Read Southern Kisi Sa᷅m 120 Bible Online

Sa᷅m 120 - Southern Kisi bible

Sa᷅m 120

¹I̍ wa̍ o̍ nyɛ̄ pālāā bɛ̄ndōo̍ ni᷄ŋ, mi̍ cha᷅ŋ nāa̍ Mɛ̄lɛ̄ka̍ Ya̍a̍wɛ̄ɛ̄ chu̍a̍ le̍ ya̍ mālāa̍, ndu̍yɛ̍ mbo̍ mūlī ya̍ dīōm.

²O̍o̍ Mɛ̄lɛ̄ka̍ Ya̍a̍wɛ̄ɛ̄, yāndi̍i̍ chi̍i̍ndi̍a̍a̍ ya̍ mā so̍li̍ ya̍ wānāā lāchōōwāa̍, a̍ wānāā hūīyāa̍ ha̍ā o̍ bā.

³Nya̍ wānāā lāchōōwāa̍ ha̍ā, ō yɛ̄ɛ̍nɛ̍ nya̍ yīya̍ŋ yɛ̍ māā Mɛ̄lɛ̄ka̍ chō tōsā a̍ nya̍, ō fūla̍ o̍ nya̍ nyɛ̄ pālāa̍ tūsīo̍o̍ chōo̍ kɔ̍ɔ̍lī?

⁴Ō chō nya̍ vīī vīī a̍ chīŋɔ̍ma̍ sɛ̍ɛ̍mbīa̍ŋ, chīŋɔ̍ma̍ ku̍u̍ba̍a̍ ā sɔ̄ŋgā a̍ ma̍ŋ nda̍ŋ, ndu̍yɛ̍ mbō tōsa̍ mī lā ŋūɛ̄ o̍ dɛ̄ŋgūlta̍ŋ ni᷄ŋ.

⁵Ī chō bɔ̍ɔ̍ su̍ɛ̍i̍ kpūndɛ̍ le̍ ya̍, le̍ nya̍ wāa̍ tɛ̄ɛ̄ŋ, le̍ mi̍ wa᷅ wāŋnda̍ Mɛ̍si̍ɛ̍kī tɛ̍ɛ̄ŋ, ɔ̄ɔ̄ le̍ mi̍ wa᷅ o̍ tɛ̍ndīi̍la̍ wāŋnda̍ Kɛ̍dɛ̄ɛ̄ tɛ̍ɛ̄ŋ.

⁶I̍ vi̍o̍ū ni᷅ŋ bɔ̄ɔ̍ wa᷅ŋnda̍ ha̍ā tɛ̄ɛ̄ŋ, wānāa̍ tu̍l ha̍ā kɔ̄l nyūlōo̍ lēyɛ̄ wa̍.

⁷Ya̍ I̍ cho̍ le̍ kɔ̄l nyūlōo̍. Kɛ̍ tē I̍ di̍mi̍ a̍ kɔ̄l nyūlōo̍ o̍kɔ̄ɔ̄ pɛ̍, nda̍ dīmi̍ a̍ kɔ̄l nyūlōo̍ o̍kɔ̄ɔ̄.