Read Southern Kisi Ko̍lo̍ni̍kō Tāso̍o̍ 6 Bible Online

Ko̍lo̍ni̍kō Tāso̍o̍ 6 - Southern Kisi bible

Ko̍lo̍ni̍kō Tāso̍o̍ 6

¹Li̍va̍ī ndu̍ o̍o̍ ve̍lū pūa̍a̍ ā yāa̍. Pūa̍a̍ ka̍ŋ nda̍ cho̍ ha̍ā ni̍. Kɛ̍sīɔ̄ŋ, a̍ Ko̍ha̍tī, a̍ Mɛ̍lu̍a̍lī.

²Ko̍ha̍tī, po̍ Li̍va̍ī yo̍ ō pīlɔ̍ɔ̍, ndu̍ o̍o̍ ve̍lū pūa̍a̍ ā hīɔ̍ɔ̍lu̍. Pūa̍a̍ ka̍ŋ nda̍ cho̍ ha̍ā ni̍. A̍mi̍lūām, a̍ I̍si̍hāā, a̍ Hi̍būlɔ̄ŋ, a̍ Yu̍sīɛ̄l.

³A̍mi̍lūām, po̍ Ko̍ha̍tī wo̍ ō pīlɔ̍ɔ̍, ndu̍ o̍o̍ ve̍lū pūa̍a̍ ā ŋīɔ̍ɔ̍ŋ, pūa̍a̍ ka̍ŋ nda̍ cho̍ ha̍ā ni̍. E̍lɔ̄ŋ, a̍ Mūu̍sē. Ndu̍yɛ̍ mbo̍ vīālū vɛ̄lɛ̄ wānā la̍nɔ̍ɔ̍ ō pīlɛ̍ dīōla̍ŋ āā Me̍e̍līām. Mɛ̄ɛ̍ E̍lɔ̄ŋ, po̍ A̍mi̍lūām ndo̍, ndu̍ ndu̍ o̍o̍ ve̍lū pūa̍a̍ ā hīɔ̍ɔ̍lu̍. Pūa̍a̍ ka̍ŋ cho̍ ha̍ā ni̍. Na̍da̍bī, a̍ Ābi̍hū, a̍ Ɛ̄li̍a̍a̍sā, a̍ I̍ta̍māā.

⁴Ɛ̄li̍a̍a̍sā, po̍ E̍lɔ̄ŋ ndo̍ ō pīlɔ̍ɔ̍ wānāa̍ fu̍lu̍ o̍ pūlālē ndɔ̄le̍ŋ chōo̍ wa̍ nda̍ cho̍ ha̍ā ni̍, Ɛ̄li̍a̍a̍sā ve̍lū Fi̍ni̍ha̍a̍sī ni̍, Fi̍ni̍ha̍a̍sī ve̍lū Ābi̍sūā ni̍.

⁵A̍bi̍sūā ve̍lū Bu̍kī ni̍, Bu̍kī ve̍lū Yu̍u̍sī ni̍,

⁶Yu̍u̍sī ve̍lū Sɛ̄lūāhi̍yā ni̍, Sɛ̄lūāhi̍yā ve̍lū Mɛ̍lu̍ɛ̍yo̍tī ni̍,

⁷Mɛ̍lu̍ɛ̍yo̍ti̍ ve̍lū Āmālu̍i̍yā ni̍, Āmālu̍i̍yā ve̍lū A̍bi̍tu̍bī ni̍,

⁸A̍hi̍tu̍bī ve̍lū Sa̍dɔ̍kī ni̍, Sa̍dɔ̍kī ve̍lū Āhi̍ma̍a̍sī ni̍,

⁹Āhi̍ma̍a̍sī ve̍lū Āsālu̍i̍yā ni̍, Āsālu̍i̍yā ve̍lū Chōha̍nāŋ ni̍,

¹⁰Chōha̍nāŋ ve̍lū Āsālu̍i̍yā ni̍. (Āsālu̍i̍yā ko̍ŋ yɛ̍, ndu̍ wa̍ māsa̍ wānā so̍līāā lāsa̍lāa̍ o̍ chīɛ̄ī Sɔ̍lɔ̍mɔ̄ŋ ta̍ŋgu̍l Chūlu̍sɛ̄lɛ̄m ndo̍ ni̍.)

¹¹Āsālu̍i̍yā yɛ̍, ndu̍ ve̍lū Āmālu̍i̍yā ni̍, Āmālu̍i̍yā ve̍lū A̍hi̍tu̍bī ni̍,

¹²A̍hi̍tu̍bī ve̍lū Sa̍dɔ̍kī ni̍, Sa̍dɔ̍kī ve̍lū Si̍a̍lūm ni̍,

¹³Si̍a̍lūm ve̍lū Hīlīka̍yā ni̍, Hīlīka̍yā ve̍lū Āsālu̍i̍yā ni̍,

¹⁴Āsālu̍i̍yā ve̍lū Sɛ̄lu̍a̍yā ni̍, Sɛ̄lu̍a̍yā ve̍lū Chɛ̄hōsa̍da̍kī ni̍.

¹⁵Kɛ̍ Chɛ̄hōsa̍da̍kī ko̍ŋ mi̍ Māsāa̍ Nābi̍u̍kānɛ̍ɛ̍sā o̍ ku̍ā a̍ ndu̍ o̍ bīyɔ̄ɔ̍ ni᷄ŋ, bōōndi̍i̍ Mɛ̄lɛ̄ka̍ Ya̍a̍wɛ̄ɛ̄ o̍ to̍sa̍ mi̍ Māsāa̍ Nābi̍u̍kānɛ̍ɛ̍sā o̍ ku̍ā a̍ wāŋnda̍ Chu̍dā ndu̍yɛ̍ a̍ wāŋnda̍ Chūlu̍sɛ̄lɛ̄m o̍ bīyɔ̄ɔ̍ ni᷄ŋ nde̍.

