Read Southern Kisi Sa᷅m 124 Bible Online

Sa᷅m 124 - Southern Kisi bible

Sa᷅m 124

¹[100] Tē Mɛ̄lɛ̄ka̍ Ya̍a̍wɛ̄ɛ̄ ndu̍ o̍o̍ ve̍ a̍ na̍a̍ lātūlu̍ le̍, ī wa̍ lēwɔ̄ū. Wāŋnda̍ I̍sɔ̄lūɛ̄ī lā dīmi̍ āā,

²“Tē Mɛ̄lɛ̄ka̍ Ya̍a̍wɛ̄ɛ̄ ndu̍ o̍o̍ ve̍ a̍ na̍a̍ lātūlu̍ bōōndi̍i̍ ya̍a̍mɔ̍ɔ̍wa̍ a̍ chīŋa̍la᷅ŋ na̍a̍ ve̍ le̍,

³ya̍a̍mɔ̍ɔ̍wa̍ ā wa᷄ na̍a̍ chīī, kāni̍ fo̍ndōle̍, nda̍ a̍a̍ tu̍u̍lu̍ bɔ̄ɔ̍ kɔ᷅l a̍ na̍a̍.

⁴Ā wa̍ na̍a̍ bāsɔ̄ɔ̄ tɛ̍ɛ̍, mɛ̄ɛ̍ mɛ̄ŋmā hūna᷄ŋ mā bāsū nu̍a̍ā nyɔ̄ɔ̍ yɛ̍. Mɛ̄ɛ̍ tīndi̍le̍ mɛ̄ŋmā hūna᷄ŋ lē kūānūŋ nu̍a̍ā a̍ nyɔ̄ɔ̍ wānā chi᷅ lɛ̍ ndu̍ le̍ yɛ̍, le̍nde̍ nda̍ wa̍ na̍a̍ bāsɔ̄ɔ̄ ni̍.”

⁶Lā ŋ̄ mēlnu᷅ŋ Mɛ̄lɛ̄ka̍ Ya̍a̍wɛ̄ɛ̍ ba̍li̍ka̍a̍, kāni̍ fo̍ndōle̍, ndu̍ chi̍i̍ndi̍a̍a̍ na̍a̍ ni̍, ō me᷄l na̍a̍ ya̍a̍mɔ̍ɔ̍wa̍a̍ nāa̍ o̍ bā mā tɛ̄ɛ̄mbu̍u̍ na̍a̍ le̍.

⁷Mɛ̄ɛ̍ yōūwo̍ ō chīndā nu̍a̍ā o̍ yāŋɔ̄ɔ̄le̍ŋ yɛ̍, le̍nde̍ na̍a̍ ŋ̄ chīnda̍ ni̍. Yāŋɔ̄ɔ̄le̍ŋ lē yo᷄m, mi̍ ŋ̄ hīālu᷄ŋ.

⁸Mɛ̄lɛ̄ka̍ Ya̍a̍wɛ̄ɛ̄ o̍ to̍o̍si̍a̍a̍ fo̍ndāŋnda̍ŋ chōo̍ cho̍o̍ a̍ lɛ̄ŋ ndo̍, ndu̍ o̍ bā mālā nāa̍ ō fūlā ni̍.