Read Southern Kisi Ko̍lo̍ni̍kō Tāso̍o̍ 8 Bible Online

Ko̍lo̍ni̍kō Tāso̍o̍ 8 - Southern Kisi bible

Ko̍lo̍ni̍kō Tāso̍o̍ 8

¹Bɛ̍ŋnja̍mīŋ ndu̍ o̍o̍ ve̍lū pūa̍a̍ ā ŋūɛ̍ɛ̍nu̍. Po̍ ndɔ̄ ta̍so̍o̍ wa̍ Bɛ̍lā ni̍, ō dīi̍ŋ ndɔ̄ɔ̍ wa̍ A̍si̍bɛ̄ɛ̄l ni̍, ō ya̍a̍ ndɔ̄ɔ̍ wa̍ A̍ha̍lūāā ni̍,

²ō hi̍ɔ̍ɔ̍lo̍o̍ wa̍ No̍hāā ni̍, ō ŋūɛ̍ɛ̍no̍o̍ wa̍ La̍fāā ni̍.

³Bɛ̍lā, po̍ ta̍se̍ Bɛ̍ŋnja̍mīŋ ndo̍ pūa̍a̍ o̍ ve̍lū wa̍ nda̍ cho̍ ha̍ā ni̍. A̍dā, a̍ Kɛ̍lūāā, a̍ Ābi̍hūdī,

⁴a̍ A̍bi̍sūā, a̍ Na̍a̍māŋ, a̍ A̍ho̍wāā,

⁵a̍ Kɛ̍lūā, a̍ Si̍ɛ̍fu̍fāŋ, a̍ Hɔ̍lūām.

⁶Po̍ pi᷅lɛ̍ wa̍ dīōla̍ŋ āā I̍hu̍dī, wānāa̍ fu̍la̍ o̍ pūlāle̍ ndɔ̄le̍ŋ chōo̍ wa̍, nda̍ cho̍ ha̍ā ni̍. Na̍a̍māŋ, a̍ A̍hi̍chā, a̍ Kɛ̍lūā. Pūa̍a̍ ha̍ā nda̍ wa̍ bōlīī lāyu̍ŋgu̍e̍i̍ o̍ yu̍ŋgu̍la̍ ndāla̍ŋ chōo̍ ni̍, ndu̍yɛ̍ ma̍ wā īchāli̍ Ɛ̄sīɔ̄ŋkɛ̍bɛ̄. Kɛ̍ ma̍ bīī nda̍ ma̍ kūā a̍ nda̍ o̍ bīyɔ̄ɔ̍ ni᷄ŋ Ma̍na̍ha̍tī chīe̍e̍. Kɛ̍lūā wo̍ ho̍ō, ndu̍ nda̍ sīmi̍ chāāŋāā ndūa̍a̍ lāchī, le̍ kɔ̄la̍ŋ a̍ nda̍ o̍ bīyɔ̄ɔ̍ ni᷄ŋ ni̍. Kɛ̍lūā wo̍ ho̍ō ndu̍ o̍o̍ ve̍lū pūa̍a̍ ā ŋīɔ̍ɔ̍ŋ, nda̍ yɔ̍nūŋ māā Yu̍u̍sā nda̍ A̍hi̍hu̍dī.

⁷

⁸Po̍ pi᷅lɛ̍ wa̍ dīōla̍ŋ āā Si̍a̍ha̍lūēm, ndu̍ o̍o̍ nɔ̍ lāāndūa̍a̍ ā ŋi̍ɔ̍ɔ̍ŋ, nda̍ yɔ̍nūŋ ni̍ māā Hu̍sīm nda̍ Ba̍a̍lūā. Kɛ̍ mbo̍ kɛ̄ɛ̄ nda̍, mbo̍ kɔ̍ cha̍lnu᷄ŋ o̍ lɛ̄ŋndē Mo̍wa̍bīle̍ŋ ni᷄ŋ. O̍ ko̍ŋ kɔ̍ɔ̍lī, mbo̍ chūā la̍nɔ̍ chēle̍ŋ o̍ nɔ̄ɔ̍ ni᷄ŋ dīōla̍ŋ āā Ho̍dɛ̍sīī, ma̍ vīālū pūa̍a̍ ā ŋɔ᷄mmɛ̍ū, pūa̍a̍ ka̍ŋ nda̍ cho̍ ha̍ā ni̍. Cho̍ba̍bī, a̍ Si̍bīā, a̍ Mɛ̍sīā, a̍ Ma̍li̍kām,

⁹

¹⁰a̍ Chɛ̍u̍sī, a̍ Sa̍kīāā, a̍ Mɛ̍māā. Ndu̍yɛ̍ pūa̍a̍ ha̍ā ki̍nɛ̍i̍, bōllīī lāyu̍ŋgu̍e̍i̍ nda̍ wa̍ o̍ yu̍ŋgu̍la̍ ndāla̍ŋ chōo̍ ni̍.

