Read Southern Kisi Cho̍o̍bū 25 Bible Online

Cho̍o̍bū 25 - Southern Kisi bible

Cho̍o̍bū 25

¹O̍ ko̍ŋ kɔ̍ɔ̍lī, mi̍ Bi̍li̍dāā Su̍ha̍i̍tīi̍nɔ̍ o̍ mu̍lī Cho̍o̍bū dīōm, mbo̍ dīmī māā,

²Mɛ̄lɛ̄ka̍ chō wāna̍ kpāāyā bɛ̍ndū. Mɛ̄ɛ̍ mī wānā o̍ wānā wo̍ ndu̍. Nāa̍ o̍ cho̍ o̍ lēmāsā ɛ̄chɛ̍nɛ̄ wa̍, mbo̍ tōsā mi̍ kɔ̄l nyūlōo̍ ō wā lo̍ŋ.

³So̍vɛ̄i̍ya̍a̍ o̍ nɔ̍ wa̍ wānā o̍ wānā nɔ̍lā mā chi̍i̍ nda̍ chɔ̄m te̍. Kūɛ̍ɛ̍nɛ̍ cho̍ yɛ̄ mī nyɛ̄ ndɔ̄ wa̍wo̍ŋndo̍ ō kɛ̄ɛ̍ dīōndɔ̄ɔ̍?

⁴Wāna̍ chi̍e̍e̍ kūɛ̍ɛ̍nɛ̍ nɔ̍lā yɛ̍ mbō wa̍ sa̍kpō Mɛ̄lɛ̄ka̍ o̍ hɔ̄l? Wāna̍ chi̍e̍e̍ yo̍o̍māa̍ kūɛ̍ɛ̍nɛ̍ cho̍ yɛ̄ mbo̍ wā ō dīāndāā Mɛ̄lɛ̄ka̍ o̍ hɔ̄l?

⁵Pāŋgi̍i̍ cho̍ o̍ ha̍la̍a̍ ni᷄ŋ cho̍o̍ cho̍o̍ ve̍ bɛ̍ɛ̍ kɛ̍sɛ̍ kɛ̍sɛ̍, ī cho̍ i̍ dīāndāā Mɛ̄lɛ̄ka̍ o̍ hɔ̄l te̍. Lōo̍ŋ di̍a̍ndū mu᷅ŋ chōo̍ cho̍o̍ wo̍ŋ bɛ̍ɛ̍, ŋ̄ cho̍ ndu̍ o̍ hɔ̄l ŋ̄ dīāndāā le̍.

⁶Nāa̍ o̍ chu̍a̍ wɔ̄ nyɛ̄m mu᷅ŋ le̍nde̍, ɔ̍ɔ̄ ni᷅ŋ wāna̍ chi̍e̍e̍ cho̍ ho̍ō māā ŋ̄chāā wo̍? Ɔ̍ɔ̄ ni᷅ŋ wāna̍ chi̍e̍e̍ cho̍ ho̍ō māā dōndo̍po᷅llo̍ wo̍?