¹⁶Li̍va̍ī pūa̍a̍ ndūāā ya̍a̍wa̍ nda̍ wa̍ Kɛ̍ɛ̍sīɔ̄ŋ, a̍ Ko̍ha̍tī, a̍ Mɛ̍lu̍a̍lī ni̍.

¹⁷Ndu̍yɛ̍ pūāā ndūāā ya̍a̍wa̍ ha̍ā ndā bɛ̍ɛ̍ ma̍ vīālū pūa̍a̍. Kɛ̍ɛ̍sīɔ̄ŋ, po̍ Li̍va̍īyo̍ ō pīlɔ̍ɔ̍, ndu̍ ve̍lū Li̍bi̍nī, a̍ Si̍mɛ̄ī ni̍.

¹⁸Ko̍ha̍tī, po̍ Li̍va̍īyo̍ ō pīlɔ̍ɔ̍ ndu̍ ve̍lū Āmi̍lām, a̍ I̍si̍hāā, a̍ Hi̍būlɔ̄ŋ, a̍ Yu̍sīɛ̄l.

¹⁹Mɛ̄ɛ̍ Mɛ̍lu̍a̍lī, po̍ Li̍va̍īyo̍ ō pīlɔ̍ɔ̍ ndu̍ ve̍lū Ma̍a̍lī, a̍ Mu̍sī ni̍. Mɛ̄ɛ̍ yu̍ŋgu̍lā fu̍la̍ o̍ pūa̍a̍ Li̍va̍īya̍ chōo̍ la̍ŋ, la̍ŋ la̍ wa̍ la̍ŋ ni̍.

²⁰Kɛ̍ɛ̍sīɔ̄ŋ, po̍ Li̍va̍īyo̍ ō pīlɔ̍ɔ̍, ndu̍ ve̍lū Li̍bi̍nī ni̍, Li̍bi̍nī ve̍lū Cha̍ha̍tī ni̍, Cha̍ha̍tī ve̍lū Si̍māā ni̍,

²¹Si̍māa̍ ve̍lū Cho̍wāā ni̍, Cho̍wāā ve̍lū I̍dɔ̄ɔ̄ ni̍, I̍dɔ̄ɔ̄ ve̍lū Sɛ̍lūā ni̍, Sɛ̍lūa̍a̍ ve̍lū Chīɛ̄ɛ̄tɛ̍lūāī ni̍.

²²Ko̍ha̍tīle̍ŋ po̍ Li̍va̍īyo̍ ō pīlɔ̍ɔ̍, ndu̍ ve̍lū Āmi̍na̍da̍bī ni̍, Āmi̍na̍da̍bī ve̍lū Ko̍lūāā ni̍, Ko̍lūāā ve̍lū A̍sɛ̄ɛ̄ ni̍,

²³A̍sɛ̄ɛ̄ ve̍lū Ɛ̄li̍ka̍nāā ni̍, Ɛ̄li̍ka̍nāā ve̍lū Ɛ̄bi̍a̍a̍sa̍fī ni̍, Ɛ̄bi̍a̍a̍sa̍fī ve̍lū A̍sɛ̄ɛ̄ ni̍,

²⁴A̍sɛ̄ɛ̄ ve̍lū Ta̍ha̍tī ni̍, Ta̍ha̍tī ve̍lū Yu̍lūɛ̄ɛ̄l ni̍, Yu̍lūɛ̄ɛ̄l ve̍lū Yūsi̍a̍ā ni̍, Yūsi̍a̍ā ve̍lū Si̍a̍ūl ni̍.

²⁵Ɛ̄li̍ka̍nāā, po̍ A̍sɛ̄ɛ̄ wo̍ pīlɔ̍ɔ̍, ndu̍ ndu̍ o̍o̍ ve̍lū pūa̍a̍ ā ŋīɔ̍ɔ̍ŋ, A̍ma̍sāī a̍ A̍hi̍mɔ̍ti̍.

²⁶A̍hi̍mɔ̍tī ve̍lū Ɛ̄li̍ka̍nāā wo̍ ō pīlɔ̍ɔ̍ ni̍, Ɛ̄li̍ka̍nāā ko̍ŋ ve̍lū So̍fāā ni̍, So̍fāī ve̍lū Na̍ha̍tī ni̍,

²⁷Na̍ha̍tī ve̍lū Ɛ̄li̍a̍a̍bī ni̍, Īlīa̍a̍bī ve̍lū Chɛ̄lo̍hām ni̍, Chɛ̄lo̍hām ve̍lū Ɛ̄li̍ka̍nāā wo̍ ō pīlɔ̍ɔ̍ ni̍.

²⁸Po̍ pi᷅lɛ̍ wa̍ dīōla̍ŋ āā Sa̍a̍mi̍ɛ̍ɛ̄, ndu̍ ndu̍ o̍o̍ ve̍lū pūa̍a̍ ā ŋīɔ̍ɔ̍ŋ. Po̍ ndɔ̍ tāso̍o̍ wa̍ Cho̍wɛ̄ɛ̄ ni̍, po̍ ndɔ̄ di̍i̍ŋ ndɔ̄ɔ̍ wa̍ Ābi̍chā ni̍.

