Read Southern Kisi Ko̍lo̍ni̍kō Tāso̍o̍ 3 Bible Online

Ko̍lo̍ni̍kō Tāso̍o̍ 3 - Southern Kisi bible

Ko̍lo̍ni̍kō Tāso̍o̍ 3

¹Bōōndi̍i̍ Dēēve̍ wa̍ Hi̍būlɔ̄ŋ nde̍, pūa̍a̍ o̍ ve̍lū lo̍ŋ nda̍, nda̍ cho̍ ha̍ā ni̍, Po̍ ndɔ̄ ta̍so̍o̍ wa̍ A̍mi̍nɔ̄ŋ ni̍. A̍mi̍nɔ̄ŋ yɛ̍ kāla̍ ndɔ̍ wa̍ Āhīno̍wām ni̍, fūlāa̍ Chɛ̍si̍lūɛ̄ɛ̄ chīe̍e̍. Po̍ ndɔ̄ dīi̍ŋ ndɔ̄ɔ̍ wa̍ Da̍a̍ni̍ɛ̍ɛ̄ ni̍, ndu̍ kāla̍ ndɔ̍ wa̍ Ābi̍kēē ni̍, fūlāa̍ Ka̍mɛ̄l chīe̍e̍.

²Po̍ ndɔ̄ ya̍a̍ ndɔ̄ɔ̍ wa̍ A̍bi̍sa̍lɔ̄m ni̍, ndu̍ ndu̍ kāla̍ ndɔ̄ wa̍ Ma̍a̍kāā nī. Ma̍a̍kāā ko̍ŋ yɛ̍, fi̍nyā ndɔ̍ wa̍ Ta̍li̍māī ni̍, o̍ wa̍ māsā bɛ̍ndōo̍ le̍ lɛ̄ŋndē Kɛ̍sīɔ̄ɔ̄le̍ŋ ndo̍. Po̍ ndɔ̄ hi̍ɔ̍ɔ̍lo̍o̍ wa̍ Ādo̍ni̍chā ni̍, ndu̍ kāla̍ ndɔ̄ wā Hāki̍ki̍tī nī.

³Po̍ ndɔ̄ ŋu̍ɛ̍ɛ̍no̍o̍ wa̍ Sīɛ̄fa̍tīāā ni̍, ndu̍ kāla̍ ndɔ̍ wa̍ Ābi̍tāā nī. Po̍ ndɔ̄ ŋɔ̍mpu᷅m ndo̍ wa̍ I̍tu̍lūɛ̄m ni̍. Ndu̍ kāla̍ ndɔ̍ wa̍ Ɛ̍ki̍lāā nī.

⁴Chūāūwāā ŋɔ᷄mpu᷅m nda̍ ha̍ā ki̍nɛ̍i̍, Hi̍būlɔ̄ŋ Dēēve̍ vēlū nda̍ ni̍, nāa̍ o̍ to̍sa̍ māsāle̍ŋ le̍ wɔ̄sīla̍ŋ lā ŋɔ᷄mmɛ̍ū pāŋgo̍ŋ ŋɔ᷄mpu᷅m nda̍. O̍ ko̍ŋ kɔ̍ɔ̍lī, mbo̍ tōsā vɛ̄lɛ̄ māsāle̍ŋ Chūlu̍sɛ̄lɛ̄m chīe̍e̍ le̍ wɔ̄sīla̍ŋ be̍le̍-ya̍a̍ a̍ lā yāa̍.

⁵Ndu̍yɛ̍ chūāūwāā o̍ ve̍lū Chūlu̍sɛ̄lɛ̄m nda̍, nda̍ cho̍ ha̍ā ni̍. Si̍mīāā, a̍ Sīōba̍bī, a̍ Ne̍tāŋ, a̍ Sɔ̍lɔ̍mɔ̄ŋ. Pūa̍a̍ hi̍ɔ̍ɔ̍lu̍a̍a̍ ha̍ā o̍ ve̍lū nda̍ Bātīsi̍ɛ̍bā, chūa̍ A̍mīɛ̄l wo̍ nī.