¹¹Si̍a̍ha̍lūēm, ndo̍ ho̍ō, lāāndūāā o̍ kɛ̍ɛ̍ ka̍ŋ nda̍ ō pīlɔ̍ɔ̍, ndu̍ yɔ̍nūŋ ni̍ māā Hu̍sīm, mi̍ nda̍ā vi̍a̍lū pūa̍a̍ ā ŋīɔ̍ɔ̍ŋ nda̍ ndu̍, pūa̍a̍ ka̍ŋ nda̍ cho̍ ha̍ā ni̍. A̍bi̍tūū nda̍ Ɛ̄li̍pāāl.

¹²Ɛ̄li̍pāāl, po̍ Si̍a̍ha̍lūēm ndo̍ ō pīlɔ̍ɔ̍, ndu̍ o̍o̍ ve̍lū pūa̍a̍ ā yāa̍, pūa̍a̍ ka̍ŋ nda̍ cho̍ ha̍ā ni̍. Ɛ̍bā, a̍ Mi̍sīām, a̍ Si̍ɛ̍mɛ̍dī. Si̍ɛ̍mɛ̍dī, Ɛ̄li̍pāāl po̍ ndɔ̄ɔ̍ ō pīlɔ̍ɔ̍, ndu̍ ta̍ŋgu̍l chi̍o̍o̍ŋ mu᷅ŋ ni̍, O̍nō, a̍ Lɔ̍dī a̍ sɔ̄ndɔ̄kɔ̍ltā ba̍lu̍ mu̍ŋ nda̍ŋ.

¹³Bɛ̄lu̍i̍yā nda̍ Si̍ɛ̍mā, nda̍ wa̍ yu̍ŋgu̍la̍ ndāla̍ wa̍ A̍i̍cha̍lɔ̄ŋ chīe̍e̍ la̍ŋ bōlle̍ ni̍. Wānāa̍ wa̍ o̍ būŋgɛ̄ī Ka̍tī ve̍ ni᷄ŋ nda̍ ma̍ tūāū wānāa̍ kāŋ ma̍ kɔ̍ cha̍lnu᷄ŋ ndo̍ŋ.

¹⁴Mɛ̄ɛ̍ Bɛ̄lu̍i̍yā wo̍ ho̍ō, wānāa̍ fu̍la̍ o̍ pūlāle̍ ndɔ̄le̍ŋ chōo̍ wa̍ nda̍ cho̍ ha̍ā ni̍. A̍hīō, a̍ Sīāsi̍a̍kī, a̍ Chɛ̄lūīma̍yā,

¹⁵a̍ Sɛ̄bādi̍yā, a̍ A̍lu̍a̍dī, a̍ Ɛ̍dā,

¹⁶a̍ Ma̍a̍kɛ̄l, a̍ I̍si̍pāā, a̍ Cho̍hā.

¹⁷Ɛ̄li̍pāāl, wānāa̍ fu̍la̍ o̍ pūlāle̍ ndɔ̄le̍ŋ chōo̍ wa̍ nda̍ cho̍ ha̍ā ni̍. Sɛ̄bāda̍yā, a̍ Mɛ̍si̍u̍lām, a̍ Hi̍si̍kī, a̍ Hɛ̍bā, a̍ Īsīmɛ̍lūāī, a̍ I̍si̍līāā, a̍ Cho̍ba̍bī.

¹⁸

¹⁹Po̍ pi᷅lɛ̍ wa̍ dīōla̍ŋ āā Si̍mɛ̄ī, wānāa̍ fu̍la̍ o̍ pūlāle̍ ndɔ̄le̍ŋ chōo̍ wa̍ nda̍ cho̍ ha̍ā ni̍. Cha̍kīm, a̍ Si̍ki̍lī, a̍ Sa̍bi̍dī, a̍ Ɛ̄li̍ɛ̍ɛ̍nāī, a̍ Si̍lɛ̍tāī, a̍ I̍līɛ̄ɛ̄l, a̍ Āda̍a̍yā, a̍ Bɛ̄lu̍a̍yā, a̍ Si̍mi̍lu̍a̍tī.

