Read Southern Dagaare 1 Pit 5 Bible Online

1 Pit 5 - Southern Dagaare bible

1 Pit 5

¹Pampana, N meŋɛ naŋ e neŋkpoŋ kyɛ waa a Kirista dɔgɛɛ dansedire, ane neɛ naŋ poɔ a puubu naŋ na wa sãã poɔ, N sɔrɔ la a nembɛrɛ naŋ be yɛ poɔ

²ka ba kyeenɛ a Naaŋmen peere O naŋ de eŋ ba nuuriŋ ka ba kaara. Yɛ kaara a zu ne popeɛloŋ aŋa lɛ Naaŋmen naŋ boɔrɔ, ka a ta e feroo bee tɔnɔ nyaabo zuiŋ, kyɛ ka a e yɛ naŋ nɔnɔ ka yɛ e zuiŋ.

³Yɛ ta dire gandaaloŋ a banaŋ ba naŋ ko yɛ ka yɛ kaara zu, kyɛ yɛ waa noba ba naŋ na tɔglɔ.

⁴Ka a pekyee-naa wa wa, yɛ na nyɛ la puubu nazupili naŋ ba yire kyeɛ.

⁵A lɛ ne o zu, yɛ banaŋ naŋ waa baapaalba seŋ ka yɛ sagra a yɛ nembɛrɛ nɔɛ. Yɛ zaa seŋ ka yɛ taa Sigruumilluu ne taa, bonso, ba sɛge la a gansoŋ poɔ: “Naaŋmen maŋ zagre la a pɔloo deme yɛlɛ, kyɛ maŋ korɔ a Sigruumilluu deme garaaseɛ.”

⁶Azuiŋ, yɛ sigri yɛmenne a Naaŋmen ganda-nu puliŋ, ka O zɛge yɛ ka yɛ do ka a saŋ wa ta.

⁷Yɛ de a yɛ yelwonni zaa ko O, bonso, O taa la yɛ yɛlɛ.

⁸Yɛ baŋ yɛmenne taabo, a kaara velaa. A yɛ dɔndɔmɔ a sebɛlbɛllɛ yoɔrɔ la a lanna aŋa gbeŋni naŋ kono a boɔrɔ neɛ ka o ɔɔ.

⁹Yɛ kyaare a Sebɛlbɛllɛ ne nyaa, a taa a yɛ yeldeebo kpeɛŋaa, bonso, yɛ baŋ ka a yɛ yɔɔmine ane a yɛ yɔɔpuuli naŋ be a tendaa lamboe zaa meŋ wono la a tuo ŋa tɔ.

¹⁰Ka yɛneŋ wa woŋ tuo belaa baare, a puoriŋ, a garaaseɛ zaa Naaŋmen naŋ boɔle yɛ eŋ a O puubu naŋ ba taa baaroo a Kirista poɔ, na e la ka yɛ leɛ are yɛ aroozie, a teɛ yɛ taa, a ko yɛ faŋ kyɛ e ka yɛ are kpeɛŋaa.

¹¹Ona la so a kpeɛ̃õ tegitegilɛ. Ameena.[11]

¹²A Silivaanu N naŋ de ka o waa N yɔɔ naŋ e nemmeŋɛ la soŋ ka N sɛge a gan-ŋmaa ŋa ka N yeli yɛlɛ teɛ yɛ kyɛ di danseɛ ka a Naaŋmen garaaseɛ meŋɛ la a ŋa. Yɛ are kpeɛŋaa o poɔ.

¹³A yɛ puoruu laŋne naŋ be a Baabilɔŋ poɔ puoro yɛ la. Ba na la ka ba da kaa-iri aŋa yɛ meŋ. A n bidɔɔ Marko meŋ puoro yɛ la.

¹⁴Yɛ puori taa ne nɔmmo puoruu naŋ soma. Ka maaroŋ be yɛ banaŋ zaa naŋ be a Kirista eŋɛ.