⁶O̍ ko̍ŋ kɔ̍ɔ̍lī, pūa̍a̍ ndūa̍a̍ ā pīli̍a̍a̍ nda̍ cho̍ vɛ̄lɛ̄ ha̍ā ni̍, I̍bi̍hāā, a̍ Ɛ̄li̍sūāā, a̍ Ɛ̄līfɛ̍lɛ̍tī,

⁷a̍ Nɔ̍mbāā, a̍ Nɛ̍fɛ̍kī, a̍ Chāfi̍yā,

⁸a̍ Ɛ̄līsi̍a̍mā, a̍ Ɛ̄li̍a̍a̍dā, a̍ Ɛ̄līfɛ̍lɛ̍tī, mɛ̄ɛ̍ fa̍ū fa̍ū nda̍ wa᷅ ā ŋɔ̄ma̍hīɔ̍ɔ̍lu̍.

⁹Mɛ̄ɛ̍ pūa̍a̍ Dēēvi̍a̍a̍ ki̍nɛ̍i̍ nda̍ ka̍ŋ nī. Ō fūla̍ o̍ pūa̍a̍ nda̍ vēlū nda̍ lāāndāā ndūāā pɔ̍mbūa̍a̍ wa̍ kɔ̄ɔ̄lī. Mbo̍ vīālū vɛ̄lɛ̄ wānā la̍nɔ̍ɔ̍ dīōla̍ŋ āā Ta̍māā.[2]

¹⁰Wānāa̍ fu̍la̍ o̍ pūlāle̍ Sɔ̍lɔ̍mɔ̄ŋ nde̍ŋ chōo̍ wa̍, nda̍ cho̍ ha̍ā ni̍, Lūɛ̄hōbo̍wām, a̍ Ābi̍chā, a̍ A̍sā, a̍ Chɛ̄hōsi̍a̍fa̍tī,

¹¹a̍ Chɛ̄ho̍lūām, a̍ Āhāsa̍yā, a̍ Cho̍wa̍sī,

¹²a̍ Āmāsi̍yā, a̍ Yūsa̍yā, a̍ Cho̍tām,

¹³a̍ E̍ha̍a̍sī, a̍ Hɛ̄sɛ̄ki̍yā, a̍ Mānāa̍sē,

¹⁴a̍ A̍mɔ᷅ŋ, a̍ Chōōsa̍yā.

¹⁵Chōōsa̍yā yɛ̍, ndu̍ o̍o̍ ve̍lū pūa̍a̍ a̍ hi̍ɔ̍ɔ̍lu̍, pūa̍a̍ ka̍ŋ nda̍ cho̍ ha̍ā ni̍, Chōha̍nāŋ wa̍ po̍ ndɔ̄ ta̍so̍o̍ ni̍. Po̍ ndɔ̄ dīi̍ŋ ndɔ̄ɔ̍ wa̍ Chɛ̄hōwa̍kīm ni̍, po̍ ndɔ̄ ya̍a̍ ndɔ̄ɔ̍ wa̍ Sɛ̄dīka̍yā ni̍, po̍ ndɔ̄ hi̍ɔ̍ɔ̍lo̍o̍ wa̍ Chōwāha̍a̍sī nī.

¹⁶Chɛ̄hōwa̍kīm, po̍ Chōōsa̍yā wo̍ ndu̍ o̍o̍ ve̍lū pūa̍a̍ ā ŋīɔ̍ɔ̍ŋ, pūa̍a̍ ka̍ŋ nda̍ cho̍ ha̍ā, Chɛ̄hōwa̍chīŋ nda̍ Sɛ̄dīka̍yā.

¹⁷Chɛ̄hōwa̍chīŋ, po̍ Chɛ̄hōwa̍kīm ndo̍ ndu̍ o̍o̍ ve̍lū pūa̍a̍ ā ŋɔ᷄mmɛ̍ū, kɛ̍ ma̍ bīī ndu̍ ma̍ kūā a̍ ndu̍ o̍ bīyɔ̄ɔ̍ ni᷄ŋ. Pūa̍a̍ ndūāā ka̍ŋ nda̍ cho̍ ha̍ā ni̍, Si̍ɛ̍ɛ̍tīɛ̄l,

¹⁸a̍ Mālki̍lūām, ā Pɛ̄da̍a̍yā, a̍ Sīɛ̄na̍sāā, a̍ Chɛ̄kāmi̍yā, a̍ Hɔ̄si̍a̍mā, a̍ Nɛ̍da̍bīāā.