²⁹Mɛ̄lu̍a̍lī, po̍ Li̍va̍īyo̍ ō pīlɔ̍ɔ̍, ndu̍ ve̍lū Ma̍a̍lī ni̍, Ma̍a̍lī ve̍lū Li̍bi̍nī ni̍, Li̍bi̍nī ve̍lū Si̍mɛ̄ī ni᷅ŋ, Si̍mɛ̄ī ve̍lū Yu̍u̍sā ni̍,

³⁰Yu̍u̍sa̍ ve̍lū Si̍mīāā ni̍, Si̍mīāā ve̍lū Ha̍ki̍kīāā ni̍, Ha̍ki̍kīāā ve̍lū Āāsa̍yā ni̍.

³¹Bōōndi̍i̍ nda̍ kɔ᷄ kɛ̍sī kɔ̍fū kpe̍ma̍ Mɛ̄lɛ̄ka̍a̍ o̍ chīɛ̍i̍ Mɛ̄lɛ̄ka̍ Ya̍a̍wɛ̄ɛ̄ wo̍ ni᷄ŋ Chūlu̍sɛ̄lɛ̄m nde̍, mi̍ Dēēve̍ hɛ̄lī pūa̍a̍ le̍ mā wa̍ chōndo̍ŋ chīla̍ŋ o̍ chīɛ̍i̍ Mɛ̄lɛ̄ka̍a̍ ni᷄ŋ.

³²Lɔ̍ɔ̍pa̍ mi̍ Sɔ̍lɔ̍mɔ̄ŋ ō ta̍ŋgūl chīɛ̍i̍ Mɛ̄lɛ̄ka̍ Ya̍a̍wɛ̄ɛ̄ wo̍ Chūlu̍sɛ̄lɛ̄m chīe̍e̍, pūa̍a̍ ha̍ā nda̍ nda̍ a̍a̍ so̍lī cho̍ndo̍ŋ o̍ tɛ̍ndīi̍ chɔ᷅m māā Mɛ̄lɛ̄ka̍ Ya̍a̍wɛ̄ɛ̄ o̍ cho̍ a̍ nya̍ lātūlu̍ wo̍ ni̍. Ndu̍yɛ̍, a̍ te̍le̍ŋnda̍ŋ kpɛ̍ kpɛ̍ pūa̍a̍ ha̍ā nda̍ a̍a̍ to̍sā wa̍li̍ ndāa̍ ho̍ō ni̍.

³³Pūa̍a̍ nda̍ hɛ̄li̍ ka̍ŋ le̍ chōndo̍ŋ wāa̍ sōlīo̍o̍ wa̍ nda̍ cho̍ ha̍ā ni̍ a̍ yu̍ŋgu̍la̍ ndāla̍ŋ kpɛ̍ kpɛ̍. Ā nda̍ hɛ̄li̍ fūlāa̍ o̍ pūlāle̍ Ko̍ha̍tī le̍ŋ chōo̍ wa̍, po̍ Li̍va̍īyo̍ nda̍ cho̍ ha̍ā ni̍. Hɛ̍māŋ, po̍ Cho̍wɛ̄ɛ̄ wo̍, ndu̍ wānā so̍līāā ŋ̄chōndo̍o̍ o̍ wa̍ ni̍. Cho̍wɛ̄ɛ̄ ko̍ŋ fi̍nyā ndɔ̍ wa̍ Sa̍a̍mi̍ɛ̍ɛ̄ ni̍.

³⁴Sa̍a̍mi̍ɛ̍ɛ̄ fi̍nyā ndɔ̍ wa̍ Ɛ̄li̍ka̍nāā ni̍, Ɛ̄li̍ka̍nāā fi̍nyā ndɔ̍ wa̍ Chɛ̄lo̍hām ni̍, Chɛ̄lo̍hām fi̍nyā ndɔ̍ wa̍ I̍līɛ̄ɛ̄l ni̍, I̍līɛ̄ɛ̄l fi̍nyā ndɔ̍ wa̍ To̍wāā ni̍,

³⁵To̍wāā fi̍nyā ndɔ̍ wa̍ Su̍fī ni̍, Su̍fī fi̍nyā ndɔ̍ wa̍ Ɛ̄li̍ka̍nāā ni̍, Ɛ̄li̍ka̍nāā fi̍nyā ndɔ̍ wa̍ Ma̍ha̍tī ni̍, Ma̍ha̍tī fi̍nyā ndɔ̍ wa̍ A̍ma̍sāī ni̍,

³⁶A̍ma̍sāī fi̍nyā ndɔ̍ wa̍ Ɛ̄li̍ka̍nāā ni̍, Ɛ̄li̍ka̍nāā fi̍nyā ndɔ̍ wa̍ Cho̍wɛ̄ɛ̄ ni̍, Cho̍wɛ̄ɛ̄ fi̍nyā ndɔ̍ wa̍ Āsālu̍i̍yā ni̍, Āsālu̍i̍yā fi̍nyā ndɔ̍ wa̍ Sɛ̄fāna̍yā ni̍,

³⁷Sɛ̄fāna̍yā fi̍nyā ndɔ̍ wa̍ Ta̍ha̍tī ni̍, Ta̍ha̍tī fi̍nyā ndɔ̍ wa̍ A̍sɛ̄ɛ̄ ni̍, A̍sɛ̄ɛ̄ fi̍nyā ndɔ̍ wa̍ Ɛ̍bi̍a̍a̍sa̍fī ni̍, Ɛ̄bi̍a̍a̍sa̍fī fi̍nyā ndɔ̍ wa̍ Ko̍lūā ni̍,

³⁸Ko̍lūā fi̍nyā ndɔ̍ wa̍ I̍si̍hāā ni̍, I̍si̍hāā fi̍nyā ndɔ̍ wa̍ Ko̍ha̍tī ni̍, Ko̍ha̍tī fi̍nyā ndɔ̍ wa̍ Li̍va̍ī ni̍, Li̍va̍ī fi̍nyā ndɔ̍ wa̍ Che̍kɔ̍pū ni̍.

