Read Southern Kisi Ko̍lo̍ni̍kō Tāso̍o̍ 4 Bible Online

Ko̍lo̍ni̍kō Tāso̍o̍ 4 - Southern Kisi bible

Ko̍lo̍ni̍kō Tāso̍o̍ 4

¹Chu̍dā, po̍ Che̍kɔ̍pū wo̍ ō pīlɔ̍ɔ̍, wānāa̍ fu̍la̍ o̍ pūlāle̍ ndɔ̄le̍ŋ chōo̍ wa̍, nda̍ cho̍ ha̍ā ni̍, Pɛ̍lu̍ɛ̍sī, a̍ Hɛ̍si̍lɔ̄ŋ, a̍ Ka̍a̍mī, a̍ Hɔ̍ɔ̄l, a̍ Si̍o̍bāl.

²Si̍o̍bāl yɛ̍, ndu̍ ve̍lū Lu̍ɛ̍yāā ni̍. Lu̍ɛ̍yāā ve̍lū Cha̍ha̍tī ni̍. Cha̍ha̍tī ndu̍ ve̍lū A̍hu̍māī a̍ La̍ha̍dī ni̍. Wāŋnda̍ ha̍ā o̍ pūlāle̍ ndāle̍ŋ chōo̍ yu̍ŋgu̍la̍ So̍lu̍a̍tīi̍ya̍ lā fūla̍ ni̍.

³Hɔ̍ɔ̄ wa̍ po̍ tāse̍ Ke̍lɛ̍bī nda̍ E̍fi̍lu̍a̍tī la̍a̍ndɔ̄ a̍ vēlū wo̍ ni̍. Mɛ̄ɛ̍ Hɔ̍ɔ̄ ko̍ŋ, wānāa̍ fu̍la̍ o̍ pūlāle̍ ndɔ̄le̍ŋ chōo̍ wa̍, nda̍ ke̍lū Bɛ̍ti̍lɛ̍hɛ̄m ni̍. Hɔ̍ɔ̄ ko̍ŋ yɛ̍, ndu̍ o̍o̍ ve̍lū pūa̍a̍ ā yāa̍. Mɛ̄ɛ̍ pūa̍a̍ ka̍ŋ nda̍ cho̍ ha̍ā ni̍, I̍tām, Pɛ̍nūɛ̄l a̍ E̍sɔ̄. I̍tām po̍ Hɔ̍ɔ̄ wo̍, ndu̍ ndu̍ o̍o̍ ve̍lū pūa̍a̍ ā yāa̍, mɛ̄ɛ̍ pūa̍a̍ ka̍ŋ nda̍ cho̍ ha̍ā ni̍, Chɛ̍si̍lūɛ̄ɛ̄, a̍ I̍si̍mā, a̍ I̍di̍ba̍sīī. Mbo̍ vīālū vɛ̄lɛ̄ wānā la̍nɔ̍ɔ̍ dīōla̍ŋ āā, Hāsɛ̄lɛ̄po̍nī. Pɛ̍nūɛ̄l, po̍ Hɔ̍ɔ̄ wo̍ ō pīlɔ̍ɔ̍, ndu̍ ke̍lū Kɛ̍dɔ̄ɔ̄ ni̍, mi̍ Ɛ̍sɛ̄ɛ̄ ndu̍ ki̍a̍lū Hu̍sīāā.

⁴

⁵A̍sīɔ̄ɔ̄, fi̍nyāa̍ Tɛ̄ko̍wā, ndu̍ o̍o̍ nɔ̍ lāāndūa̍a̍ ā ŋīɔ̍ɔ̍ŋ, nda̍ yɔ̍nūŋ ni̍ māā Hɛ̍lāā nda̍ Na̍a̍lūā.

⁶Mɛ̄ɛ̍ Na̍a̍lūā la̍a̍ndɔ̄, ndu̍ ve̍lū A̍hu̍sām, a̍ Hɛ̍fɛ̄ɛ̄, a̍ Tɛ̍mɛ̍nī, a̍ Hāāhāsi̍ta̍lī.

