Read Southern Kisi Sa᷅m 123 Bible Online

Sa᷅m 123 - Southern Kisi bible

Sa᷅m 123

¹O̍o̍ Mɛ̄lɛ̄ka̍ Ya̍a̍wɛ̄ɛ̄, I̍ he̍e̍lu̍ hɔ̄lla̍ ɛ̄chɛ̍nɛ̄ mi̍ wa᷅ tōfāa̍ nāa̍ nūm chu̍a̍, nāa̍ ŋ̄ chō īchāli̍ o̍ kpe̍ŋgbe̍i̍ nu̍m lēmāsāa̍ chōo̍ wa̍.

²Mɛ̄ɛ̍ bu̍ɛ̍īyo̍ ō tīīndāŋ nu̍a̍ā wāna̍ ndɔ̄ ba̍nāa̍ le̍ mālāa̍ yɛ̍, ɔ̄ɔ̄ mɛ̄ɛ̍ bu̍ɛ̍ī lāāndōo̍ ō tīīndāŋ nu̍a̍ā wāna̍ ndɔ̄ ba̍nā lāāndōo̍ le̍ ndu̍ mālāa̍ yɛ̍, le̍nde̍ na̍a̍ ŋ̄ chō tōfāa̍ le̍ mālāa̍ nāa̍ nūm chu̍a̍ ni̍ Mɛ̄lɛ̄ka̍ Ya̍a̍wɛ̄ɛ̄, Mɛ̄lɛ̄ka̍ nāa̍, ha̍a̍a̍ mā lo̍ o̍ ko̍ŋ mā tu̍i̍i̍nu̍ŋ na̍a̍ īnyīɛ̍ɛ̍.

³O̍o̍ Mɛ̄lɛ̄ka̍ Ya̍a̍wɛ̄ɛ̄, yāndi̍i̍ tu̍i̍i̍nu̍ŋ na̍a̍ īnyīɛ̍ɛ̍, tu̍i̍i̍nu̍ŋ na̍a̍ īnyīɛ̍ɛ̍ fɔ̍, kāni̍ fo̍ndōle̍, wāŋnda̍ pɛ̄ɛ̄sa̍ na̍a̍ ni᷅ŋ bɔ̄ɔ̍.

⁴Le̍ te̍le̍ŋ vi̍lɛ̄ī ni᷅ŋ, wānāa̍ cho̍ŋnu̍ŋ ā hēu̍ ba̍ le̍ nyɛ̄ o̍ nyɛ̄ le̍ wa̍, ā chō na̍a̍ māmɔ̄ɔ̍, wānāā yɔ̄ŋgāā bɛ̍ndūa̍a̍, ma̍ pɛ̄ɛ̄sā na̍a̍, ma̍ chūā na̍a̍ nyɛ̄ fo̍ndō fu̍u̍.