³⁹Hɛ̍māŋ, o̍ wa̍ wāna̍ ŋ̄chōndo̍o̍ wo̍, wāna̍ ndɔ̄ ma̍lāa̍ wa̍ A̍sa̍fī ni̍, wānāyɛ̍ī ndūɛ̍i̍. A̍sa̍fī ko̍ŋ yɛ̍, fi̍nyā ndɔ̍ wa̍ Bɛ̄lu̍i̍ka̍yā ni̍, Bɛ̄lu̍i̍ka̍yā fi̍nyā ndɔ̍ wa̍ Si̍mīāā ni̍,

⁴⁰Si̍mīāā fi̍nyā ndɔ̍ wa̍ Ma̍i̍kɛ̄l ni̍, Ma̍i̍kɛ̄l fi̍nyā ndɔ̍ wa̍ Bāāsi̍yā ni̍, Bāāsi̍yā fi̍nyā ndɔ̍ wa̍ Māāchi̍chā ni̍,

⁴¹Ma̍a̍chi̍chā fi̍nyā ndɔ̍ wa̍ Ɛ̄ti̍nī ni̍, Ɛ̄ti̍nī fi̍nyā ndɔ̍ wa̍ Sɛ̍lūā ni̍, Sɛ̍lūa̍a̍ fi̍nyā ndɔ̍ wa̍ Āda̍a̍yā ni̍,

⁴²A̍da̍yā fi̍nyā ndɔ̍ wa̍ I̍tāŋ ni̍, I̍tāŋ fi̍nyā ndɔ̍ wa̍ Si̍māā ni̍, Si̍māā fi̍nyā ndɔ̍ wa̍ Si̍mɛ̄ī ni̍,

⁴³Si̍mɛ̄ī fi̍nyā ndɔ̍ wa̍ Cha̍ha̍tī ni̍, Cha̍ha̍tī fi̍nyā ndɔ̍ wa̍ Kɛ̍sīɔ̄ŋ ni̍, Kɛ̍sīɔ̄ŋ fi̍nyā ndɔ̍ wa̍ Li̍va̍ī ni̍.

⁴⁴O̍ ko̍ŋ kɔ̍ɔ̍lī, Hɛ̍māŋ wāna̍ ndɔ̄ ma̍lāā ŋ̄chōndu̍ di̍i̍ŋ ndɔ̄ɔ̍ wa̍ I̍tāŋ ni̍, fūlāa̍ o̍ pūlāle̍ Mɛ̍lu̍a̍lī le̍ŋ chōo̍, po̍ Li̍va̍īyo̍ ō pīlɔ̍ɔ̍. I̍tāŋ ko̍ŋ fi̍nyā ndɔ̍ wa̍ Ki̍sī ni̍, Ki̍sī fi̍nyā ndɔ̍ wa̍ A̍bi̍dī ni̍, A̍bi̍dī fi̍nyā ndɔ̍ wa̍ Ma̍lu̍kī ni̍,

⁴⁵Ma̍lu̍kī fi̍nyā ndɔ̍ wa̍ Hāsīābi̍yā ni̍, Hāsīābi̍yā fi̍nyā ndɔ̄ wa̍ Āmāsi̍yā ni̍, Āmāsi̍yā fi̍nyā ndɔ̄ wa̍ Hīlīka̍yā ni̍,

⁴⁶Hīlīka̍yā fi̍nyā ndɔ̍ wa̍ A̍mi̍sī ni̍, A̍mi̍sī fi̍nyā ndɔ̄ wa̍ Ba̍nī ni̍, Ba̍nī fi̍nyā ndɔ̄ wa̍ Si̍ɛ̍mā ni̍,

⁴⁷Si̍ɛ̍mā fi̍nyā ndɔ̍ wa̍ Ma̍a̍lī ni̍, Ma̍a̍lī fi̍nyā ndɔ̄ wa̍ Mu̍sī ni̍, Mu̍sī fi̍nyā ndɔ̄ wa̍ Mɛ̍lu̍a̍lī ni̍, Mɛ̍lu̍a̍lī fi̍nyā ndɔ̄ wa̍ Li̍va̍ī ni̍.

⁴⁸O̍ ko̍ŋ kɔ̍ɔ̍lī, ma̍ hɛ̄lī vɛ̄lɛ̄ Li̍va̍īya̍ ā pīli̍a̍a̍ ma̍ kē nda̍ wa̍lta̍ yɛ̍ yɛ̍la̍ŋ o̍ fo̍nda̍ nda̍ a̍a̍ so̍o̍lūū Mɛ̄lɛ̄ka̍ wo̍.