⁷Hɛ̍lāā, la̍nɔ̍ A̍sīɔ̄ɔ̄ wo̍ ō pīlɔ̍ɔ̍, ndu̍ ve̍lū Sɛ̍lu̍ɛ̍tī, a̍ I̍si̍hāā, a̍ Ɛ̄ti̍nāŋ ni̍.

⁸Ko̍o̍sī ndu̍ ve̍lū A̍nu̍bī a̍ So̍bɛ̍bāā ni̍. Ndu̍yɛ̍ o̍ pūlāle̍ ndɔ̄le̍ŋ chōo̍ yu̍ŋgu̍la̍ A̍ha̍hɛ̄ɛ̄l la̍ŋ, po̍ Ha̍lūm ndo̍ lā fūla̍ ni̍.

⁹Po̍ pi᷅lɛ̍ wa̍ dīōla̍ŋ āā Cha̍bɛ̍sī, o̍ wa̍ wāna̍ lēbɛ̄ɛ̄ bɛ̍ndū mbo̍ hīāū pūa̍a̍ fi̍nyā ndɔ̄ wa̍ ā pīli̍a̍a̍. Bōōndi̍i̍ kāla̍ ndɔ̄ wa̍ ndu̍ vīōlɔ̄ɔ̍ ve̍, mbo̍ sɔ̄lā nyɛ̄ nɛ̄īyāa̍ ta̍u̍. Mɛ̄ɛ̍ nyɛ̄ ko̍ŋ to̍sa̍ ni̍ mbo̍ kē ndu̍ dīōla̍ŋ, āā Cha̍bɛ̍sī.[3]

¹⁰Cha̍bɛ̍sī ko̍ŋ, ndu̍ pi̍ɛ̍i̍ Mɛ̄lɛ̄ka̍ I̍sɔ̄lūɛ̍i̍ya̍ ni̍ mbo̍ dīmī āā, “O̍o̍ Mɛ̄lɛ̄ka̍, dɔ̍u̍ ya̍ sa̍lā ndu̍yɛ̍ mā chɔ̍ɔ̍lu̍ būŋgɛ̄ī nīi̍. Bā nūmndo̍ ō wa̍ ya̍ chōo̍ Mɛ̄lɛ̄ka̍, ndu̍yɛ̍ mā ma̍nda̍ ya̍ māā nyɛ̄ o̍ nyɛ̄ pālāā ō ko̍māl la̍, mi̍ sɔ̍la̍ nyɛ̄ nɛ̄īyāa̍ le̍!” Ndu̍yɛ̍, mi̍ Mɛ̄lɛ̄ka̍ ō mūlī pīɛ̄īlē ndɔ̄le̍ŋ.

¹¹Ke̍lɛ̍bī, pɔ̄mbɔ̄ɔ̍ Su̍hāā, ndu̍ o̍o̍ vēlū pōo̍ dīōla̍ŋ āā, Mɛ̍hɛ̄ɛ̄. Mɛ̍hɛ̄ɛ̄ yɛ̍, ndu̍ ve̍lū Ɛ̄si̍tɔ̄ŋ ni̍.

¹²Ɛ̄si̍tɔ̄ŋ ko̍ŋ, ndu̍ ndu̍ o̍o̍ ve̍lū pūa̍a̍ ā yāa̍, nda̍ yɔ̍nūŋ ni̍ māā Bɛ̄tī lu̍a̍fā, a̍ Pa̍a̍sīāā, a̍ Tɛ̍hi̍nāā. Tɛ̍hi̍nāā yɛ̍ ndu̍ ve̍lū Īlīnāha̍a̍sī ni̍. Wānāa̍ fu̍la̍ o̍ pūlāle̍ pūa̍a̍ ha̍ā chōo̍ wa̍, Lu̍ɛ̍kāā nda̍ wa᷄ īchāli̍ ni̍.

¹³Po̍ pi᷅lɛ̍ dīōla̍ŋ āā Ke̍na̍sī, ndu̍ O̍o̍ ve̍lū pūa̍a̍ ā ŋīɔ̍ɔ̍ŋ, O̍ti̍nīɛ̄l nda̍ Sɛ̄lu̍i̍yā. Mɛ̄ɛ̍ O̍ti̍nīɛ̄l, po̍ Ke̍na̍sī wo̍, pūa̍a̍ ndūa̍a̍ cho̍ ha̍ā ni̍, Hātīha̍a̍tī nda̍ Mɛ̄wōno̍tāī.

