Read Southern Kisi Sa᷅m 11 Bible Online

Sa᷅m 11 - Southern Kisi bible

Sa᷅m 11

¹[8] Mɛ̄lɛ̄ka̍ Ya̍a̍wɛ̄ɛ̄ ndu̍ ya̍ I̍ ti̍i̍nda̍ŋ ni̍ le̍ mbō mānda̍ ya̍. Wāŋnda̍ chō ya̍ dīɔ̄mnde̍ dīmūllo̍ āā, “Chɔ̍ŋ cho̍o̍ cho̍o̍ māā yōū, mā kūɛ̄ o̍ pēmbīī bɛ̄ndūe̍i̍ chōo̍.

²Ya̍a̍mɔ̍ɔ̍wa̍ ā bɛ̄ɛ̄ndi̍a̍ŋ a̍ chīɔ̄ūlā ndāla̍ŋ, ā kīndū chīŋɔ̍ma̍ ndāa̍ŋ o̍ chīɔ̄ūlā ndāla̍ŋ, le̍ mā wūu̍ ma̍ŋ o̍ nyūmnda̍ŋ ni᷄ŋ, wa̍nāa̍ cho̍ sa̍kpō Mɛ̄lɛ̄ka̍ o̍ hɔ̄l la̍ kɔ̄ɔ̄lī, le̍ nda̍ vīɔ̍ɔ̍.

³Tē nyɛ̄ o̍ nyɛ̄ ō lāāsi̍a̍ŋ pɛ̍, ō yɛ̄ɛ̍nɛ̍ wānāā tōnya̍a̍ ā nɔ̄lā yɛ̍ mā tōsa̍?”

⁴Mɛ̄lɛ̄ka̍ Ya̍a̍wɛ̄ɛ̄ o̍ cho̍ o̍ chīɛ̄ī kāsi̍ Mɛ̄lɛ̄ka̍a̍ ni᷄ŋ. Ō chō īchāli̍ o̍ kpe̍ŋgbe̍i̍ ndɔ̍ lēmāsāa̍ chōo̍ ɛ̄chɛ̍nɛ̄. Ō chō mɛ̄ɛ̄nda᷄ŋndo̍ nyɛ̄ o̍ nyɛ̄ wāŋndā chīe̍e̍ya̍ ā chō tōsāa̍, ndu̍yɛ̍ ō sīnā nyɛ᷅ o̍ nyɛ̄ nda̍ chō tōsāa̍.

⁵Wānāā tōnya̍a̍ ni̍ a̍ wānāā dɛ̍nɛ̍ wɔ̍ɔ̍ŋnda̍, ō chō kūɛ̍ɛ̍la̍ ndāla̍ŋ mɛ̄ɛ̄nda᷄ŋndo̍ kpo̍u̍. Ndu̍yɛ̍ wānāa̍ ke̍ī sɔ̍ŋgɔ̄la̍ŋ mɛ̄līo̍o̍ wa̍, yɛ̍le̍ŋ pi̍la̍ o̍ tu̍l nda̍ ni̍.

⁶Mɛ̄lɛ̄ka̍ chō tōsā mī dɛ̄ŋgūlta̍ŋ lā chɛ᷄ŋ cho̍o̍ cho̍o̍ lātūlu̍ a̍ pōūtā lēyīŋnda̍ŋ, mī lā hūlu᷄ŋ wa̍nāā dɛ̍nɛ̍ wɔ̍ɔ̍ŋnda̍ chōo̍. Ō chō nda̍ nyɛ̄ pālāā bɛ̄ndōo̍ tūsī chōo̍ a̍ hūēīyīī tūvīī bɛ̄ndūe̍i̍.

⁷Wānā sa̍kpōo̍ Mɛ̄lɛ̄ka̍ Ya̍a̍wɛ̄ɛ̄ o̍ cho̍ ni̍, ndu̍yɛ̍ ō kāāla̍ sɔ̄ɔ̍ŋ tōsāa̍ o̍ nɛ̄i̍ sa̍kpōo̍ chōo̍. Wānāa̍ cho̍ sa̍kpō ndu̍ o̍ hɔ̄l la̍, ā chō ndu̍ hūnɔ̄ɔ̄ hɔ̄lla̍ chɔ̄.