Read Southern Dagaare 1 Tim 2 Bible Online

1 Tim 2 - Southern Dagaare bible

1 Tim 2

¹A yeldɛndɛŋ, N sɔrɔ yɛ la ka yɛ sɔrɔ Naaŋmen, a puoro, a puoro korɔ noba kyɛ puoro O bareka a noba zaa zuiŋ.

²Yɛ puoro korɔ namine ane neɛzaa naŋ e wederɛ, ka te na taa te nyɔvoɛ zomm ane emmaaroŋ, a taa o Naaŋmennoŋ ane gyeremɛ poɔ.

³A ŋaa la tori kyɛ pɛllɛ Naaŋmen a te Faara poɔ.

⁴Ona la boɔrɔ ka neɛzaa nyɛ faabo a kyɛ wa baŋ a yelmeŋɛ.

⁵Bonso Naaŋmen yeni yoŋ la bebe; ka yelmaala yeni meŋ be Naaŋmen ane nensaalba sogɔŋ. Ona la a Kirista Yeezu naŋ sereŋ waa nensaala,

⁶a da de O meŋɛ tere a yɔɔ de nensaalba zaa; ba da di la a yeli ŋa danseɛ a saŋ meŋɛ naŋ da wa ta.

⁷A ŋaa zuiŋ, ba da kaa-iri ma la ka N waa yelmoɔlɔ ane apostolii (a yelmeŋɛ la ka N yele, N ba ŋmaara zirii), a waa a Nemboore-yobo[3] kankanna a yeldeebo ane yelmennoŋ poɔ.

⁸N pãã boɔrɔ la ka a ziiri zaa poɔ, ka a dɔbɔ maŋ puoro zɛgrɛ nu-sonne ka a do saa kyɛ ta taa suuri bee nɔkpeɛne zaa.

⁹N boɔrɔ la ka a pɔgeba meŋ maŋ su boma naŋ seŋ ne kyɛ su peɛmɛ boma naŋ soma a seŋ ne, a ta maŋ leŋ ba zuri a eŋ salema bee kusi-nyegre bee a su boma daaroŋ naŋ ba wono.

¹⁰Kyɛ ba tonɔ tonsonne aŋa lɛ a naŋ seŋ ne pɔgeba naŋ eŋnɛ Naaŋmen.

¹¹A seŋ ka pɔge maŋ zanna yɛlɛ gbilli lɛ a ne sigruumilluu zaa.

¹²N ba tere sori ka pɔge zaa kanna noba bee a di kponnuŋ dɔɔ zu; o maŋ e gbilli.

¹³Bonso, Adama la ka ba da daŋ iri kyɛ pãã wa iri Hawa,

¹⁴kyɛ a Adama naane ka ba da bɛlle, a pɔge la ka ba da bɛlle ka o da zagre a Naaŋmen noɔre.

¹⁵Kyɛ a pɔge na nyɛ la faabo yi a biiri dɔgebo poɔ, ka ba naŋ wa kyɛnɛ be a yeldeebo ane nɔmmo ane sonnoŋ poɔ a kyɛ baŋ bamenne taabo.