¹⁴Mɛ̄wōno̍tāī po̍ O̍ti̍nīɛ̄l wo̍, ndu̍ ve̍lū Ōfi̍i̍lūā ni̍. Sɛ̄lu̍a̍yā, po̍ Ke̍na̍sī wo̍ ō pīlɔ̍ɔ̍, ndu̍ ve̍lū Cho̍wa̍bī ni̍. Cho̍wa̍bī ko̍ŋ yɛ̍, ndu̍ ke̍lū Kɛ̄hālu̍a̍sīm ni̍. Kɛ̄hālu̍a̍sīm lo̍ŋ wānāā cha̍ā nyɔ̍ɔ̍ŋ sīɔ̄lɔ̄ɔ̍ wa̍ ā fūla̍ ni̍.

¹⁵Po̍ pi᷅lɛ̍ dīōla̍ŋ āā Ke̍lɛ̍bī, fi̍nyā ndɔ̍ wa̍ Chɛ̍fu̍nɛ̄ɛ̄ ni̍. Ke̍lɛ̍bī ko̍ŋ, ndu̍ o̍o̍ ve̍lū pūa̍a̍ ā yāa̍, pūa̍a̍ ka̍ŋ nda̍ cho̍ ha̍ā ni̍, I̍lūū, a̍ Ɛ̍lāā, a̍ Na̍ām. Ɛ̍lāā yɛ̍, ndu̍ ve̍lū Ke̍na̍sī ni̍.

¹⁶Po̍ pi᷅lɛ̍ wa̍ dīōla̍ŋ āā Chɛ̄hālɛ̍lɛ̄ɛ̄, ndu̍ ve̍lū Si̍fī, a̍ Si̍fāā, a̍ Ti̍līāā, a̍ A̍sa̍lūɛ̄ɛ̄ ni̍.

¹⁷Po̍ pi᷅lɛ̍ wa̍ dīōla̍ŋ āā Ɛ̄si̍lūāā, ndu̍ ve̍lū Chɛ̍tɛ̄ɛ̄, a̍ Mɛ̍lu̍ɛ̍dī, a̍ Ɛ̍fā, a̍ Cha̍lɔ̄ŋ ni̍. Mɛ̍lu̍ɛ̍dī yɛ̍, mbo̍ chūā chu̍a̍ Māsā Bɛ̍ndōo̍ I̍chi̍pī wo̍ o̍ nɔ̄ɔ̍ ni᷄ŋ dīōla̍ŋ āā Bi̍ti̍hīāā. Ndu̍yɛ̍, mi̍ chūa̍a̍ ho̍ō ō vīlūl ndu̍ wānā la̍nɔ̍ɔ̍ dīōla̍ŋ āā Me̍e̍līām, a̍ pūa̍a̍ ā ŋīɔ̍ɔ̍ŋ, Si̍a̍māī nda̍ I̍si̍bāā. I̍si̍bāā ko̍ŋ, ndu̍ ve̍lū Ɛ̄sītɛ̍mo̍wā wā ni̍.

¹⁸O̍ ko̍ŋ kɔ̍ɔ̍lī, mi̍ la̍a̍ndɔ̄ o̍ fu̍la̍ o̍ pūlāle̍ Chu̍dāle̍ŋ chōo̍ wo̍, ō vīlūl ndu̍ chūāūwa̍. Chūāūwāā kāŋ nda̍ cho̍ ha̍ā ni̍, Chɛ̍dɔ̄ɔ̄, a̍ Hɛ̍bɛ̄ɛ̄, a̍ Chɛ̍ku̍tīɛ̄ɛ̄. Chɛ̍dɔ̄ɔ̄ ko̍ŋ, ndu̍ ve̍lū Kɛ̍dɔ̄ɔ̄ ni̍, Hɛ̍bɛ̄ɛ̄, ndu̍ ve̍lū So̍kō ni̍, Chɛ̍ku̍tīɛ̄ɛ̄, ndu̍ ve̍lū Sa̍no̍wāā ni̍.

