Read Southern Kisi Sa᷅m 1 Bible Online

Sa᷅m 1 - Southern Kisi bible

Sa᷅m 1

¹Wānāa̍ cho̍ ha̍ā ā tu᷅l si̍lālā wānāā wɔ̄ɔ̍ŋnda̍ kɔ̄ɔ̄lī le̍, ā chu̍ē ka̍ālā wānāā wɔ̄ɔ̍ŋnda̍ le̍, ā sɔ̍ɔ̍ŋgūū wa̍nāa̍ ma᷅m sɔ̍ɔ̍ŋ Mɛ̄lɛ̄ka̍ŋ nda̍ chōo̍ le̍, wānāā wāā nu̍a̍ā ā pɛ̄l tɔ̄nɔ̄ɔ̍.

²Nda̍ nda̍, pɛ̄ɛ̄kūla̍ Mɛ̄lɛ̄ka̍ Ya̍a̍wɛ̄ɛ̄ la̍ŋ la̍ hɛ̍nāŋ nda̍ chūa̍a̍ ni̍. Īdīi̍ ni̍, īchɔ̄l ni̍, ā chō sāwāla̍ la̍ŋ nūa̍a̍ o̍ yāu̍wo̍ ni᷄ŋ, mā yīyāŋ a̍ la̍ŋ.

³Mɛ̄ɛ̍ nda̍ tūāl nu̍a̍ā yɔ̄mndo̍ o̍ pīo̍o̍ kɔ̄ŋgɔ̍, pēi̍ ndūɛ̍i̍ ī nya̍mālā le̍, ndu̍yɛ̍ tē bōōndi̍i̍ ndūɛ̄ī ku̍a̍mɛ̄i̍ ī fūūlu̍u̍ dɔ̍ɔ̍ pɛ̍, ō kōm yɛ̍, le̍nde̍ wānāā wāā nu̍a̍ā ā chō ni̍. Nyɛ̄ o̍ nyɛ̄ nda̍ tōsa̍ nāŋɔ̄ɔ̍ o̍ na᷅ŋ ni̍.

⁴Kɛ̍ wānāā yɔ̄ŋndā wɔ̄ɔ̍ŋnda̍ nda̍, ī chō le̍nde̍ a̍ nda̍ le̍. Mɛ̄ɛ̍ tɛ̄fɛ̍la̍ŋ lā chō nu̍a̍ā, tē hūēīye̍ ī hɔ᷄ŋ pɛ̍ ī kūɛ̄nu᷄ŋ a̍ la̍ŋ yɛ̍, le̍nde̍ nda̍ chō ni̍.

⁵Le̍la̍ŋ, bōōndi̍i̍ Mɛ̄lɛ̄ka̍ kīlūl ni̍ŋ wānāā wɔ̄ɔ̍ŋnda̍ yāmɛ̍i̍ le̍ nda̍ nyɛ̄ pālāa̍ tūsīo̍o̍ chōo̍ ve̍, fo̍ndāŋ bɛ̍ɛ̍ ve᷅ ni̍ŋ a̍ nda̍ le̍, wānāā yɔ̄ŋndā wɔ̄ɔ̍ŋnda̍ ā ve᷅ ni̍ŋ wa̍nāa̍ cho̍ sa̍kpō Mɛ̄lɛ̄ka̍ o̍ hɔ̄l la̍ tɛ̄ɛ̄ŋ te̍.

⁶Wānāa̍ cho̍ sa̍kpō Mɛ̄lɛ̄ka̍ o̍ hɔ̄l la̍ nda̍ nda̍, Mɛ̄lɛ̄ka̍ Ya̍a̍wɛ̄ɛ̄ o̍ cho̍ wā nda̍ māndāa̍. Kɛ̍ wānāā yɔ̄ŋndā wɔ̄ɔ̍ŋnda̍ nda̍, ā chō hūnɔ̄ɔ̄ nda̍ tɛ̄ɛ̄mbūū.