Read Southern Kisi Sa᷅m 100 Bible Online

Sa᷅m 100 - Southern Kisi bible

Sa᷅m 100

¹[91] Nya̍ wāŋnda̍ o̍ chi̍e̍ēŋndo̍ ni᷄ŋ kpo̍u̍, lā sōli̍ cho̍ndu̍ŋ kɔ̄l kɛ̄ndɔ᷄ŋ le̍ Mɛ̄lɛ̄ka̍ Ya̍a̍wɛ̄ɛ̍ sāŋgālāa̍.

²Lā sōōlu̍u̍ Mɛ̍lɛ̄ka̍ Ya̍a̍wɛ̄ɛ̄ a̍ kɔ̄l kɛ̄ndɛ̄. Lā hu᷄ŋ ndu̍ lāchī a̍ chōndo̍ŋ sōlīo̍o̍.

³Lā sīna̍ pɛ̍ŋgu̍ māā Mɛ̄lɛ̄ka̍ Ya̍a̍wɛ̄ɛ̍ ndu̍ cho̍ Mɛ̄lɛ̄ka̍ ni̍. Ndu̍ to̍o̍si̍a̍a̍ na̍a̍ ni̍, ndu̍yɛ̍ le̍ ndu̍ na̍a̍ ŋ̄ chō ni̍. Na̍a̍ ŋ̍ cho̍ wānāā ndūa̍a̍ ni̍, sāa̍ ndūa̍a̍ o̍ cho̍ māndāa̍ wa̍.

⁴Lā kēēku̍ o̍ dīōlā ba̍lu̍ chīɛ̄ī ndɔ̄ɔ̍ la̍ŋ, mī lā lūɛ̄ī a̍ ndu̍ ba̍li̍ka̍a̍ mēllo̍. Lā lūɛ̍i̍ o̍ la̍u̍ ba̍lu̍ chīɛ̄ī ndɔ̄ɔ̍ wo̍ a̍ ndu̍ sāŋgālāa̍. Lā me᷄l ndu̍ ba̍li̍ka̍a̍, ndu̍yɛ̍ mī lā sāŋga̍la̍ ndu̍.

⁵Kāni̍ fo̍ndōle̍, Mɛ̄lɛ̄ka̍ Ya̍a̍wɛ̄ɛ̄, o̍ cho̍ Mɛ̄lɛ̄ka̍ kɛ̍ndɛ̄. Kāālā ndɔ̍ cho̍ le̍ te̍le̍ŋ o̍ te̍le̍ŋ ō chō le̍ fɛ̍ɛ̍ŋ a̍ fɛ̍ɛ̍ŋ. Ndu̍yɛ̍ ō chō sa̍kpō le̍ fɛ̍ɛ̍ŋ a̍ fɛ̍ɛ̍ŋ.