²⁰

²¹

²²Wānāa̍ fu̍la̍ o̍ pūlāle̍ Sīāsi̍a̍kīle̍ŋ chōo̍ wa̍ nda̍ cho̍ ha̍ā ni̍. I̍si̍pāŋ, a̍ Ɛ̍bā, a̍ I̍līɛ̄ɛ̄l, a̍ A̍bi̍dɔ̄ŋ, a̍ Si̍ki̍lī, a̍ Hɛ̍nāŋ, a̍ Hānāni̍yā, a̍ Ɛ̍lām, a̍ Ānītɔ̍ti̍chā, a̍ Īfīdɛ̍yā, a̍ Pɛ̍nūɛ̄l.

²³

²⁴

²⁵

²⁶Wānāa̍ fu̍la̍ o̍ pūlāle̍ Chɛ̄lo̍hām nde̍ŋ chōo̍ wa̍ nda̍ cho̍ ha̍ā ni̍. Sīāmi̍si̍ɛ̍lūāī, a̍ Sīɛ̄hālu̍a̍yā, a̍ Ātāla̍yā, a̍ Cha̍a̍lu̍ɛ̍sīāā, a̍ Īla̍a̍chā, a̍ Si̍ki̍lī.

²⁷

²⁸Pūa̍a̍ ha̍ā ki̍nɛ̍i̍, nda̍ wa̍ bōlīī lāyu̍ŋgu̍e̍i̍ o̍ yu̍ŋgu̍la̍ ndāla̍ŋ chōo̍ ni̍, ndu̍yɛ̍ ma̍ wā īchāli̍ Chūlu̍sɛ̄lɛ̄m chīe̍e̍.

²⁹Chɛ̍yɛ̄ɛ̄, fi̍nyāa̍ Ki̍bīɔ̄ŋ, ndu̍ ke̍lū Ki̍bīɔ̄ŋ ni̍, mbo̍ wa̍ īchāli̍ lo̍ŋ. Chɛ̍yɛ̄ɛ̄ ndu̍ o̍o̍ nɔ̍ La̍nɔ̍ɔ̍ dīōla̍ŋ āā Ma̍a̍kāā.

³⁰Po̍ ndɔ̄ ta̍so̍o̍ wa̍ A̍bi̍dɔ̄ŋ ni̍, po̍ ndɔ̄ dīi̍ŋ ndɔ̄ɔ̍ wa̍ Sɔ̍ū ni̍, ō yāa̍ ndɔ̄ɔ̍ wa̍ Ki̍sī ni̍, ō hīɔ̍ɔ̍lo̍o̍ wa̍ Bāāl ni̍, o̍ ŋūɛ̍ɛ̍no̍o̍ wa̍ Na̍da̍bī ni̍,

³¹ō ŋɔ᷄mpu᷅m ndo̍ wa̍ Kɛ̍dɔ̄ɔ̄ ni̍, ō ŋɔ᷄mmɛ̍ū wo̍ wa̍ A̍hi̍o̍ō ni̍, ō ŋɔ̄ma̍a̍ wo̍ wa̍ Sɛ̄kāla̍yā ni̍,

³²o̍ ŋɔ̄ma̍hīɔ̍ɔ̍lo̍o̍ wa̍ Mīkīlɔ̍tī ni̍, fi̍nyāa̍ Si̍mīāā. Ndu̍yɛ̍ Chɛ̍yɛ̄ɛ̄ wo̍ ho̍ō, wānāa̍ fu̍la̍ o̍ pūlāle̍ ndɔ̄le̍ŋ chōo̍ wa̍ ā ti᷄ŋ, ma̍ kɔ᷄ cha᷅l Chūlu̍sɛ̄lɛ̄m chīe̍e̍ wānāya᷅ŋ nda᷄ŋ īkɛ̄i̍.

³³Nāā, ndu̍ ve̍lū Ki̍sī ni̍, Ki̍sī ve̍lū Māsā Bɛ̍ndōo̍ Sɔ̍ɔ̄ ni̍. Sɔ̍ɔ̄ yɛ̍ ndu̍ o̍o̍ ve̍lū pūa̍a̍ ā hīɔ̍ɔ̍lu̍, pūa̍a̍ ka̍ŋ nda̍ cho̍ ha̍ā ni̍. Chōna̍ta᷅ŋ, a̍ Mālīki̍sūāā, a̍ Ābi̍na̍dāā, a̍ Ɛ̄si̍bāāl.

