Read Southern Kisi Ko̍lo̍ni̍kō Di̍i̍ŋ Ndɔ̄ɔ̍ 5 Bible Online

Ko̍lo̍ni̍kō Di̍i̍ŋ Ndɔ̄ɔ̍ 5 - Southern Kisi bible

Ko̍lo̍ni̍kō Di̍i̍ŋ Ndɔ̄ɔ̍ 5

¹Mɛ̄ɛ̍ Sɔ̍lɔ̍mɔ̄ŋ o̍ chi̍i̍ chīɛ̍i̍ Mɛ̄lɛ̄ka̍a̍ ho̍ō tāŋgūl, nyɛ̄ o̍ nyɛ̄ Dēēve̍ fi̍nyā ndɔ̄ ndu̍ o̍o̍ yɔ̍ŋgu̍ o̍ Mɛ̄lɛ̄ka̍ lo̍, le̍ kpe̍ku̍ Mɛ̄lɛ̄ka̍ Ya̍a̍wɛ̄ɛ̄ wo̍, ka̍ni̍ŋ hu̍mbū ni̍, ŋ̄ko̍o̍līi̍ ni̍, a̍ nyɛ̄m chēle̍ŋndo̍ŋ, mbo̍ chūā mu̍ŋ kpo̍u̍, mbo̍ kūā a̍ mu̍ŋ o̍ chīɛ̍i̍ Mɛ̄lɛ̄ka̍a̍, mbo̍ kɔ̍ kɛ̍sī mu̍ŋ o̍ fo̍ndāŋndā nda̍ kɛ̄sī nyɔ̄ɔ̍ŋ o̍ chīɛ̍i̍ Mɛ̄lɛ̄ka̍a̍ la̍ŋ.

²Mɛ̄ɛ̍ Sɔ̍lɔ̍mɔ̄ŋ chi̍i̍ chīɛ̍i̍ Mɛ̄lɛ̄ka̍a̍ tāŋgūl, mbo̍ vēēlū lāŋgba̍ā kālla̍ I̍sɔ̄lūɛ̄ī ki̍nɛ̍i̍, a̍ bōlīī lāyu̍ŋgu̍e̍i̍, a̍ bōlīī lāchīɛ̄īye̍, le̍ mā chūūŋgi̍āŋ Chūlu̍sɛ̄lɛ̄m. Ndu̍ o̍o̍ ye̍e̍ma̍ mī ndu̍ o̍o̍ chu̍a̍ kɔ̍fū kpe̍ma̍ Mɛ̄lɛ̄ka̍ Ya̍a̍wɛ̄ɛ̄ wo̍, mī ndu̍ o̍o̍ ku̍ɛ̄ a̍ ndu̍ o̍ fo̍ndāŋ sɛ̄nɛ̄ī nda̍ tōōsi̍a̍a̍ o̍ chīɛ̍i̍ Mɛ̄lɛ̄ka̍a̍ ni᷄ŋ ndo̍. Ndu̍yɛ̍ Sa̍a̍yɔ̄ŋ, ndu̍ yɔ̍nūŋ māā Chūlu̍sɛ̄lɛ̄m ni̍, o̍ Māsāa̍ Dēēve̍ lo̍ chi̍e̍e̍, lo̍ŋ kɔ̍fōo̍ ho̍ō ō wa̍ ō kɛ̄sīāā ni̍.

³O̍ ko̍ŋ, wāŋ pīāāndūa̍a̍ I̍sɔ̄lūɛ̄ī kpo̍u̍, ma̍ chu̍ūŋgi̍āŋ nāa̍ Māsā Bɛ̍ndōo̍ Sɔ̍lɔ̍mɔ̄ŋ chu̍a̍, a̍ te̍le̍ŋ nda̍ bīī bɔ̄ŋa᷅ŋ lābāfɛ̄i̍yo̍ o̍ pāŋgi̍i̍ ŋɔ̍mmɛ̍ūve̍ o̍ wɔ̄sīo̍o̍ ni᷄ŋ ndo̍ ki̍nɛ̍i̍.

⁴Mɛ̄ɛ̍ wāŋ bɛ̄ndūa̍a̍ I̍sɔ̄lūɛ̄ī kpo̍u̍ a̍ chu̍u̍ŋgi̍āŋ na̍a̍ pi᷅lɛ̍, mi̍ Li̍va̍īya̍ ā chūā kɔ̍fū kpe̍ma̍ Mɛ̄lɛ̄ka̍a̍.

