɛlki waa Addi bidɔɔ, ka Addi waa Kosam bidɔɔ, ka Kosam waa Elmadam bidɔɔ, ka Elmadam waa Ere bidɔɔ;

²⁹ka Ere waa Gyosuwa bidɔɔ, ka Gyosuwa waa Eliyaza bidɔɔ, ka Eliyaza waa Gyorim bidɔɔ, ka Gyorim waa Maatate bidɔɔ, ka Maatate waa Levi bidɔɔ,

³⁰ka Levi waa Simeon bidɔɔ, ka Simeon waa Gyuda bidɔɔ, ka Gyuda waa Yuzɛb bidɔɔ, ka Yuzɛb waa Gyonam bidɔɔ, ka Gyonam waa Eliyakim bidɔɔ,

³¹ka Eliyakim waa Melea bidɔɔ, ka Melea waa Menna bidɔɔ, ka Menna waa Maatata bidɔɔ, ka Maatata waa Natan bidɔɔ, ka Natan waa Davil bidɔɔ,

³²ka Davil waa Gyɛse bidɔɔ, ka Gyɛse waa Obɛdi bidɔɔ, ka Obɛdi waa Boaze bidɔɔ, ka Boaze waa Sala bidɔɔ, ka Sala waa Nasɔn bidɔɔ,

³³ka Nasɔn waa Aminadab bidɔɔ, ka Aminadab waa Admin bidɔɔ, ka Admin waa Areni bidɔɔ, ka Areni waa Hɛzeron bidɔɔ, ka Hɛzeron waa Pɛrɛze bidɔɔ, ka Pɛrɛze waa Gyuda bidɔɔ,

³⁴ka Gyuda waa Gyekɔb bidɔɔ, ka Gyekɔb waa Aziki bidɔɔ, ka Aziki waa Aboraham bidɔɔ, ka Aboraham waa Tera bidɔɔ, ka Tera waa Nahɔ bidɔɔ,

³⁵ka Nahɔ waa Sɛru bidɔɔ, ka Sɛru waa Urewu bidɔɔ, ka Urewu waa Pɛlɛge bidɔɔ, ka Pɛlɛge waa Eba bidɔɔ, ka Eba waa Sela bidɔɔ,

³⁶ka Sela waa Kayena bidɔɔ, ka Kayena waa Afazad bidɔɔ, ka Afazad waa Sɛmm bidɔɔ, ka Sɛmm waa Nowa bidɔɔ, ka Nowa waa Lamɛke bidɔɔ,

³⁷ka Lamɛke waa Mɛtusɛla bidɔɔ, ka Mɛtusɛla waa Enɔke bidɔɔ, ka Enɔke waa Gyarɛde bidɔɔ, ka Gyarɛde waa Mahalaleɛ bidɔɔ, ka Mahalaleɛ waa Kayena bidɔɔ,

³⁸ka Kayena waa Enose bidɔɔ, ka Enose waa Sɛfe bidɔɔ, ka Sɛfe waa Adama bidɔɔ, ka Adama waa Naaŋmen bidɔɔ.