Read Southern Kisi Ɛ̍si̍tā 10 Bible Online

Ɛ̍si̍tā 10 - Southern Kisi bible

Ɛ̍si̍tā 10

¹O̍ ko̍ŋ kɔ̍ɔ̍lī, mi̍ Māsāa̍ Sɛ̍sɛ̄ɛ̄ o̍ du̍a̍ū sāwāa̍ māā wānā o̍ wānā cho̍ o̍ lɛ̄ŋndē o̍ cho̍ māsāa̍ chōo̍ le̍ŋ ni᷄ŋ, māā ā nɔ̄ mā ma᷄l pāāwāa̍. Wānāa̍ wa̍ o̍ Pēe̍ Mɛ̄ŋmā Īhɛ᷄llo̍ hɔ̄lnɔ᷄ŋndo̍ wa̍ ni̍, a̍ wānāa̍ wa̍ la̍nda̍ŋ la̍nda̍ŋ nda̍, nda̍ kpo̍u̍, ma̍ wā ni᷅ŋ pāāwāa̍ mālɔ̄ɔ̍.

²Ndu̍yɛ̍, nyɛ̄ o̍ nyɛ̄ Māsāa̍ Sɛ̍sɛ̄ɛ̄ o̍ to̍sa̍ o̍ māsāle̍ ndɔ̄le̍ŋ ni᷄ŋ, sɔ̍ɔ̍ŋ tɔ̍ɔ̍ŋ bɛ̍ndo᷄ŋ o̍ to̍sa̍ wo̍ŋ ni̍, o̍ ko̍ŋ kɔ̍ɔ̍lī, a̍ hīvī o̍ hi̍vi̍ Mɔ̍di̍kāī lāchī o̍ wa̍llo̍ ni᷄ŋ, mbo̍ sīīŋgūū ndu̍ wānā bɛ̍ndū o̍ māsāle̍ ndɔ̄le̍ŋ ni᷄ŋ ndo̍, mu̍ŋ kpo̍u̍ ŋ̄ chō ŋ̄ pōōnyīāā o̍ yāu̍ sɔ̄ɔ̍ŋ pa̍a̍ndu̍ cho̍ a̍ māsāa̍ Mi̍dīāā, a̍ Pa̍a̍sīāā o̍kɔ̄ɔ̄ wo̍ ni᷄ŋ.

³Mi̍ Mɔ̍di̍kāī Chu̍ūnɔ̄ o̍ si̍mnu᷄ŋ wa̍nā bɛ̍ndū o̍ māsāle̍ Māsāa̍ Sɛ̍sɛ̄ɛ̄ le̍ŋ bɛ̄ŋgu̍. Ndu̍ wa̍ wānā di̍i̍ŋ ndɔ̄ɔ̍ o̍ māsāle̍ Sa̍a̍si̍ī le̍ŋ bɛ̄ŋgu̍ kpo̍u̍ ni̍. Wāna̍ wa̍ ndu̍ lāchī wo̍, mɛ̄ɛ̍ Māsāa̍ Sɛ̍sɛ̄ɛ̄ pi̍la̍. Ndu̍yɛ̍, mi̍ wānāā ndūa̍a̍, nda̍ yɔ̍nūŋ ni̍ māā Chu̍ūwa̍, ma̍ kē ndu̍ bɛ̄ɛ̄le̍ŋ, ndu̍yɛ̍, ma̍ hɛ̄na᷄ŋ a̍ sūɛ̍i̍ ndūɛ̍i̍ ta̍u̍ ta̍u̍, kāni̍ fo̍ndōle̍, nyɛ̄ o̍ nyɛ̄ Mɔ̍di̍kāī o̍ wa̍ tōsāa̍, le̍ dɛ̍nɛ̍ kɛ̍ndɛ̄ wānāā ndūa̍a̍ o̍ wa̍ ndu̍ tōsāa̍ ni̍. Ndu̍ wa̍ sōndōo̍ le̍ nda̍ kpo̍u̍ ni̍, ndu̍yɛ̍ mbo̍ sūāā le̍ nda̍, le̍ mɛ̄ɛ̍ nda̍ wā o̍ kɔ̄l nyūlū ni᷄ŋ nyɛ̄ o̍ nyɛ̄ yɔ̍nūŋ a̍ nda̍ le̍ yɛ̍.