Read Southern Dagaare 1 Tim 6 Bible Online

1 Tim 6 - Southern Dagaare bible

1 Tim 6

¹Vɛŋ ka banaŋ zaa naŋ be gbaŋgbaaloŋ poɔ nyɛ ba nembɛrɛ ka ba seŋ ne emmo boorɔ zaa, ka neɛzaa na ta to Naaŋmen yuori ane a kannoo zone.

²A gbaŋgbaare banaŋ nembɛrɛ naŋ e yelderebɛ ba seŋ ka ba erɛ nimikpɛ yɛlɛ korɔ ba, a nembɛrɛ naŋ poɔ a puoruu laŋne poɔ zuiŋ; kyɛ a ferɛɛ la ka ba maaleŋ tonɔ korɔ ba yaga, bonso, a banaŋ naŋ nyɛrɛ a ba toma tɔnɔ waa la yelderebɛ ane poyɛŋ noba. Kanna kyɛ kpaala yele a feroo toma ama yɛlɛ.

³Neɛzaa naŋ kanna yelyuo, a ba sage a te Daana Yeezu Kirista yelbi-menne ane kannoo na naŋ kyaare ne a Naaŋmennoŋ yɛlɛ,

⁴waa la pɔloo soba, a ba baŋ yelzaa, a nɔŋ ka o waana ne buriburi kyɛ maŋ ŋmeɛrɛ nɔkpeɛne ne yɛlɛ. A yɛlɛ ama la waana ne nyuuri, wɛltaa, yosãã, teɛroŋ faare naŋ kyaare ne fo tɔ,

⁵ane zɔɔre naŋ maŋ be a banaŋ naŋ taa teɛroŋ faare sogɔŋ ka ba ba la baŋ a yelmeŋɛ kyɛ teɛrɛ ka Naaŋmen puoruu waa la tɔnɔ boɔbo zie.

⁶Serɛzaa, Naaŋmen puoruu taa la tɔnɔ yaga kyɛ maŋ vɛŋ ka neɛ niŋe paale ne bon o naŋ taa;

⁷bonso, te ba taa bonzaa wa ne a teŋɛzu, lɛ meŋ la ka te koŋ la de bonzaa yi o poɔ.

⁸Kyɛ ka teneŋ taa bondirii ane bonsuuri, te niŋe na paale ne a la.

⁹Kyɛ banaŋ naŋ boɔrɔ ka ba leɛ bondaanema maŋ le la bɛllɛ poɔ kyɛ kpɛ damboluŋ ane vɔlfaare bɛrre naŋ maŋ de noba kpɛ ne sããmo ane weɛbo poɔ.

¹⁰Bonso, libie nɔmmo la faaloŋ boorɔ zaa yiibu zie, kyɛ a ba kyeroo ba naŋ kyerɛ ka ba leɛ bondaanema zuiŋ, ba mine bɔrɛɛ la yi a yeldeebo poɔ a de bamenne eŋ dɔgɛɛ yaga poɔ.

¹¹Kyɛ fõõ Naaŋmen neɛ, zo bale a yɛlɛ ama zaa bare; moɔ nimiri boɔrɔ mennoŋ, Naaŋmennoŋ, yeldeebo, nɔmmo, kannyiri diibu ane sumaaroŋ.

¹²Zɔɔrɔ a yeldeebo zɔɔre naŋ soma; nyɔge a nyɔvo-babaaraa taa, o eŋɛ la ka ba da boɔle fo ka fo da di danse-soŋ a dansediribe yaga niŋesogɔ.

¹³N kpaana fo la a Naaŋmen naŋ korɔ a boma zaa nyɔvore ane a Kirista Yeezu niŋesogɔ, a Onaŋ naŋ da di a yelmeŋɛ danseɛ a Ponsi Pilato zie,

¹⁴ka fo taa a Naaŋmen noɔre ka o ta mɔge dɛgre zaa bee a taa yelsaana zaa te ta a daare na a te Daana Yeezu Kirista naŋ na de O meŋɛ wuli.

¹⁵Ona la ka Naaŋmen na e ka O sãã a saŋ meŋɛ poɔ; a Boma Zaa Daana, a namine zaa Naa ane daanema zaa Daana yoŋ la so puubu.

¹⁶O yoŋ la koŋ baŋ kpi kyɛ kpeɛrɛ veɛloŋ poɔ neɛzaa naŋ kontoɔ̃ ta. Ona la ka neɛzaa daŋ ba nyɛ bee a na baŋ nyɛ; Ona la so puubu ane kpeɛ̃õ naŋ ba taa baaroo. Ameena.[11]

¹⁷Kpãã a banaŋ naŋ e bondaanema zenɛ, ka ba ta erɛ pɔloo bee a de ba teɛretɔroo[12] eŋ bondaanoŋ naŋ ba yaara baaroo eŋɛ, kyɛ ba de ba teɛretɔroo eŋ Naaŋmen naŋ maŋ ko te bonzaa ka a gore ka te wono ne noɔ.

¹⁸A seŋ ka ba erɛ soŋ, a leɛ bondaanema tonsonne poɔ, a taa nimibaaloŋ kyɛ pono ba boma,

¹⁹lɛ la ka ba na boɔrɔ naboma binne a gu ne nendaare kaŋ, ka lɛ vɛŋ ka ba na taa nyɔvore naŋ sereŋ e nyɔvore.

²⁰Timoti, gu a boma ba naŋ de ko fo taa velaa. Bare yelfoglo yeluu ane nɔkpeɛn-weere ba naŋ ŋmaara zirii boɔlɔ ka yelbammo.

²¹Noba mine naŋ tuuro a yɛlɛ ama bɔre yi la a yeldeebo poɔ a kpɛ weɛ. Ka a Naaŋmen maaloo be yɛ zaa zie.