Read Southern Dagaare Gyi 1 Bible Online

Gyi 1 - Southern Dagaare bible

Gyi 1

¹Maa Gyimisi naŋ waa Naaŋmen ane te Daana Yeezu Kirista tontonɔ la sɛgrɛ a lɛtɛ ŋa korɔ a Izerayɛl bale pie ne bayi naŋ yaare be a tendaa zaa poɔ: Yɛ yaane.

²N yɔɔmine ane n yɔɔpuuli, saŋ na zaa yɛ naŋ maŋ wa be toɔrɔ boorɔ zaa poɔ, yɛ ta de a ka a e yelzaa kyɛ yɛ vɛŋ ka a e popeɛloŋ ko yɛ,

³bonso, yɛ baŋ ka a yɛ yeldeebo enyaabo maŋ wa ne la kannyiri.

⁴Yɛ vɛŋ ka a yɛ kannyiri diibu taa tonɔ yaga zaa yɛ zie, ka yɛ na baa a yɛ yeldeebo poɔ, ka yelzaa ta faana yɛ.

⁵Ka yɛ kanzaa ba wa taa yɛŋ, o sɔre yɛŋ yi Naaŋmen zie, O na ko o la. Ona la maŋ ko neɛzaa ne popeɛloŋ, a ba zɔɔrɔ yɛlɛ.

⁶Kyɛ yɛ maŋ sɔre ne yeldeebo, a ta bonnɔ, bonso, soba na naŋ bonnɔ waa ŋa mane poɔ kɔmmiri saseɛ naŋ daara viire ne.

⁷A neɛ ŋa tɔ naŋ taa teɛroŋ-kpara, a ba e daadaa o yɛlɛ zaa poɔ, ta teɛre ka o na nyɛ la bonzaa yi a Daana zie.

⁹Vɛŋ ka yelderɛ naŋ ba taa a eebo kyellɛ ne Naaŋmen naŋ zɛge o ka o do,

¹⁰ka onaŋ naŋ taa a eebo ka Naaŋmen sigri o meŋ taa kyelloo, bonso, a bondaanoŋ na moore gaa la aŋa weɛ poɔ tepuuri.

¹¹Bonso, a ŋmenaa maŋ puri la ka a o toloŋ e ka a weɛ poɔ boma zoɔle a ko; ka a puuri suori le kyɛ ka a veɛloŋ baare. A lɛ ne o zu ka a na waa ko neɛ naŋ taa a eebo. Ba na wɛ la, a toma ba naŋ moɔ nimiri tonɔ poɔ.

¹²Soba na zaa naŋ di kannyiri toɔrɔ poɔ na nyɛ la maaloo. A neɛ ŋa soba naŋ toɔ̃ are a enyaabo poɔ zuiŋ, o na nyɛ la a nyɔvore nazupili na a Daana naŋ da eŋ noɔre ka O na ko la banaŋ naŋ nɔŋ O.

¹³Neɛ na zaa toɔrɔ naŋ kpɛ o, ta wa yele, “Naaŋmen la e ka bɛllɛ kpɛ ma”; bonso, neɛzaa koŋ baŋ bɛlle Naaŋmen ka O e yelfaa, ka O meŋɛ meŋ ba bɛllɛ neɛzaa.

¹⁴Kyɛ neɛ poboɔbo yɛlɛ la maŋ bɛlle o, a nyɔge o taa.

¹⁵Ka a o poboɔbo pãã wa taa poɔ baare, o maŋ dɔge la yelbieri, ka a yelbieri na wa baa ta, o maŋ dɔge la kũũ.

¹⁶N poyɛŋ noba, yɛ ta vɛŋ ka neɛzaa bɛlle yɛ.

¹⁷Mennoŋ kyɔɔtaare teroo zaa ane kyɔɔtaa zaa naŋ soma yi la sazu, a veɛloŋ Saa zie a sazu poɔ sigre waana. Ona la ba leɛrɛ bee a taa ligruŋ zaa.

¹⁸Naaŋmen naŋ da boɔrɔ ka O tu a O meŋɛ poboɔbo ka a ta zuiŋ, O da dɔge te la ne a O yelmeŋɛ yelbiri, ka ka te na waa a dɛndɛŋ noba a O bon-iri poɔ.

¹⁹N poyɛŋ noba, a ferɛɛ la ka yɛ baŋ a yeli ŋa tɛgɛ: yɛ vɛŋ ka neɛzaa maŋ e fɔ̃ɔ̃ ne yɛlɛ kyɛlle wommu, a ta pagra ne yɛlɛ yeluu, ka o suuri ta ŋmorɔ ire;

²⁰bonso, a fo suuri iruu ba waana ne Naaŋmen mennoŋ.

²¹Azuiŋ, yɛ bare yeldɛgɛ ane faaloŋ e gaŋ taa boorɔ zaa, kyɛ tuori de a Naaŋmen yelbiri O naŋ eŋ yɛ sukyie poore ne Sigruumilluu. A yelbiri taa la kpeɛ̃õ a na faa yɛ seere.

²²Yɛ e noba naŋ erɛ lɛ a Naaŋmen yelbiri naŋ yeli, kyɛ ta waa noba naŋ maŋ kyɛllɛ wono a yelbiri yoŋ, a bɛllɛ yɛmenne.

²³Bonso, banaŋ zaa naŋ maŋ wa kyɛlle woŋ a yelbiri kyɛ ba erɛ lɛ a yelbiri naŋ yeli, waa ŋa noba naŋ kaa nyɛ bamenne kyaanaa poɔ.

²⁴Ba maŋ kaa nyɛ la bamenne, kyɛ ba naŋ wa yi a kyaanaa zie gaa, a tɔntɔbaalɛ ka ba maŋ inni lɛ ba naŋ da waa.

²⁵Kyɛ banaŋ naŋ maŋ kaa a Naaŋmen bege naŋ tori poɔ, a meŋɛ-soobo bege, a taa kannyiri o poɔ, a ba waa noba naŋ maŋ kyɛlle woŋ kyɛ leɛ inni, kyɛ ba maŋ kyɛlle woŋ la, a e a lɛ ba naŋ woŋ. A noba bama na nyɛ la maaloo a ba yel-erre zuiŋ.

²⁶Ka neɛzaa wa teɛre ka o waa la puoripuoro kyɛ ba baŋ o zele taabo, o bɛllɛ la o meŋɛ, ka a o puoruu ba taa tɛgɛ.

²⁷Puoruu naŋ veɛlɛ, ka dɛgre zaa ba kye o poɔ a Saa Naaŋmen zie la ŋa: kaara bikpeere ane pɔg-kɔbɔ zu a ba woore poɔ, kyɛ gu fo meŋɛ, a ta mɔge faaloŋ a teŋɛzu.