⁴⁹E̍lɔ̄ŋ nda̍ wānāa̍ fu̍la̍ o̍ pūlālē ndɔ̄le̍ŋ chōo̍ wa̍, nda̍ ko̍ni̍ wa̍ ā yūlāā ni̍ le̍ wāa̍ sa̍lāla̍ŋ sōlīo̍o̍ o̍ Mɛ̄lɛ̄ka̍ lo̍. Nda̍ nda̍ a̍a̍ so̍lī sa̍lāla̍ŋ o̍ ma̍āŋ lāsa̍lāa̍ chōo̍ ni̍, ndu̍yɛ̍ mā lūām nyɛ᷅m chūŋ kɛ̄ndɔ᷄ŋ o̍ ma̍āŋ wa̍ le̍ nyɛ̄m chūŋ kɛ̄ndɔ᷄ŋ lōmɔ̄ɔ̍ lēchōo̍ wo̍ chōo̍. Ndu̍yɛ̍ kpe̍ku̍ o̍ kpe̍ku̍ ndu̍ o̍o̍ nɔ̍ le̍ tōsa᷄ŋndo̍ o̍ fo̍ndā dīāndāa̍ hi̍o̍ū kpo̍u̍ wo̍, nda̍ nda̍ a̍a̍ wa̍ ā yūlāā le̍ ndu̍ tōsāa̍ ni̍. Nda̍ nda̍ a̍a̍ so̍lī sa̍lāla̍ŋ le̍ I̍sɔ̄lūɛ̍i̍ya̍ ni̍ le̍ mī Mɛ̄lɛ̄ka̍ ma᷄l nda̍ le̍ yɔ̄ŋndā ndāla̍ wɔ̍ɔ̍ŋnda̍ŋ mɛ̄ɛ̍ Mūu̍sē, bu̍ɛ̍i̍ Mɛ̄lɛ̄ka̍a̍ ō dīmu̍l nda̍ yɛ̍.

⁵⁰Wānāa̍ fu̍la̍ o̍ pūlāle̍ E̍lɔ̄ŋ nde̍ŋ chōo̍ wa̍, nda̍ cho̍ ha̍ā ni̍. E̍lɔ̄ŋ ve̍lū Ɛ̄li̍a̍a̍sā ni̍, Ɛ̄li̍a̍a̍sā ve̍lū Fi̍ni̍ha̍a̍sī ni̍, Fi̍ni̍ha̍a̍sī ve̍lū A̍bi̍sūā ni̍,

⁵¹A̍bi̍sūā ve̍lū Bu̍kī ni̍, Bu̍kī ve̍lū Yu̍u̍sī ni̍, Yu̍sī ve̍lū Sɛ̄lūāhi̍yā ni̍,

⁵²Sɛ̄lūāhi̍yā ve̍lū Mɛ̄lūāīyo̍tī ni̍, Mɛ̄lūāīyo̍ti̍ ve̍lū Āmālu̍i̍yā ni̍, Āmālu̍i̍yā ve̍lū A̍hi̍tu̍bī ni̍,

⁵³A̍hi̍tu̍bī ve̍lū Sa̍dɔ̍kī ni̍, Sa̍dɔ̍kī ve̍lū Āhi̍ma̍a̍sī ni̍.

⁵⁴Wānāa̍ fu̍la̍ o̍ pūlāle̍ E̍lɔ̄ŋ nde̍ŋ chōo̍ wa̍ ma̍ kē nda̍ fo̍ndāŋndā chālāāla̍ŋ la̍ nda̍la̍ŋ. Ndu̍yɛ̍ Ko̍ha̍tī, po̍ E̍lɔ̄ŋ ndo̍ ō pīlɔ̍ɔ̍, yu̍ŋgu̍ ndɔ̄ɔ̍ nda̍ sɔ̍la̍ fo̍ndā tāso̍o̍ ni̍. Fo̍ndā nda̍ sɔ̄la̍ wo̍ ndu̍ wa̍ ho̍ō ni̍.

⁵⁵Ma̍ kē nda̍ Hi̍būlɔ̄ŋ chīe̍e̍ o̍ būŋgɛ̄i̍ Chu̍dā ve̍ ni᷄ŋ, lātūlu̍ a̍ fo̍ndāŋndā chɔ̄lūa̍a̍ ā kūā dīo̍la̍ŋ o̍ chi̍e̍e̍ ko̍ŋ nda̍ŋ.

⁵⁶Kɛ̍, yōndōlā chīe̍e̍ ko̍ŋ ki̍nɛ̍i̍, a̍ sɔ̄ndɔ̄kɔ̍lta̍ ndɔ̄la̍ŋ ma̍ kē Ke̍lɛ̍bī, po̍ Chɛ̍fu̍nɛ̄ɛ̄ wo̍.

⁵⁷Mɛ̄ɛ̍ wānāa̍ fu̍la̍ o̍ pūlāle̍ E̍lɔ̄ŋ nde̍ chōo̍ wa̍, chi̍e̍e̍ŋ nda̍ ke̍ nda̍ ki̍nɛ̍i̍ yo̍ŋ mu̍ŋ cho̍ mu᷅ŋ ni̍, lātūlu̍ a̍ fo̍ndāŋndā chɔ̄lūa̍a̍ ā kūā di̍o̍la̍ŋ o̍ chi̍e̍e̍ mu̍ŋ nda̍ŋ. Hi̍būlɔ̄ŋ, chi̍e̍e̍ŋ wāŋnda̍ nyāānūŋ le̍ vīōŋnɔ᷄ŋndo̍ tē sūlɛ̍i̍ ī fūla̍ nda̍ o̍ bā pɛ̍ wo̍ ō pīlɛ̍. O̍ ko̍ŋ kɔ̍ɔ̍lī, a̍ Li̍bi̍nāā, a̍ Cha̍tɛ̄ɛ̄, a̍ Ɛ̄sītɛ̍mo̍wā, a̍ Hi̍lɛ̄ŋ, a̍ Dɛ̍bi̍lūīī, a̍ A̍sāŋ, a̍ Bɛ̄tī Si̍a̍mɛ̍sī.

