Read Southern Kisi Sa᷅m 122 Bible Online

Sa᷅m 122 - Southern Kisi bible

Sa᷅m 122

¹[99] Mi̍ na᷅ŋ kɔ̄l, mɛ̄ɛ̍ nda̍ dīmu̍l la̍ āā, “Ŋ̄ kɔ̄ŋnu᷅ŋ o̍ chīɛ̍i̍ Mɛ̄lɛ̄ka̍ Ya̍a̍wɛ̄ɛ̄ wo̍.”

²Chūlu̍sɛ̄lɛ̄m, ŋ̄ chō īsīsi̍ o̍ dīōlā sāāsā nu̍mndo̍ kpe̍e̍kpe̍i̍.

³Chūlu̍sɛ̄lɛ̄m, ā chō chi̍e̍e̍ kpāāyā, ndu̍yɛ̍ ma̍ wā chi̍e̍e̍ kɛ̍ndɛ̄ bɛ̄ndū.

⁴Na̍nu᷄ŋ yu̍ŋgu̍la̍ŋ I̍sɔ̄lūɛ̄ī la̍ hu᷅ŋ ni̍, yu̍ŋgu̍la̍ Mɛ̄lɛ̄ka̍ Ya̍a̍wɛ̄ɛ̄ la̍ŋ, le̍ ndu̍ ba̍li̍ka̍a̍ mēllo̍ mɛ̄ɛ̍ sāwāla̍ ndɔ̄la̍ŋ lā dīmi̍ yɛ̍.

⁵Na̍nu᷄ŋ kpe̍ŋgbe̍i̍ lēmāsa̍ ō chō ni̍, le̍ māsāa̍ ki̍ālū ya᷅ma̍ŋ nda̍, kpe̍ŋgbe̍i̍ lēmāsa̍ cho̍ le̍ yu̍ŋgu̍ Dēēvīo̍o̍ wo̍.

⁶Wāŋnda̍ lā pīɛ̍i̍ le̍ mī kɔ̄l nyūlōo̍ ō wa̍ Chūlu̍sɛ̄lɛ̄m, lā dīmi̍ āā, “Mɛ̄lɛ̄ka̍, wānāa̍ ka̍a̍la̍ nu̍mnda̍, mbɔ̄ māā dɛ̍nɛ̍ kɛ̍ndɛ̄ bɛ̄ndōo̍ ō wa̍ le̍ nda̍ fɔ̍.

⁷Mbɔ̄ māā kɔ̄l nyūlōo̍ ō wa̍ Chūlu̍sɛ̄lɛ̄m, ndu̍yɛ̍ wānā o̍ wāna̍ cho̍ o̍ chīɛ̄ī lēmāsāa̍ ni᷄ŋ, mā wa᷄ o̍ bā ndāa̍ chōo̍ yɛ̍lɛ̍kɛ̍lɛ̍ɛ̍ fɔ̍.”

⁸Le̍ sa̍bu̍ wānāya᷅ŋ nūu̍ŋ, ndu̍yɛ̍ a̍ le̍ chāāŋāā nīa̍a̍, I̍ di̍mu̍l Chūlu̍sɛ̄lɛ̄m a̍a̍, “Mbɔ̄ māā kɔ̄l nyūlōo̍ o̍ wa̍ na̍nu᷄ŋ fɔ̍.”

⁹Le̍ sa̍bū yu̍ŋgu̍ Mɛ̄lɛ̄ka̍ Ya̍a̍wɛ̄ɛ̄ wo̍, Mɛ̄lɛ̄ka̍ nāa̍, I̍ cho̍ pīɛ̄īle̍ŋ le̍ mī dɛ̍nɛ̍ kɛ̍ndɔ̄ɔ̍ ō wa̍ Chūlu̍sɛ̄lɛ̄m.