⁵O̍ ko̍ŋ, ma̍ kūā a̍ ndu̍, a̍ tɛ̍ndīi̍ chɔ᷅m māā Mɛ̄lɛ̄ka̍ Ya̍a̍wɛ̄ɛ̄ cho̍ a̍ nda̍ lātūlū wo̍, a̍ nyɛ̄m lāāndu᷄ŋ wa̍ ŋ̄ yɔ̄ŋga᷄ŋ o̍ Mɛ̄lɛ̄ka̍ lo̍, mi̍ ŋ̄ wa̍ o̍ tɛ̍ndīi̍ ko̍ŋ ni᷄ŋ ndo̍ŋ. Ndu̍yɛ̍ wānāā sōlīāā lāsa̍lāa̍, a̍ li̍va̍īya̍, nda̍ ku̍ɛ̄ a̍ nyɛ̄m mu̍ŋ o̍ chīɛ̍i̍ Mɛ̄lɛ̄ka̍a̍ ni̍.

⁶O̍ ko̍ŋ kɔ̍ɔ̍lī, Māsā Bɛ̍ndōo̍ Sɔ̍lɔ̍mɔ̄ŋ ni̍, a̍ I̍sɔ̄lūɛ̍i̍ya̍a̍ ku̍ndāā o̍ chu̍u̍ŋgi̍āŋ ka̍ŋ nāa̍ ndu̍ chu̍a̍ wa̍, nda̍ kpo̍u̍ ma̍ sīm kɔ̍fū kpe̍ma̍ Mɛ̄lɛ̄ka̍a̍ lāchī, le̍ kɔ̄la̍ŋ a̍ kɔ̍fu̍ Mɛ̄lɛ̄ka̍a̍ o̍ chīɛ̍i̍ Mɛ̄lɛ̄ka̍a̍. Ndu̍yɛ̍ ma̍ dīī chɔ̄lūa̍a̍ ta̍u̍ ta̍u̍ ma̍ sōli̍ nda̍ sa̍lāla̍ŋ o̍ Mɛ̄lɛ̄ka̍ lo̍. Chɔ̄lūāā nda̍ dīī ya̍, nda̍ yɔ̍nūŋ ni̍ māā sāa̍, a̍ nāūwāā tōōyīa̍a̍, ā wa̍ ha̍a̍a̍ nda̍ a̍a̍ chu̍ū chɔ᷅m te̍.

⁷O̍ ko̍ŋ kɔ̍ɔ̍lī, mi̍ wānāā sōlīāā lāsa̍lāa̍ a̍ kūā a̍ kɔ̍fū kpe̍ma̍ Mɛ̄lɛ̄ka̍ Ya̍a̍wɛ̄ɛ̄ wo̍, ma̍ lūɛ̄ī a̍ ndu̍ o̍ fo̍ndāŋ dīāndāa̍ hi̍o̍ū kpo̍u̍ o̍ chīɛ̍i̍ Mɛ̄lɛ̄ka̍a̍ ni᷄ŋ ndo̍. Nyāā lā kūmba᷅ŋāā nda̍ tōōsi̍a̍a̍ o̍ fo̍ndāŋ kōŋ nda̍, o̍ kūmba᷅ŋndā ndāla̍ la̍ŋ bɛ̄ŋgu̍ nda̍ kɛ̄si̍ kɔ̍fōo̍ ho̍ō ni̍.

⁸Kūmba᷅ŋndā nyāa̍ ha̍ā, lā wa̍ lā sīɛ̄ndīāā mi̍ lā kūmbū kɔ̍fōo̍ ho̍ō, a̍ yɔ̄mīī nda̍ a̍a̍ ku̍ā a̍ ndu̍ ve̍ kpo̍u̍.

⁹Yɔ̄mīī nda̍ a̍a̍ ku̍ā a̍ kɔ̍fōo̍ ho̍ō ve̍ bɛ̍ɛ̍, mɛ̄ɛ̍ le̍ hɔ̄lta̍ŋ mī wāna̍ a̍a̍ che᷅ ndi̍, fo̍ndōle̍, ndi̍ wa̍ ti᷄ŋ ī vīlɛ̄ī. Kɛ̍ ndi̍ bɛ̍ɛ̍ mɛ̄ɛ̍ mī wāna̍ a̍a̍ wa̍ o̍ fo̍ndāŋ dīāndāa̍ hi̍o̍ū kpo̍u̍ wo̍, mālāŋ ŋ̄ chā ndi̍ hɔ̄ltā la̍ŋ. Ndu̍yɛ̍ a̍ pāa̍le̍ hāūle̍ŋ nde᷅ŋ bɛ̍ɛ̍, yɔ̄mīī kēŋ ī chō lo̍ŋ.

