Read Southern Dagaare KOLO 4 Bible Online

KOLO 4 - Southern Dagaare bible

KOLO 4

¹Nɛmbɛrɛ, yɛ erɛ a yɛ gbaŋgbaare ne lɛ naŋ soma ane lɛ naŋ seŋ ne, bonso, yɛ baŋ ka yɛ meŋ taa la Neŋkpoŋ ka O be tenvelaa[6] poɔ.

²Yɛ kpimare puoruu eŋɛ, a gu yɛmenne velaa, a puoro Naaŋmen bareka.

³Yɛ puoro korɔ te meŋ a yɛ puoruu poɔ ka Naaŋmen yuo sori ko te ka te moɔle a Kirista yelsɔglaa na eŋɛ N naŋ be a nempagdie poɔ,

⁴ka ka N na toɔ̃ manne a weliweli ka a sãã a seŋ N naŋ na manne a lɛ.

⁵Yɛ erɛ yɛlɛ ne yɛŋ a kyaara noba na naŋ ba poɔ yɛ poɔ, kyɛ maŋ vɛŋ ka wagre zaa yire tɔnɔ.

⁶Yɛ maŋ yele yɛlɛ ne kɔkɔbaaloŋ tegitegilɛ, ka a noma aŋa bon ba naŋ tɛŋ ne nyɛnnoo, ka yɛ na toɔ̃ baŋ lɛ yɛ naŋ na maŋ yeli sɔge neɛzaa.

⁷Takyiku na wa manne la a yɛlɛ zaa naŋ kyaare ma ko yɛ; o waa la n yɔɔ-nɔnaa, a waa tontonɔ naŋ taa yelmeŋɛ kyɛ waa n tontontɔ a Daana eŋɛ.

⁸N toŋ o la yɛ zie a yeli ŋa zuiŋ, ka ka yɛ na baŋ lɛ te naŋ waa kyɛ ka o yeli yɛlɛ dii yɛ sukyie.

⁹A Takyiku ne Onesimu la waana yɛ zie, a n yɔɔ naŋ taa yelmeŋɛ, a e n yɔɔ-nɔnaa, kyɛ waa yɛ kaŋ. Ba na wa yeli la yelzaa naŋ be a kyɛ ko yɛ.

¹⁰Arestaku n nempɔge-tɔ puoro yɛ la, ka Marko naŋ waa Banabase yɔɔ meŋ puoro yɛ, o yɛlɛ la ka ba da ko yɛ noɔre, a yeli; ka ka o naŋ wa wa yɛ zie, yɛ tuori de o velaa.

¹¹A Yeezu na ba naŋ boɔlɔ Gyustu puoro yɛ la. A bama yoŋ la waa noba dɛgre ba naŋ iri ka ba poɔ a n tonton-taaba poɔ a tonɔ a Naaŋmen naaloŋ zuiŋ, kyɛ da waa noba naŋ moorɔ korɔ ma.

¹²Epaferase naŋ waa yɛ kaŋ, a e a Kirista Yeezu tontonɔ puoro yɛ la. O maŋ moɔrɔ la a puoro korɔ yɛ tegitegilɛ ka ka yɛ na toɔ̃ baa ta noba kyɛ baŋ a Naaŋmen poboɔbo yɛlɛ zaa a ba bonnɔ.

¹³Bonso, N dire la o danseɛ ka o toŋ la toma yaga ko yɛ ane banaŋ naŋ be Laodisiya teŋɛ ane Hɛrapoli teŋɛ poɔ.

¹⁴Luka, a n poyɛŋ neɛ naŋ e tegetegrɛ ane Dɛmase puoro yɛ la.

¹⁵Yɛ puori a yɔɔmine ane a yɔɔpuuli naŋ be Laodisiya teŋɛ poɔ ko ma; kyɛ puori Nemfa ane a puoruu laŋne noba naŋ be a o yiri poɔ.

¹⁶Ka ba naŋ wa kanne a lɛtɛ ŋa yɛ poɔŋ baare, yɛ e ka ba kanne o a Laodisiya puoruu laŋne deme meŋ poɔŋ, kyɛ ka yɛ mɔ kyɛ kanne a lɛtɛ naŋ yi a Laodisiya puoruu laŋne deme zie meŋ.

¹⁷Yɛ yeli ko Akyipu, “Mɔ kyɛ toŋ a toma a Daana naŋ ko fo ka a baare.”

¹⁸Maa Pɔɔl la sɛge a yaane puoruu ŋa ne n meŋɛ nu. Yɛ leɛ-teɛre ka ba leŋ la n nuuri ne banzɔlɔ. Ka Naaŋmen garaaseɛ be yɛ zie.