¹⁹Po̍ pi᷅lɛ̍ wa̍ dīōla̍ŋ āā Hōdi̍yāā, mbo̍ chūā yēmāa̍ Na̍hām o̍ nɔ̄ɔ̍ ni᷄ŋ. Hōdi̍yāā ko̍ŋ, wānāa̍ fu̍la̍ o̍ pūlāle̍ ndɔ̄le̍ŋ chōo̍ wa̍, nda̍ yɔ̍nūŋ ni̍ māā Kēīli̍a̍a̍tīi̍ya̍ a̍ Ɛ̄sītɛ̍mo̍wa̍tīi̍ya̍. Kēīli̍a̍a̍tīi̍ya̍ nda̍ o̍ būŋgɛ̄ī Ka̍mi̍na̍i̍tīi̍ye̍ ni᷄ŋ nda̍ fūla̍ ni̍. Ɛ̄sītɛ̍mo̍wa̍tīi̍ya̍ yɛ̍, o̍ būŋgɛ̄ī Māākāta̍i̍tīi̍ye̍ ni᷄ŋ nda̍ fūla̍ ni̍.

²⁰Po̍ pi᷅lɛ̍ wa̍ dīōla̍ŋ āā Si̍mɔ̄ŋ, pūa̍a̍ o̍ ve̍lū wa̍ nda̍ cho̍ ha̍ā ni̍, A̍mi̍nɔ̄ŋ, a̍ Lu̍i̍nāā, a̍ Bɛ̄ŋha̍nāŋ, a̍ Ti̍lɔ̄ŋ. Po̍ pi᷅lɛ̍ wa̍ vɛ̄lɛ̄ dīōla̍ŋ āā A̍sīī, pūa̍a̍ o̍ ve̍lū wa̍ nda̍ cho̍ ha̍ā ni̍, So̍hɛ̍tī nda̍ Bɛ̄ŋsōhɛ̍tī.

²¹Si̍ɛ̍lā, po̍ Chu̍dā wo̍ ō pīlɔ̍ɔ̍, pūa̍a̍ o̍ ve̍lū wa̍ nda̍ cho̍ ha̍ā ni̍. Ɛ̍ɛ̄ nda̍ La̍a̍dāā. Ɛ̍ɛ̄ ndu̍ ve̍lū Lɛ̍kā ni̍. La̍a̍dāā ndu̍ ve̍lū Mālu̍ɛ̍sīāā ni̍. O̍ ko̍ŋ kɔ̍ɔ̍lī, yu̍ŋgu̍la̍ fu̍la̍ o̍ chīɛ̄ī wānāa̍ to̍o̍sīāā ko̍lāla̍ ba̍ā kālā ka̍lā la̍ŋ Bɛ̄tī-A̍si̍bīāā chīe̍e̍ wa̍, o̍ yu̍ŋgu̍ Si̍ɛ̍lā po̍ Chu̍dā wo̍ chōo̍ nda̍ fūla̍ ni̍.

²²Si̍ɛ̍lā po̍ Chu̍dā ko̍ŋ, ndu̍ ve̍lū vɛ̄lɛ̄ Cho̍kīm, a̍ pūa̍a̍ Ko̍sɛ̍bā chīe̍e̍ ni̍, a̍ Cho̍wa̍sī, a̍ Sa̍lu̍a̍fī. Sa̍lu̍a̍fī ko̍ŋ yɛ̍, ndu̍ chu̍a̍ wāŋ lāāndūāā Mo̍wa̍bi̍tīi̍ya̍ o̍ nɔ̄ɔ̍ ni᷄ŋ ni̍, ma̍ kɔ̍ cha᷅l Bɛ̍ti̍lɛ̍hɛ̄m chīe̍e̍. Ko̍na̍a̍ ho̍ō a̍ wāŋndā ha̍ā o̍kɔ̄ɔ̄, ō chō ni᷅ŋ hāū su̍ɛ̍i̍ le̍vi̍l.