⁵⁸

⁵⁹

⁶⁰O̍ ko̍ŋ kɔ̍ɔ̍lī, ma̍ kē nda̍ vɛ̄lɛ̄ chi̍o̍o̍ŋ ŋ̄ ti᷄ŋ o̍ būŋgɛ̄ī Bɛ̍ŋnja̍mīŋ nde̍ ni᷄ŋ, lātūlu̍ a̍ fo̍ndāŋndā chɔ̄lūa̍a̍ ā kūā di̍o̍la̍ŋ o̍ chi̍e̍e̍ mu̍ŋ nda̍ŋ. Chi̍o̍o̍ŋ mu̍ŋ mu̍ŋ cho̍ mu᷅ŋ ni̍. Ɛ̄sīɔ̄ŋkɛ̍bɛ̄, a̍ A̍le̍mɛ̍tī, a̍ A̍na̍tɔ̍tī. Mɛ̄ɛ̍ fa̍u̍ fa̍u̍ wānāa̍ fu̍la̍ o̍ pūlāle̍ E̍lɔ̄ŋ nde᷅ŋ chōo̍ wa̍ chi̍e̍e̍ŋ nda̍ ke̍ nda̍ wo̍ŋ, ŋ̄ wa̍ tɔ̍ a̍ ŋ̄gāa̍.

⁶¹O̍ ko̍ŋ kɔ̍ɔ̍lī, wānāa̍ fu̍la̍ o̍ yu̍ŋgu̍ Ko̍ha̍tī wo̍ chōo̍ wa̍ ā pīli̍a̍a̍, ma̍ kē nda̍ chi̍o̍o̍ŋ tɔ̍ o̍ būŋgɛ̄i̍ yu̍ŋgu̍ Mānāa̍sē wo̍ tɛ̄ndāa̍ tɛ̄ɛ̄ŋ bā pāa̍le̍ŋ lē dēl lō. Ndu̍yɛ̍ chi̍o̍o̍ŋ mu᷅ŋ a̍ nyɔ̄ɔ̍ wūūwo̍ mɛ̄ɛ̍ nda̍ wūū nu̍a̍ā kōo̍ŋ yɛ̍ nda̍ pīɔ̍u̍ nda̍ mu̍ŋ kpɛ̍ kpɛ̍ ni̍.

⁶²O̍ ko̍ŋ kɔ̍ɔ̍lī, yu̍ŋgu̍la̍ fu̍la̍ o̍ pūlāle̍ Kɛ̍sīɔ̄ŋ, po̍ Li̍va̍īyo̍ chōo̍ la̍ŋ, ma̍ kē nda̍ chi̍o̍o̍ŋ tɔ̍ ā ŋ̄gāa̍ a̍ yu̍ŋgu̍la̍ŋ le̍nde̍ kpɛ̍ kpɛ̍ o̍ būŋgāŋ yu̍ŋgu̍la̍ŋ nda᷅ŋ lā sɔ̄la̍ wo̍ŋ ni᷄ŋ, la̍ŋ la̍ yɔ̍nūŋ ni̍ māā yu̍ŋgu̍ I̍sa̍a̍kā wo̍, a̍ yu̍ŋgu̍ A̍sīɛ̄ɛ̄ wo̍, a̍ yu̍ŋgu̍ Nāfi̍ta̍lī wo̍, a̍ yu̍ŋgu̍ Mānāa̍sē wo̍ tɛ̄ndāa̍ tɛ̄ɛ̄ŋ a̍ wa̍ o̍ būŋgɛ̄ī Ba̍a̍sīāŋnde̍ ni᷄ŋ nda̍, bā pāa̍le̍ŋ lē chāŋ ndo̍.

⁶³O̍ ko̍ŋ kɔ̍ɔ̍lī, Mɛ̍lu̍a̍lī, po̍ Li̍va̍īyo̍ ō pīlɔ̍ɔ̍, wānāa̍ fu̍la̍ o̍ pūlāle̍ ndɔ̄le̍ŋ chōo̍ wa̍, ma̍ kē nda̍ chi̍o̍o̍ŋ tɔ̍ a̍ mūu̍ŋ o̍ būŋgāŋ yu̍ŋgu̍la̍ŋ nda᷅ŋ lā sɔ̄la̍ wo̍ŋ ni᷄ŋ, la̍ŋ la̍ yɔ̍nūŋ ni̍ māā yu̍ŋgu̍ Lūbɛ᷅ŋ ndo̍, a̍ yu̍ŋgu̍ Ka̍a̍dī wo̍, a̍ yu̍ŋgu̍ Sɛ̍bu̍lɔ̄ŋ ndo̍.

⁶⁴Mɛ̄ɛ̍ chi̍e̍e̍ŋ wāŋnda̍ I̍sɔ̄lūɛ̄ī a̍ ke̍ wānāa̍ fu̍la̍ o̍ pūlāle̍ Li̍va̍īle̍ŋ chōo̍ wa̍ wo̍ŋ, mu̍ŋ wa̍ mu̍ŋ ni̍, lātūlu̍ a̍ fo̍ndāŋndā chɔ̄lūa̍a̍ ā kūā di̍o̍la̍ŋ o̍ chi̍e̍e̍ mu̍ŋ nda̍ŋ.