¹⁹Pɛ̄da̍a̍yā, po̍ Chɛ̄hōwa̍chīŋ ndo̍ ō pīlɔ̍ɔ̍, pūa̍a̍ ndūa̍a̍ cho̍ ha̍ā ni̍, Sɛ̄lūba̍bɛ̄l nda̍ Si̍mɛ̄ī. Sɛ̄lūba̍bɛ̄l po̍ Pɛ̄da̍a̍yā wo̍, chūāūwāā o̍ ve̍lū wa̍ nda̍ cho̍ ha̍ā ni̍, Mɛ̄si̍u̍lām a̍ Hānāni̍yā, a̍ Sīɛ̄lo̍mi̍tī ye̍mā nda̍.

²⁰Sɛ̄lūba̍bɛ̄l ndu̍ o̍o̍ vēlū vɛ̄lɛ̄ pūa̍a̍ chēle̍ŋ nda̍ ŋu̍ɛ̍ɛ̍nu̍, pūa̍a̍ ka̍ŋ nda̍ chō ha̍ā ni̍, Hāsi̍u̍bāā, a̍ O̍hɛ̄ɛ̄l, a̍ Bɛ̄lu̍i̍chīāā, a̍ Hāsāda̍yā, a̍ Chūsi̍a̍bī Hɛ̍sɛ̍dī.

²¹Hānāni̍yā, po̍ Sɛ̄lūba̍bɛ̄l wo̍ ō pīlɔ̍ɔ̍, ndu̍ ve̍lū Pɛ̍la̍tīāā a̍ Chɛ̄si̍a̍yā ni̍. Chɛ̄si̍a̍yā ve̍lū Lūɛ̄fa̍i̍yāā ni̍. Lūɛ̄fa̍i̍yāā ve̍lū A̍a̍nāŋ ni̍. A̍a̍nāŋ ve̍lū Ōbāda̍yā ni̍. Ōbāda̍yā ve̍lū Sīɛ̄kāna̍yā ni̍.

²²Sīɛ̄kāna̍yā, po̍ Ōbāda̍yā wo̍, ndu̍ pōo̍ ō pīlɛ̍ ko̍ni̍ ndu̍ o̍o̍ ve̍lū ni̍, dīōla̍ŋ āā Sīɛ̄ma̍yā. Sīɛ̄ma̍yā ko̍ŋ yɛ̍ pūa̍a̍ ndūa̍a̍ cho̍ ha̍ā ni̍. Hātūsi̍hī, a̍ I̍kāl, a̍ Bālu̍i̍yā, a̍ Nīāālu̍i̍yā, a̍ Si̍a̍fa̍tī. Mɛ̄ɛ̍ fa̍ū fa̍ū, wānāā ŋɔ᷄mpu᷅m nda̍ fu̍la̍ o̍ pūlāle̍ Sīɛ̄kāni̍yāle̍ŋ chōo̍ ni̍.

²³Nīāālu̍i̍yā, po̍ Sīɛ̄ma̍yā wo̍ ō pīlɔ̍ɔ̍, ndu̍ o̍o̍ ve̍lū pūa̍a̍ ā yāa̍, pūa̍a̍ ka̍ŋ nda̍ cho̍ ha̍ā ni̍, Ɛ̄li̍o̍nāī, a̍ Hīsīka̍yā, a̍ Āsi̍li̍kām.

²⁴Ɛ̄li̍o̍nāī, po̍ Nīāālu̍i̍yā wo̍ ō pīlɔ̍ɔ̍, ndu̍ o̍o̍ ve̍lū pūa̍a̍ ā ŋɔ᷄mmɛ̍ū, pūa̍a̍ ka̍ŋ nda̍ cho̍ ha̍ā ni̍. Hōda̍vīāā, a̍ Īlīa̍a̍si̍bī, a̍ Pɛ̄lāli̍yā, a̍ Āku̍bī, a̍ Chōha̍nāŋ, a̍ Dɛ̄la̍a̍yā, a̍ A̍na̍nī.