Read Southern Dagaare II Tesa 1 Bible Online

II Tesa 1 - Southern Dagaare bible

II Tesa 1

¹Maa Pɔɔl, Silivaanu ane Timoti la sɛgrɛ a lɛtɛ ŋa korɔ a Tɛsalonika puoruu laŋne deme naŋ be a te Saa Naaŋmen ane a Daana Yeezu Kirista eŋɛ:

²Ka a te Saa Naaŋmen ane a Daana Yeezu Kirista garaaseɛ ane maaroŋ be yɛ zie.

³Te yɔɔmine ane te yɔɔpuuli, aŋa a naŋ seŋ lɛ, a ferɛɛ la ka te maŋ puoro Naaŋmen bareka tegitegilɛ a yɛ zuiŋ, bonso, a yɛ yeldeebo baara duoro la yaga zaa, ka a nɔmmo yɛ naŋ taa ne taa meŋ yɛllɛ.

⁴Azuiŋ temenne ŋmeɛrɛ la nyaa yɛ zuiŋ a Naaŋmen puoruu laŋne yie poore ne a yɛ kpimaroo ane yɛ yeldeebo a saŋ yɛ naŋ da dire dɔgɛɛ ane a woore zaa yɛ naŋ nyɛrɛ.

⁵A ŋaa wuli la a Naaŋmen mennoŋ sɛrɛɛdiibu, kyɛ O boɔrɔ la ka O e ka yɛ waa noba naŋ seŋ ne a O naaloŋ. A Naaŋmen naaloŋ ŋa meŋ zuiŋ la ka yɛ dire a dɔgɛɛ.

⁶Bonso, a sereŋ tu la sori ka Naaŋmen de dɔgroŋ yɔɔ ne a banaŋ naŋ dɔgrɔ yɛ sane,

⁷kyɛ ko a banaŋ ane tenee naŋ dire dɔgɛɛ pɛnnoo, ka ba naŋ wa iri a Daana Yeezu ane O maleke kpeɛne ka ba sãã a saluoni

⁸vũũzele poɔ, a dɔgre banaŋ naŋ ba baŋ Naaŋmen ane a banaŋ naŋ zagre a te Daana Yeezu yelnoore bare.

⁹A bama na nyɛ la dɔgroŋ naŋ waa weɛbo naŋ ba taa baaroo, ka ba wɛle ba yi a Daana niŋesogɔ ane a O gandaaloŋ puubu poɔ,

¹⁰saŋ na O naŋ na wa ka a O nensonne ko O puubu kyɛ e nɔmaa yɛlɛ a bebiri na daare a yelderebɛ zaa sogɔ, yɛ naŋ da sage de a te danseɛ diibu zuiŋ.

¹¹A ŋaa zuiŋ, te maŋ puoro korɔ yɛ la tegitegilɛ, a sɔrɔ ka ka a te Naaŋmen e ka yɛ seŋ ne a O boɔlaa, kyɛ ka a O kpeɛ̃õ soŋ yɛ ka yɛ toɔ̃ toŋ tonveɛle zaa ane a yeldeebo toma,

¹²ka a lɛ vɛŋ ka te Daana Yeezu yuori nyɛ puubu a yɛ zie, kyɛ ka yɛ meŋ nyɛ puubu O zie, a seŋ ne a te Naaŋmen ane a Daana Yeezu Kirista garaaseɛ.