Read Southern Kisi Sa᷅m 114 Bible Online

Sa᷅m 114 - Southern Kisi bible

Sa᷅m 114

¹Mɛ̄ɛ̍ wāŋnda̍ I̍sɔ̄lūɛ̄ī, nda̍ yɔ̍nūŋ māā yu̍ŋgu̍ Che̍kɔ̍pū wo̍ ni̍ ā fūla̍ I̍chi̍pī o̍ kāa̍le̍ che᷅le̍ŋ ni᷄ŋ,

²mi̍ Mɛ̄lɛ̄ka̍ sīīŋgūū lɛ̄ŋndē Chu̍dāle̍ŋ, fo̍ndāŋ ndɔ̍ kāsīo̍o̍, ndu̍yɛ̍ mbo̍ sīīŋgūū lɛ̄ŋndē I̍sɔ̄lūɛ̍i̍le̍ŋ lɛ̄ŋndē o̍ wa᷅ ma̍sāa̍ chōo̍ le̍ŋ.

³Mɛ̄ɛ̍ pēe̍ mɛ̄ŋmā īhɛ᷄llo̍ o̍ chē Mɛ̄lɛ̄ka̍ nyɔ᷅, mbo̍ māl nɛ̄īyo̍. Chɔ̍ɔ̍dāŋ nda̍ŋ bɛ̍ɛ̍, mi̍ mā mūli᷄ŋ he̍e̍lōo̍.

⁴Mi̍ lūāŋūŋ bɛ̄ndo᷄ŋ ŋ̄ hūūlū pe̍su̍ pe̍su̍ mɛ̄ɛ̍ sāā ko̍ndu̍a̍a̍ hūūlū nu̍a̍ā yɛ̍, mi̍ pēmbūŋ pɔ̄mbɔ᷄ŋ ŋ̄ hūūlū mɛ̄ɛ̍ sāā ko̍ndu̍a̍a̍ fɔ̍ŋndu̍a̍a̍ hūūlū nu̍a̍ā yɛ̍.

⁵Nūm pēe̍ mɛ̄ŋmā īhɛ᷄llo̍, ō yɛ̄ɛ̍nɛ̍ yɔ̍nu̍ŋ yɛ̍ ma̍ māl nɛ̄īyo̍? Ndu̍yɛ̍ nūm Chɔ̍ɔ̍dāŋ nda̍ŋ bɛ̍ɛ̍, vɛ᷅ ma̍ mūli᷄ŋ he̍e̍lōo̍?

⁶Nya̍ lūāŋūŋ bɛ̄ndo᷄ŋ, vɛ᷅ mi̍ lā wā hūūlōo̍ mɛ̄ɛ̍ sāā ko̍ndu̍a̍a̍ fɔ̍ŋndu̍a̍a̍ ā hūūlū nu̍a̍ā yɛ̍? Nya̍ pēmbo᷄ŋ, vɛ̍ mi̍ lā wā hūūlōo̍ mɛ̄ɛ̍ sāā fɔ̍ŋndu̍a̍a̍ ā hūūlū nu̍a̍ā yɛ̍?

⁷Māsānɔ̄ɔ̍ Mɛ̄lɛ̄ka̍, o̍ cho̍ Mɛ̄lɛ̄ka̍ yu̍ŋgu̍ Che̍kɔ̍pū wo̍ wo̍, ō chō hūnɔ̄ɔ̍, lɛ̄ŋnde̍ŋ nyi̍i̍ya̍ ndu̍ lāchī.

⁸Ō tōsa̍ mi̍ mɛ̄ŋnda̍ŋ mā fūlā o̍ pōū kālā ka̍lāa̍ ni᷄ŋ, mi̍ mā sīmnu᷄ŋ pe̍ē pɔ̍mbɔ̄ɔ̍. Ndu̍yɛ̍ mbo̍ tōsā mi̍ fo̍ndāŋ lāpōūwo̍ ō sīmnu᷄ŋ pe̍ē hi̍a̍u̍wāa̍.