³⁴Chōna̍ta᷅ŋ, po̍ Sɔ̍ɔ̄ wo̍, ndu̍ ve̍lū Mɛ̄lūībi̍bāāl ni̍. Mɛ̄lūībi̍bāāl, ndu̍ ve̍lū Ma̍kāl ni̍.

³⁵Ma̍kāl, po̍ Mɛ̄lūībi̍bāāl wo̍, ndu̍ o̍o̍ ve̍lū pūa̍a̍ ā hīɔ̍ɔ̍lu̍, pūa̍a̍ ka̍ŋ nda̍ cho̍ ha̍ā ni̍. Pi̍tɔ̄m, a̍ Mɛ̍lɛ̍kī, a̍ Tālu̍i̍yāā, a̍ E̍ha̍a̍sī.

³⁶E̍ha̍a̍sī, po̍ Ma̍kāl wo̍, ndu̍ ve̍lū Chɛ̄hōwa̍dā ni̍. Chɛ̄hōwa̍dā wo̍ ho̍ō, ndu̍ o̍o̍ ve̍lū pūa̍a̍ ā yāa̍, pūa̍a̍ ka̍ŋ nda̍ cho̍ ha̍ā ni̍. A̍le̍mɛ̍tī, a̍ A̍si̍ma̍vɛ̄ɛ̄, a̍ Si̍mi̍lī. Si̍mi̍lī, po̍ E̍ha̍a̍sī wo̍, ndu̍ ve̍lū Mo̍sā ni̍.

³⁷Mo̍sā ve̍lū Bi̍nīɛ̄ɛ̄ ni̍, Bi̍nīɛ̄ɛ̄ ve̍lū Lu̍a̍fā ni̍, Lu̍a̍fā ve̍lū Ɛ̄li̍a̍a̍sā ni̍, Ɛ̄li̍a̍a̍sā ve̍lū A̍sɛ̄l ni̍.

³⁸A̍sɛ̄l, po̍ Ɛ̄li̍a̍a̍sā wo̍, ndu̍ o̍o̍ ve̍lū pūa̍a̍ ā ŋɔ᷄mpu᷅m, pūa̍a̍ ka̍ŋ nda̍ cho̍ ha̍ā ni̍. Āsi̍li̍kām, a̍ Bo̍chɛ̍lū, a̍ I̍si̍mɛ̄ɛ̄l, a̍ Sīālu̍a̍yā, a̍ Ōbāda̍yā, a̍ Ha̍nāŋ.

³⁹I̍si̍ɛ̍kī, wānāyɛ̍ī A̍sɛ̄l ve̍, ndu̍ ndu̍ o̍o̍ ve̍lū pūa̍a̍ ā yāa̍. Po̍ ndɔ̄ tāso̍o̍ dīōla̍ŋ āā Yu̍lām, ō dīi̍ŋ ndɔ̄ɔ̍ dīōla̍ŋ āā Chɛ̍hu̍sī, ō yāa̍ ndɔ̄ɔ̍ dīōla̍ŋ āā Ɛ̄līfɛ̍lɛ̍tī.

⁴⁰Yu̍lām, po̍ I̍si̍ɛ̍kī wo̍, pūa̍a̍ o̍ ve̍lū wa̍ ā wa̍ ku̍u̍ba̍a̍ chɔ̄ūwāā bɛ̄ndū, ndu̍yɛ̍ nda̍ā cha̍ā sɔ̍ŋgɔ̄ɔ̍ a̍ chīɔ̄ūla̍ŋ, ndu̍yɛ̍ ma̍ vīālū pūa̍a̍ ta̍u̍, o̍ ko̍ŋ ma̍ nɔ̄ chūāūwāā māmāā hɔ̍lɔ̄bi̍. Mɛ̄ɛ̍ fa̍ū fa̍ū wānāa̍ fu̍la̍ o̍ yu̍ŋgu̍ Yu̍lāmndo̍ chōo̍ wa̍ ā wa̍ kɛ̄mɛ̄ a̍ be̍le̍-ŋu̍ɛ̍ɛ̍nu̍ (150). Ndu̍yɛ̍ wāŋnda̍ ha̍ā kpo̍u̍ o̍ pūlāle̍ Bɛ̍ŋnja̍mīŋ nde̍ŋ chōo̍ nda̍ fūla̍ ni̍.