²³Ndu̍yɛ̍ wānāa̍ fu̍la̍ ha̍ā o̍ pūlāle̍ Si̍ɛ̍lāle̍ŋ chōo̍, ma̍ wā īchāli̍ Nɛ̍tīm a̍ Kɛ̄dɛ̍lūā chīe̍e̍ wa̍, wānāā tōōsīāā kpɛ̍ɛ̍nɔ̍ŋ pūūlūa̍a̍ ha̍ā, nda̍ nda̍ a̍a̍ to̍sā wa̍llo̍ le̍ Māsā Bɛ̍ndōo̍ ni̍.

²⁴Si̍mīɔ̄ŋ, po̍ Che̍kɔ̍pū wo̍ ō pīlɔ̍ɔ̍, pūa̍a̍ o̍ ve̍lū wa̍ nda̍ cho̍ ha̍ā ni̍, Nɛ̍mūɛ̄l, a̍ Cha̍mīŋ, a̍ Cha̍lu̍i̍bī, a̍ Sɛ̍lūā, a̍ Si̍a̍ūl.

²⁵Si̍a̍ūl, po̍ Si̍mīɔ̄ŋ ndo̍, ndu̍ ve̍lū Si̍a̍lūm ni̍, Si̍a̍lūm ndu̍ ve̍lū Mi̍bi̍sām ni̍, Mi̍bi̍sām ndu̍ ve̍lū Mi̍si̍māā ni̍.

²⁶Mi̍si̍māā, po̍ ma̍mā Si̍a̍ūl wo̍, ndu̍ ve̍lū Ha̍mūɛ̄l ni̍, Ha̍mūɛ̄l ndu̍ ve̍lū Sa̍kɔ̄ɔ̄ ni̍, Sa̍kɔ̄ɔ̄ ndu̍ ve̍lū Si̍mɛ̄ī ni̍.

²⁷Si̍mɛ̄ī, po̍ Sa̍kɔ̄ɔ̄ wo̍, ndu̍ o̍o̍ ve̍lū pūa̍a̍ tɔ̍ a̍ ā ŋɔ᷄mpu᷅m a̍ wāŋ lāāndūa̍a̍ ā ŋɔ᷄mpu᷅m. Kɛ̍, bɛ̄ndāā ndūa̍a̍ nda̍, nda̍ a̍a̍ vi̍lu̍ chu̍a̍u̍wāā bɔ̄ɔ̍ le̍. Le̍ he̍ī, yu̍ŋgu̍ Si̍mīɔ̄ŋ ndo̍ ō kūi̍ māā yu̍ŋgu̍ Chu̍dā wo̍ le̍.

²⁸Chi̍e̍e̍ŋ wāŋnda̍ ha̍ā ā wa̍ īchāli̍ wo̍ŋ mu̍ŋ cho̍ mu᷅ŋ ni̍, Bīɛ̄ɛ̄si̍ɛ̍bā, a̍ Mo̍la̍dāā, a̍ Hāsāsu̍sīm,

²⁹a̍ Bi̍li̍ha̍ā, a̍ I̍sɛ̄m, a̍ To̍la̍dī,

³⁰a̍ Bɛ̄tīhɔ̍ɔ̄, a̍ Hɔ̍lu̍i̍māā, a̍ Si̍ki̍lāā,

³¹a̍ Bɛ̄tīma̍ka̍bɔ̍tī, a̍ Hāsāsu̍sīm, a̍ Bɛ̄tī-bi̍lūī, a̍ Si̍a̍a̍lūīm. Chi̍e̍e̍ŋ ndāŋ bɛ̍ndo᷄ŋ wa̍ mu᷅ŋ ni̍ ha̍a̍a̍ mbo̍ lō o̍ kōŋ mi̍ Dēēve̍ ō sīmnu᷄ŋ ma̍sā.

³²Chi̍o̍o̍ŋ mu᷅ŋ yɛ̍, sɔ̄ndɔ̄kɔ̍ltā ndāla̍ŋ la̍ wa̍ la᷅ŋ ni̍, I̍tām, a̍ A̍īŋ, a̍ Lu̍i̍mɔ̄ŋ, a̍ To̍chɛ̄ŋ, a̍ A̍sāŋ. Mɛ̄ɛ̍ fa̍ū fa̍ū, sɔ̄ndɔ̄kɔ̍lta̍ŋ lā ŋūɛ̍ɛ̍nu̍.

