Read Southern Dagaare 3 Gyn 1 Bible Online

3 Gyn 1 - Southern Dagaare bible

3 Gyn 1

¹Maa, a Neŋkpoŋ la sɛgrɛ a lɛtɛ ŋa korɔ N poyɛŋ neɛ Gayose. O e la neɛ N naŋ nɔŋ yelmeŋɛ zaa.

²N poyɛŋ neɛ, N puoro la ka ka yelzaa na kyɛnɛ velaa ko fo, kyɛ ka fo taa laafeɛ aŋa lɛ a fo seɛ yɛlɛ naŋ kyɛnɛ velaa.

³N poɔ da pɛlɛɛ la te zuo, a te taaba mine naŋ da wa di danseɛ ka fo taa la yelmennoŋ kyaare ne a yelmeŋɛ, aŋa lɛ fo naŋ kyɛnɛ a yelmeŋɛ poɔ.

⁴N koŋ baŋ taa popeɛloŋ zaa ka o e kpoŋ gaŋ ŋaa, ne N naŋ woŋ ka N bibiiri kyɛnɛ la a yelmeŋɛ poɔ.

⁵N poyɛŋ neɛ, taa yelmeŋɛ ne yelzaa fo naŋ erɛ korɔ a te bamine, aneazaa ka ba waa la sããma fo zie.

⁶Ba di la a fo nɔmmo danseɛ ko a puoruu laŋne. E aneɛ kyɛ bare ba sori ne lɛ naŋ seŋ Naaŋmen zie.

⁷Bonso, ba piili la a ba sori tuubu a Kirista zuiŋ, a ba sage ka ba de sommo yi a banaŋ naŋ ba sage de a Kirista yɛlɛ zie.

⁸A lɛ zuiŋ, a seŋ ka te maŋ soŋ a noba bama taaba, ka ba na waa te tonton-taaba a yelmeŋɛ poɔ.

⁹N da sɛge la yeli kaŋ ko a puoruu laŋne deme; kyɛ Diyɔterefese naŋ nɔŋ ka o maŋ de o meŋɛ e wederɛ, ba sage ka te waa la nembɛrɛ.

¹⁰Lɛnso, ka maa wa wa, N na yeli la ka a yi, a zirii o naŋ ŋmaara eŋnɛ te. Kyɛ aŋa a zirii ama ŋmaabo naŋ naŋ ba seŋ o, o zagrɛɛ la ka o de a te bamine saanoŋ kyɛ ba la sage ka banaŋ naŋ boɔrɔ ka ba de ba saanoŋ e a lɛ, kyɛ digre ba bara a puoruu laŋne poɔ.

¹¹N poyɛŋ neɛ, ta tɔglɔ yelfaare, tɔglɔ yelveɛle. Soba na zaa naŋ erɛ yelveɛle yi la Naaŋmen zie, ka soba na zaa naŋ erɛ yelfaare ba nyɛ Naaŋmen.

¹²Neɛzaa dire la danse-velaa kyaare ne Demeteruse, ka a yelmeŋɛ meŋ dire o danseɛ. Te meŋ dire la a o danseɛ, kyɛ ka fo baŋ ka a te danseɛ e la yelmeŋɛ.

¹³N taa la yɛlɛ yaga ka N sɛge ko fo, kyɛ N koŋ sɛge a lɛtɛ poɔ.

¹⁴Kyɛ N taa la teɛroŋ ka a koŋ kɔɔre kyɛ ka te nyɛ taa niŋesogre a laŋ yeli yɛlɛ.

¹⁵Ka maaroŋ be fo zie. A fo bamine zaa puoro fo la. Puori a te bamine yeni yeni zaa naŋ be a be.