Read Southern Dagaare 2 Gyn 1 Bible Online

2 Gyn 1 - Southern Dagaare bible

2 Gyn 1

¹Maa, a Neŋkpoŋ la sɛgrɛ a lɛtɛ ŋa korɔ a pɔge ba naŋ kaa-iri ane a o bibiiri N naŋ nɔŋ a yelmeŋɛ poɔ. N yoŋ naane nɔŋ ba, kyɛ a banaŋ zaa naŋ baŋ a yelmeŋɛ meŋ nɔŋ ba la,

²a yelmeŋɛ na naŋ be te zie kyɛ naŋ na be te zie tegitegilɛ zuiŋ.

³A Saa Naaŋmen ane a Saa Bie Yeezu Kirista garaaseɛ, nembaalonzoe ane maaroŋ na be la te zie a yelmeŋɛ ane a nɔmmo poɔ.

⁴N poɔ da pɛlɛɛ la yaga ne N naŋ da nyɛ a fo bibiiri mine ka ba kyɛnɛ a yelmeŋɛ poɔ aŋa lɛ a Saa naŋ da eŋ noɔre ko te.

⁵Kyɛ pampana ŋa, pɔg-nɔnaa, N sɔrɔ fo la. A ba e ŋa nɔpaalaa la ka N sɛgrɛ korɔ fo kyɛ a onaŋ te naŋ da de yi a piiluu saŋ la; yɛ e ka te nɔnɔ taa.

⁶A nɔmmo la ŋa, ka te kyɛnɛ a Naaŋmen nɔɛ poɔ. A noɔre ŋa la ka yɛ da woŋ yi a piiluu saŋ; a fere ka yɛ kyɛnɛ o poɔ.

⁷Bɛlbɛlbɛ yaga wa la a teŋɛzu, banaŋ naŋ ba sage ka Yeezu Kirista wa leɛ la nensaala. A neɛ ŋa kanzaa tɔ waa la bɛlbɛllɛ ane zirii kirista!

⁸Yɛ gu yɛmenne velaa ka bon te naŋ toŋ nyɛ ta wa bɔre yɛ zie, kyɛ ka yɛ na nyɛ san-yɔɔ gbuli.

⁹Neɛzaa naŋ ba kyɛnɛ a Kirista wuluu poɔ, kyɛ maŋ gaŋ a wuluu bare ba taa Naaŋmen. Soba na zaa naŋ kyɛnɛ a wuluu poɔ taa la a Saa ane a Bie.

¹⁰Ka neɛzaa wa wa yɛ zie kyɛ ba taa a wuluu ŋa, yɛ ta sage de o a yɛ yiri poɔ bee a de o saanoŋ.

¹¹Bonso, ka fooŋ tuori de a soba, fo na poɔ la a o soba yelfaare poɔ.

¹²Aneazaa ka N taa la yɛlɛ yaga ka N sɛge ko fo, N koŋ sɛge eŋ lɛtɛ poɔ ko fo. N teɛrɛ la ka N wa fo zie ka te kaara taa nimie kyɛ yeli yɛlɛ, ka a te kyelloo na nyɛ paaloo.

¹³A fo yɔɔ ba naŋ kaa-iri na bibiiri puoro fo la.