Read Southern Dagaare Yel 15 Bible Online

Yel 15 - Southern Dagaare bible

Yel 15

¹N pãã da nyɛ la yelwulaa kaŋ meŋ a tenvelaa[30] poɔ naŋ da waa kpoŋ kyɛ taa nɔmaa: N da nyɛ la malekere bayopoi ka ba taa yelwolɔ ayopoĩ, ana la a yelwolɔ parebaaraa, bonso, a poɔ la ka a Naaŋmen supuriyaaraa na baare.

²N da nyɛ la bonkaŋ naŋ waa ŋa mane kyɛ nyegrɛ aŋa kyaanaa kyɛ pulli ne vũũ, kyɛ ka a banaŋ naŋ da zɔɔtoɔ̃ a wɛdoŋɔ ane a o teebo ane a o yuori ŋmaaroŋ da are peɛle a mane naŋ nyegrɛ aŋa kyaanaa a taa a Naaŋmen koriŋgyo ba nuuri poɔ.

³Ba da yiele la a Naaŋmen tontonɔ Moozul yieluŋ ane a Pilee yieluŋ a yele: “Naaŋmen Kpeɛ̃õ Zaa Daana, a fo toma waa la kpoŋ kyɛ taa nɔmaa! A tenne zaa Naa, a fo sobie waa la meŋɛ ane yelmeŋɛ!

⁴Daana, nembuo la koŋ zoro dabeɛ̃ a kyɛ ire a fo yuori? Bonso, fõõ yoŋ la waa soŋ. A tenne zaa na wa puori fo la a fo niŋesogɔ, bonso, a fo yelmennoŋ sããɛ la.”

⁵A yeli ŋa puoriŋ, N da kaaɛ la a nyɛ a Naaŋmen puoruudie danseɛ diibu sege ka o da yuo a tenvelaa poɔ,

⁶ka malekere bayopoi naŋ da taa a yelwolɔ ayopoĩ da wa yi a Naaŋmen puoruudie poɔ a su kparpeɛle parepare naŋ nyegrɛ kyɛ leŋ salema kpagre gare ba nyaa eŋɛ.

⁷Lɛ la ka a bonvoba anaare na kaŋ da de salema laare ayopoĩ naŋ paale ne a Naaŋmen na naŋ voorɔ tegitegilɛ supuriyaaraa ko a malekere bayopoi,

⁸ka a Naaŋmen puoruudie da paale ne nyoore[31] naŋ yi a Naaŋmen puubu ane O kpeɛ̃õ zie, ka neɛzaa da kontoɔ̃ kpɛ a Naaŋmen puoruudie poɔ kyɛ te ta lɛnɛɛ saŋ a malekere bayopoi yelwolɔ naŋ baare.