⁶⁵Ndu̍yɛ̍ chi̍e̍e̍ŋ nda̍ ke̍ mu᷅ŋ wāŋnda̍ ha̍ā o̍ būŋgɛ̄i̍ yu̍ŋgu̍ Chu̍dā ve̍ ni᷄ŋ a̍ būŋgɛ̄i̍ yu̍ŋgu̍ Si̍mīɔ̄ŋ nde̍, a̍ būŋgɛ̄i̍ yu̍ŋgu̍ Bɛ̍ŋnja̍mīŋ nde̍ wo̍ŋ, le̍ nda̍ mu̍ŋ pīɔ̄ūwo̍, nyɔ̄ɔ̍ nda̍ wūu̍ ni̍ mɛ̄ɛ̍ nda̍ wūu̍ nu̍a̍ā kōo̍ŋ yɛ̍, le̍ sīnāa̍ chīe̍e̍ wānā o̍ wānā o̍ nɔ̍ le̍ sɔ̄lāa̍ wo̍.

⁶⁶O̍ ko̍ŋ kɔ̍ɔ̍lī, wānāa̍ fu̍la̍ o̍ yu̍ŋgu̍ Ko̍ha̍tī wo̍ chōo̍ wa̍ ā ti᷄ŋ, ma̍ kē nda̍ chi̍o̍o̍ŋ ŋ̄ ti᷄ŋ o̍ būŋgɛ̄i̍ yu̍ŋgu̍ E̍fi̍lūēm nde̍ ni᷄ŋ, lātūlu̍ a̍ fo̍ndāŋndā chɔ̄lūa̍a̍ ā kūā di̍o̍la̍ŋ o̍ chi̍e̍e̍ mu̍ŋ nda̍ŋ. Chi̍e̍e̍ŋ mu̍ŋ mu̍ŋ cho̍ mu᷅ŋ ni̍. Si̍ɛ̍kɛ̄m, o̍ wa̍ o̍ lɛ̄ŋndē īpēmbūle̍ŋ E̍fi̍lūēm ndo̍, chi̍e̍e̍ŋ wāŋnda̍ ā nyāānūŋ le̍ vīōŋnɔ᷄ŋndo̍ wo̍ŋ ō pīlɛ̍, a̍ Kɛ̍sɛ̄ɛ̄, a̍ Cho̍ki̍mīām, a̍ Bɛ̄tī Ho̍lɔ̄ŋ, a̍ A̍i̍cha̍lɔ̄ŋ, a̍ Kātī Lu̍i̍mɔ̄ŋ.

⁶⁷

⁶⁸

⁶⁹

⁷⁰O̍ ko̍ŋ kɔ̍ɔ̍lī, wānāa̍ fu̍la̍ o̍ yu̍ŋgu̍ Ko̍ha̍tī wo̍ chōo̍ wa̍ ā ti᷄ŋ, ma̍ kē nda̍ chi̍o̍o̍ŋ ŋ̄ mūu̍ŋ o̍ būŋgɛ̄i̍ yu̍ŋgu̍ Mānāa̍sē wo̍ bā pāa̍le̍ŋ lē dēl lo̍ ni̍ŋ, bā pāa̍le̍ŋ lē dēllo̍, lātūlu̍ a̍ fo̍ndāŋndā chɔ̄lūa̍a̍ ā kūā di̍o̍la̍ŋ o̍ chi̍e̍e̍ŋ mu̍ŋ nda̍ŋ. Chi̍e̍e̍ŋ mu̍ŋ cho̍ mu᷅ŋ ni̍, A̍nɛ̄ɛ̄, a̍ Bi̍līām.

⁷¹O̍ ko̍ŋ kɔ̍ɔ̍lī, Kɛ̍ɛ̍sīɔ̄ŋ, po̍ Li̍va̍īyo̍ ō pīlɔ̍ɔ̍, wānāa̍ fu̍la̍ o̍ yu̍ŋgu̍ ndɔ̄ɔ̍ chōo̍ wa̍, ma̍ ke̍ nda̍ chi̍o̍o̍ŋ ŋ̄ mūu̍ŋ o̍ būŋgɛ̄i̍ yu̍ŋgu̍ Mānāa̍sē wo̍ tɛ̄ndāa̍ tɛ̄ɛ̄ŋ ni̍ŋ, bā pāa̍le̍ŋ lē chāŋndo̍, lātūlu̍ a̍ fo̍ndāŋndā chɔ̄lūa̍a̍ ā kūā di̍o̍la̍ŋ nda̍ŋ o̍ chi̍e̍e̍ŋ mu̍ŋ nda̍ŋ. Chi̍e̍e̍ŋ mu̍ŋ mu᷅ŋ cho̍ mu᷅ŋ ni̍, Ko̍lāŋ, o̍ būŋgɛ̄ī Ba̍a̍sīāŋnde̍ŋ ni᷄ŋ, a̍ Āsi̍ta̍lɔ̍tī.

⁷²O̍ ko̍ŋ kɔ̍ɔ̍lī, ma̍ kē nda̍ chi̍o̍o̍ŋ ŋ̄ hīɔ̍ɔ̍lu̍ o̍ būŋgɛ̄i̍ yu̍ŋgu̍ I̍sa̍a̍kā ve̍ ni᷄ŋ, lātūlu̍ a̍ fo̍ndāŋndā chɔ̄lūa̍a̍ ā kūā di̍o̍la̍ŋ o̍ chi̍e̍e̍ŋ mu̍ŋ nda̍ŋ. Chi̍e̍e̍ŋ mu̍ŋ mu̍ŋ cho̍ mu᷅ŋ ni̍. Kɛ̍dɛ̍sī a̍ Dābɛ̄si̍ɛ̍tī, a̍ Lu̍a̍mɔ̍tī, a̍ A̍nāīm.

