Read Southern Dagaare 1 Kor 16 Bible Online

1 Kor 16 - Southern Dagaare bible

1 Kor 16

¹Pampana ŋa, a kyaare ne a kyeɛraa yɛ naŋ na de ko a nensonne yɛlɛ: yɛ tuuro seŋ lɛ N naŋ wuli a Galesiya puoruu laŋne yie noba.

²A koseɛraa bebi-dɛndɛŋ zaa daare, yɛ kanzaa seŋ ka o iri bonkaŋ biŋ, a seŋ o faŋ naŋ ta lɛ, ka a koŋ la ferɛ ka yɛ kyeɛre bonzaa ka maa wa wa.

³Ka maa wa ta, N na sɛge la gama ko a banaŋ yɛ naŋ iri ka ba taa ne a yɛ kyɔɔtaare gaa ne Gyɛruzɛlɛm.

⁴Ka a naŋ wa seŋ ka N meŋ gaa, ba na beɛle ma la ka te gaa.

⁵N na tu la Masedoniya kyɛ pãã wa yɛ zie; bonso, N teɛroŋ la ka N tu Masedoniya.

⁶Kyɛ kaapɔge N na be la yɛ zie, a gba bebe te ta a ɔɔkpoŋ saŋ, ka yɛ na toɔ̃ soŋ ma a n sori yiibu poɔ, benee zaa N naŋ na gaa.

⁷N ba boɔrɔ ka N nyɛ yɛ pampana ŋa ka maa wa tɔlɔ gɛrɛ, bonso, ka a Daana wa sage, N teɛre ka N be yɛ zie ka a kɔɔre belaa.

⁸Kyɛ N na be la a Efesu teŋɛ poɔ a te ta a Pɛnteko saŋ,

⁹bonso, sori yuo ko ma la ka N toŋ toma velaa a be kyɛ a dɔndɔnne meŋ bebe la yaga.

¹⁰Ka Timoti wa wa yɛ zie, yɛ taa o velaa, ka o ta kpeɛrɛ a yɛ zie ne dabeɛ̃, bonso, a Daana toma la ka o meŋ tonɔ aŋa N naŋ tonɔ lɛ.

¹¹Azuiŋ neɛzaa ta wa gyegre o. Yɛ bare o sori ne emmaaroŋ ka o na toɔ̃ wa n zie, bonso, N kyɛllɛ o la ne a yɔɔmine.

¹²Kyɛ a te yɔɔ Apolo eŋ, N sɔre o la yaga zaa ka o ne a yɔɔmine banaŋ wa yɛ zie, kyɛ ona eŋ ba boɔrɔ ka o wa pampana ŋa. O na wa la ka o naŋ wa nyɛ vuo.

¹³Yɛ gu yɛmenne velaa, a taa a yɛ yeldeebo kpeɛŋaa, yɛ ta zoro dabeɛ̃, yɛ taa faŋ.

¹⁴Yɛ erɛ yɛlɛ zaa ne nɔmmo.

¹⁵N yɔɔmine ane n yɔɔpuuli, yɛ baŋ ka Setefanase yideme la daŋ leɛ Kiristabiiri a Akaya poɔ, a da kpimare a tonɔ korɔ a nensonne.

¹⁶N sɔrɔ yɛ la ka yɛ tonɔ korɔ a noba bama taaba ane neɛzaa naŋ laŋ ne ba tonɔ a kyeenɛ wale.

¹⁷N kyellɛ la ne a Setefanase ane Fɔkyunatu ane Akyayaku waabo, bonso, ba leɛre la a yɛ zu.

¹⁸Bonso, ba eɛɛ la ka maa ne yɛ bare teɛroŋ. Azuiŋ, yɛ taa a noba bama ŋa taaba yɛlɛ.

¹⁹A puoruu laŋne yie noba naŋ be Ezeya poɔ puoro yɛ la. Akiila ane Prisika, a de ne a puoruu laŋne deme naŋ maŋ lantaa a ba yiri poɔ puoro yɛ la soŋ zaa a Daana eŋɛ.

²⁰A yɔɔmine ane a yɔɔpuuli zaa puoro yɛ la. Yɛ maŋ puori taa ne puoruu naŋ soma.

²¹Maa Pɔɔl la sɛgrɛ a yaane puoro ŋa ne n meŋɛ nu.

²²Neɛzaa naŋ ba nɔnɔ a Daana e la neɛ ba naŋ kaa-eŋ. Te Daana wa!

²³Ka a Daana Yeezu garaaseɛ be yɛ zie.

²⁴Ka a n nɔmmo be yɛ zaa zie a Kirista Yeezu eŋɛ.