³³O̍ ko̍ŋ kɔ̍ɔ̍lī, a̍ sɔ̄ndɔ̄kɔ̍ltā chēle̍ŋ nda̍ ba̍lu̍ chi̍o̍o̍ŋ mu᷅ŋ nda̍ŋ, mbo̍ kūā ha̍a̍a̍ le̍nde̍ a̍ Ba̍la̍tī chīe̍e̍. Wāŋnda̍ ha̍ā ki̍nɛ̍i̍, o̍ chi̍o̍o̍ŋ mu᷅ŋ ni᷄ŋ nda̍ wa̍ īchāli̍ ni̍, ndu̍yɛ̍ ma̍ kɛ̄sī ko̍na̍ o̍ ko̍na̍ cho̍ a̍ yu̍ŋgu̍la̍ ndāla̍ŋ o̍kɔ̄ɔ̄, ndu̍yɛ̍ a̍ nāa̍ nda̍ wa̍ īchāli̍ wa̍.

³⁴Wānāā chēle̍ŋ a̍ fu̍la̍ o̍ pūlāle̍ Si̍mīɔ̄ŋ nde̍ŋ chōo̍ wa̍, nda̍ cho̍ ha̍ā ni̍, Mɛ̄sīōba̍bī, a̍ Cha̍mi̍lɛ̍kī, a̍ Chōōsīāā, po̍ Āmāsi̍yā wō,

³⁵a̍ Cho̍wɛ̄ɛ̄, a̍ Chɛ̍hū, po̍ Chōōsi̍bīāā wō, Chōōsi̍bīāā ko̍ŋ yɛ̍, fi̍nyā ndɔ̍ wa̍ Sɛ̄lu̍a̍yā, po̍ A̍sīɛ̄ɛ̄ wo̍ ni̍.

³⁶O̍ ko̍ŋ kɔ̍ɔ̍lī, wānāa̍ fu̍la̍ ō pūlāle̍ Si̍mīɔ̄ŋ nde̍ŋ chōo̍ wa̍ ā pīli̍a̍a̍ cho̍ vɛ̄lɛ̄ ha̍ā ni̍, Ɛ̄li̍o̍nāī, a̍ Cha̍a̍ko̍bāā, a̍ Chɛ̄sīōha̍a̍yā, a̍ Āāsa̍yā, a̍ A̍di̍ɛ̄l, a̍ Chɛ̍si̍mīɛ̄ɛ̄, a̍ Bɛ̄na̍yā,

³⁷a̍ Si̍sā, po̍ Si̍fī wo̍. Si̍fī ko̍ŋ yɛ̍, fi̍nyā ndɔ̄ wa̍ A̍lɔ̄ŋ ni̍. A̍lɔ̄ŋ yɛ̍ fi̍nyā ndɔ̄ wa̍ Chɛ̄da̍yāā ni̍. Chɛ̄da̍yāā, ndu̍ fi̍nyā ndɔ̄ wa̍ Si̍mi̍lī, po̍ Sīɛ̄māyi̍yā wo̍ ni̍.

³⁸Pūa̍a̍ dīōlā ndāla̍ŋ lā chō ha̍ā lā pōōnyīāā wa̍, nda̍ wa̍ bōlīī lāyu̍ŋgu̍e̍i̍ o̍ pūlāle̍ Si̍mīɔ̄ŋ nde̍ŋ chōo̍ ni̍. Ndu̍yɛ̍, mi̍ yu̍ŋgu̍la̍ ndāla̍ la̍ŋ lā kūī ta̍u̍ ta̍u̍.