⁷³

⁷⁴O̍ ko̍ŋ kɔ̍ɔ̍lī, ma̍ kē nda̍ chi̍o̍o̍ŋ ŋ̄ hīɔ̍ɔ̍lu̍ o̍ būŋgɛ̄i̍ yu̍ŋgu̍ A̍sīɛ̄ɛ̄ ve̍ ni᷄ŋ, lātūlu̍ a̍ fo̍ndāŋndā chɔ̄lūa̍a̍ ā kūā di̍o̍la̍ŋ o̍ chi̍e̍e̍ŋ mu̍ŋ nda̍ŋ. Chi̍e̍e̍ŋ mu̍ŋ mu̍ŋ cho̍ mu᷅ŋ ni̍. Ma̍sīāl, a̍ A̍bi̍dɔ̄ŋ, a̍ Hu̍kɔ̍kī, a̍ Lu̍ɛ̍ho̍bī.

⁷⁵

⁷⁶O̍ ko̍ŋ kɔ̍ɔ̍lī, chi̍e̍e̍ŋ nda̍ ke̍ nda̍ o̍ būŋgɛ̄i̍ yu̍ŋgu̍ Nāfi̍ta̍lī ye̍ ni᷄ŋ ndo̍ŋ mu̍ŋ cho̍ mu᷅ŋ ni̍ lātūlu̍ a̍ fo̍ndāŋndā chɔ̄lūa̍a̍ ā kūā di̍o̍la̍ŋ nda̍ŋ o̍ chi̍e̍e̍ŋ mu̍ŋ nda̍ŋ, Kɛ̍dɛ̍sī o̍ būŋgɛ̄ī Kāli̍līve̍ ni᷄ŋ, a̍ Ha̍mɔ̄ŋ, a̍ Kīlīa̍a̍tīm.

⁷⁷O̍ ko̍ŋ kɔ̍ɔ̍lī, Mɛ̍lu̍a̍tī, po̍ Li̍va̍īyo̍ ō pīlɔ̍ɔ̍, wānāa̍ fu̍la̍ o̍ yu̍ŋgu̍ ndɔ̄ɔ̍ chōo̍ wa̍, ma̍ kē nda̍ chi̍o̍o̍ŋ ŋ̄ mūu̍ŋ o̍ būŋgɛ̄i̍ yu̍ŋgu̍ Sɛ̍bu̍lɔ̄ŋ nde̍ ni᷄ŋ, lātūlu̍ a̍ fo̍ndāŋndā chɔ̄lūa̍a̍ ā kūā di̍o̍la̍ŋ o̍ chi̍e̍e̍ŋ mu̍ŋ nda̍ŋ. Chi̍e̍e̍ŋ mu̍ŋ mu̍ŋ cho̍ mu᷅ŋ ni̍. Lūīmɔ̍nɔ̄, a̍ Ta̍bɔ̄ɔ̄.

⁷⁸O̍ ko̍ŋ kɔ̍ɔ̍lī, ma̍ kē nda̍ chi̍o̍o̍ŋ ŋ̄ hīɔ̍ɔ̍lu̍ o̍ būŋgɛ̄i̍ Lūbɛ᷅ŋ nde̍ ni᷄ŋ, Chɔ̍ɔ̍dāŋ le̍e̍lōo̍, Chɛ̄lu̍i̍kō i̍kɛ̍i̍, bā pāa̍le̍ŋ lē chāŋndo̍, lātūlu̍ a̍ fo̍ndāŋndā chɔ̄lūa̍a̍ ā kūā di̍o̍la̍ŋ o̍ chi̍e̍e̍ŋ mu̍ŋ nda̍ŋ. Chi̍e̍e̍ŋ mu̍ŋ mu̍ŋ cho̍ mu᷅ŋ ni̍. Bɛ̍sɛ̄ɛ̄ o̍ lɛ̄ŋndē dɛ̍ŋgbɛ̍le̍ŋ o̍ pēmbo᷄ŋ chōo̍, a̍ Cha̍hi̍sāā, a̍ Kɛ̍dɛ̍mɔ̍tī, a̍ Mɛ̄fa̍a̍tī.

⁷⁹

⁸⁰O̍ ko̍ŋ kɔ̍ɔ̍lī, ma̍ ke̍ nda̍ chi̍o̍o̍ŋ ŋ̄ hīɔ̍ɔ̍lu̍ o̍ būŋgɛ̄i̍ yu̍ŋgu̍ Ka̍a̍dī ve̍ ni᷄ŋ, lātūlu̍ a̍ fo̍ndāŋndā chɔ̄lūa̍a̍ ā kūā di̍o̍la̍ŋ o̍ chi̍e̍e̍ŋ mu̍ŋ nda̍ŋ. Chi̍e̍e̍ŋ mu̍ŋ mu̍ŋ cho̍ mu᷅ŋ ni̍. Lu̍a̍mɔ̍tī o̍ būŋgɛ̄ī Ki̍li̍a̍a̍dīve̍ ni᷄ŋ, a̍ Ma̍ha̍nēm, a̍ Hɛ̍si̍bɔ̄ŋ, a̍ Cha̍sɛ̄ɛ̄.