¹⁰Pōūtā yɛ̍ndɛ̍la̍ ti̍ɔ̍ɔ̍ŋndā Mūu̍sē o̍ dɔ̍ū sīndɛ̄ o̍ kɔ̍fōo̍ ho̍ō ni᷄ŋ, o̍ Pēmbīī Sa̍a̍nāīve̍ chōo̍ la̍ŋ, la̍ŋ ko̍ni̍ la̍ wa̍ o̍ kɔ̍fōo̍ ho̍ō ni᷄ŋ ni̍. Bōōndi̍i̍ I̍sɔ̄lūɛ̍i̍ya̍ fūla̍ o̍ chɛ̄le̍ŋ ni᷄ŋ I̍chi̍pī ma̍ wā kɔ̄la̍ŋ, mi̍ Mɛ̄lɛ̄ka̍ Ya̍a̍wɛ̄ɛ̄ o̍ yīī kpe̍ma̍a̍ a̍ nda̍ o̍ Pēmbīī Sa̍a̍nāīve̍ chōo̍ ve̍, a̍ te̍le̍ŋ ko̍ŋ Mūu̍sē o̍ dɔ̍ū pōūtā yɛ̍ndɛ̍la̍ŋ nda᷅ŋ o̍ kɔ̍fōo̍ ho̍ō ni᷄ŋ ni̍.

¹¹Wānāā sōlīāā lāsa̍lāa̍ fu̍la̍ o̍ ku̍ndālā yɛ̍ yɛ̍la̍ŋ chōo̍ ma̍ wā lo̍ŋ nda̍ kpo̍u̍, nda̍ a̍a̍ sɔ̍la̍ ni᷅ŋ pūlɔ̄ɔ̍ le̍ mā wa᷄ ā dīāndāā Mɛ̄lɛ̄ka̍ o̍ hɔ̄l. Ndu̍yɛ̍ Li̍va̍īyāa̍ nda̍ a̍a̍ so̍lī cho̍ndo̍ŋ nda̍ ki̍nɛ̍i̍, A̍sa̍fī ni̍, Hɛ̍māŋ ni̍, a̍ Chɛ̍du̍tɔ̄ŋ, a̍ wānāya᷅ŋ ndāa̍ŋ, ā wa᷄ ā dōūvīa̍ŋ o̍ nyɛ̄lā ba̍ā kālālā bɛ̄ndūla̍ŋ ni᷄ŋ. Li̍va̍īya̍ ki̍nɛ̍i̍, mi̍ nda̍ sīm o̍ ma̍āŋndo̍ īkɛ̄i̍, kūmbū pāa̍le̍ŋ lē chāŋndo̍, a̍ chɛ̍ŋchɛ̍ŋndo̍ŋ o̍ lābā, a̍ tōwāla̍ŋ ndu̍yɛ̍ a̍ nyɛ̄m chāā īyōōŋ ŋ̄ chēle̍ŋ ndo̍ŋ. O̍ ko̍ŋ kɔ̍ɔ̍lī, wānāā sōlīāā lāsa̍lāa̍ ŋ̄wāŋ kɛ̄mɛ̄ a̍ bi̍di̍i̍ŋ, ā wa᷄ īsīsi̍ nda̍ nda̍ā lātūlu̍ mī nda̍ hɔ̄ŋ pu᷅tɛ̍nɛ̍i̍la̍ŋ. Chōndo̍ŋ ni̍, bu̍lu̍la̍ŋ ni̍, chɛ̍ŋchɛ̍ŋndo̍ŋ ni̍, a̍ nyɛ̄m chāa̍ŋ ŋ̄ pīlɔ̍ŋ, nyɛ̄ o̍ nyɛ̄ wa᷄ kɔ̄la̍ŋ dīōmndo̍ ō pīlɛ̍ kpe̍ le̍ Mɛ̄lɛ̄ka̍ Ya̍a̍wɛ̄ɛ̍ sāŋgālāa̍. Ā wa᷄ chōnde̍i̍ sōlīo̍o̍ āā, “Sāŋgālāa̍ chō le̍ nu̍m Mɛ̄lɛ̄ka̍ Ya̍a̍wɛ̄ɛ̄, kāni̍ fo̍ndōle̍, ā chō wānā kɛ̍ndɛ̄, <(...)