Read Southern Kisi Sa᷅m 113 Bible Online

Sa᷅m 113 - Southern Kisi bible

Sa᷅m 113

¹Sāŋgālāa̍ chō le̍ Mɛ̄lɛ̄ka̍ Ya̍a̍wɛ̄ɛ̄. Nya̍ cho̍ bu̍ɛ̍i̍yāa̍ Mɛ̄lɛ̄ka̍ Ya̍a̍wɛ̄ɛ̄ wo̍ wa̍, lā sāŋgāla̍ di̍o̍la̍ ndɔ̄la̍ŋ.

²Lā sāŋga̍la̍ di̍ōlā ndɔ̄la̍ŋ, chɔ̍ŋ a̍ te̍le̍ŋndo̍ ho̍ō, mbō kūɛ̄ a̍ fɛ̍ɛ̍ŋ a̍ fɛ̍ɛ̍ŋ.

³Nya̍ wāŋnda̍ o̍ chi̍e̍ēŋndo̍ ni᷄ŋ kpo̍u̍, chɔ̍ŋ ba᷅ pāa̍le̍ŋ lē chāŋndo̍, mbō kūɛ̄ bā le̍ de᷅llo̍, lā sāŋga̍la̍ di̍ōla̍ Mɛ̍lɛ̄ka̍ Ya̍a̍wɛ̄ɛ̄ la̍ŋ.

⁴Mɛ̄lɛ̄ka̍ Ya̍a̍wɛ̄ɛ̍ cho̍ māsāa̍ lɛ̄ŋnde̍ o̍ chi̍e̍ēŋndo̍ ni᷄ŋ kpo̍u̍ cho̍o̍ ni̍. Nāŋɔ̄ɔ̄ ndɔ̄ bɛ̍ndōo̍ ō chō ō tīūwāā o̍ ha̍la̍a̍ ni᷄ŋ cho̍o̍ cho̍o̍ kpo̍u̍.

⁵Wānā o̍ wānā cho̍ māā Mɛ̄lɛ̄ka̍ Ya̍a̍wɛ̄ɛ̄ nāa̍ le̍. Ō chō īchāli̍ o̍ kpe̍ŋgbe̍i̍ ndɔ̍ lēmāsāa̍ chōo̍ cho̍o̍ cho̍o̍ pɔ̍,

⁶mbo̍ wā tōfāa̍ o̍ ha̍la̍a̍ ni᷄ŋ a̍ o̍ chi̍e̍ēŋndo̍ chōo̍.

⁷Ndu̍ so̍lī wa̍nāā tāmbɛ̍i̍ya̍ o̍ kūɛ̍i̍ ni᷄ŋ ni̍. Wānāa̍ nɔ̍ nyɛ᷅ o̍ nyɛ̄ le̍ wa̍ mbō sōli̍ nda̍ o̍ bāhāvɛ̍i̍yo̍ ni᷄ŋ,

⁸mbō tōsa̍ mā sīmnu᷄ŋ na̍āŋa᷅ŋ ndā chūāūwāā lēmāsāa̍, wānāā ndūa̍a̍, chūāūwāā ndāa̍ lēmāsāa̍.

⁹Wānā la̍nɔ̍ vi̍lū le̍ wo̍, mbō tōsa̍ mbō vēlū chūāūwa̍, mbō sɔ̄la̍ cha᷄lta̍ kɛ̍ndɛ̄la̍ŋ, mbō wānu̍ŋ lo̍ŋ a̍ kɔ̄l kɛ̄ndɛ̄. Sāŋgālāa̍ chō le̍ Mɛ̄lɛ̄ka̍ Ya̍a̍wɛ̄ɛ̄.