³⁹O̍ ko̍ŋ kɔ̍ɔ̍lī, mi̍ yu̍ŋgu̍la̍ŋ nda᷅ŋ lā māl mi̍ lā kūā a̍ chɔ̄lūāā ndāa̍ le̍ nda̍ nyɛ̄ dīa̍a̍ nūūvīāllo̍, Kɛ̍dɔ̄ɔ̄ chīe̍e̍ le̍kɔ̍ɔ̍ ndi̍, bā pāa̍le̍ŋ lē chāŋ ndo̍, o̍ lɛ̄ŋndē dɛ̍ŋgbɛ̍le̍ŋ o̍ pēmbo᷄ŋ tɛ̄ɛ̄ŋ.

⁴⁰Mɛ̄ɛ̍ nda̍ ma᷄l ma̍ kūā, ma̍ kɔ᷄ sa̍a̍lu᷄ŋ lɛ̍ŋndē kɛ̄ndɛ̄le̍ŋ, a̍ bīllo̍ ō kɛ̄ndɛ̄ kɛ̍ndɛ̄. Ndu̍yɛ̍, lē wa̍ cha᷅po̍. Ndu̍yɛ̍ vɛ̍lɛ̄, lē wa᷄ lɛ̄ŋndē do̍ŋ do̍ŋ, mi̍ lē nɔ̄ kɔ̄l nyūlōo̍. Wānāa̍ wa̍ pāāndū o̍ lɛ̄ŋndē lēŋ ni᷄ŋ nda̍, yu̍ŋgu̍ Ha᷅mndo̍ nda̍ wa᷄ ni̍.

⁴¹A̍ bōōndi̍i̍ Hɛ̄sɛ̄ki̍yā wa̍ māsa̍ bɛ̍ndōo̍ le̍ Chu̍dā ve̍, mi̍ pūa̍a̍ dīōlā ndāla̍ŋ lā chō la᷅ŋ lā pōōnyīāā wa̍ ā kūā Kɛ̍lūāā, ma̍ kɔ᷄ dēl Hāmi̍tīi̍ya̍ a̍ Mɛ̍yu̍na̍i̍tīi̍ya̍ chōo̍, ma̍ dīū nda̍ kpo̍u̍, mi̍ nda̍ pi̍la̍ chālnu᷄ŋ o̍ fo̍ndāŋ ndā wāŋnda̍ ha̍ā. Kāni̍ fo̍ndōle̍, nyɛ̄ ndīa̍a̍ ō wa̍ o̍ lɛ̄ŋndē lēŋ ni᷄ŋ le̍ chɔ̄lūāā ndāa̍. Chɔ̍ŋ ha̍a̍a̍ bīī a̍ pāa̍le̍ŋ hāūle̍ŋ nde᷅ŋ, wānāā kāŋ ō pīlɛ̍ bɛ̍ɛ̍ cho̍ yo̍o̍mū le̍.

⁴²O̍ ko̍ŋ kɔ̍ɔ̍lī, mi̍ pūa̍a̍ kɛ̄mɔ̄ɔ̍ lē ŋūɛ̍ɛ̍nu̍ fūlāa̍ o̍ yu̍ŋgu̍ Si̍mīɔ̄ŋ ndo̍ chōo̍, a̍ ku̍ā I̍dɔ̄m bā pāa̍le̍ŋ lē chāŋ ndo̍. Ndu̍yɛ̍, pūa̍a̍ I̍sī ve̍lū wa̍ nda̍ sīm nda̍ lāchī ni̍. Pūa̍a̍ ka̍ŋ nda̍ cho̍ ha̍ā ni̍, Pɛ̍la̍tīāā, a̍ Ni̍a̍lūāā, a̍ Lɛ̄fa̍i̍yā, a̍ Yu̍sīɛ̄l.

⁴³O̍ ko̍ŋ kɔ̍ɔ̍lī, mi̍ pūa̍a̍ ha̍ā ā kɔ᷄ di̍ū Āma̍la̍kāi̍tīi̍ya̍a̍ nda̍ a̍a̍ lo̍ yōōmū ma̍ nyāānu᷄ŋ chɔ̄ūwo̍ wa̍. Ndu̍yɛ̍, ma̍ chālnu᷄ŋ o̍ fo̍ndāŋ ndā ndāla̍ŋ chɔ̍ŋ mbo̍ bīī a̍ pāa̍le̍ hāūle̍ŋ nde᷅ŋ.