Read Southern Kisi Sa᷅m 125 Bible Online

Sa᷅m 125 - Southern Kisi bible

Sa᷅m 125

¹Wānāa̍ du̍a̍ū ti̍i̍nda᷄ŋ ndāa̍ o̍ Mɛ̄lɛ̄ka̍ Ya̍a̍wɛ̄ɛ̄ ni̍ŋ nda̍, ā chō māchūāā mɛ̄ɛ̍ Pēmbīī Sa̍a̍yɔ̄ŋnde̍ ī chō nu̍a̍ā yɛ̍, ī hi̍i̍lūŋ te̍, ī chō īsīsi̍ le̍ fɛ̍ɛ̍ŋ a̍ fɛ̍ɛ̍ŋ.

²Mɛ̄ɛ̍ pēmbo᷄ŋ ŋ̄ bālu̍ nu̍a̍ā Chūlu̍sɛ̄lɛ̄m yɛ̍, le̍nde̍ Mɛ̄lɛ̄ka̍ Ya̍a̍wɛ̄ɛ̄ o̍ cho̍ wānāā ndūa̍a̍ māndāa̍ ni̍, chɔ̍ŋ a̍ te̍le̍ŋndo̍ ho̍ō mbō kūɛ̄ a̍ le̍ fɛ̍ɛ̍ŋ a̍ fɛ̍ɛ̍ŋ.

³Wānāā dɛ̍nɛ̍ wɔ̍ɔ̍ŋnda̍, ā hi̍ū la̍chi̍ a̍ wāa̍ lāmāsā wānāa̍ cho̍ sa̍kpō Mɛ̄lɛ̄ka̍ o̍ hɔ̄l la̍ chōo̍ le̍. Kāni̍ fo̍ndōle̍, tē ke̍ŋ yɔ̍nu̍ŋ pɛ̍, wānāa̍ cho̍ sa̍kpō Mɛ̄lɛ̄ka̍ o̍ hɔ̄l la̍ nda̍ bɛ̍ɛ̍, mā wōu̍ bāa̍ o̍ dɛ̍nɛ̍ wɔ̍ɔ̍ŋndo̍ ni᷄ŋ.

⁴O̍o̍ Mɛ̄lɛ̄ka̍ Ya̍a̍wɛ̄ɛ̄, to̍sa̍l wa̍nāā kɛ̄ndīa̍a̍ tōnya̍a̍, wānāa̍ to̍sā nyɛ᷅ sāwāla̍ nu̍mnda̍ŋ lā dīmi̍ wo̍ wa̍.

⁵Kɛ̍ tē a̍ wa̍ wānāā dɛ̍nɛ̍ wɔ̍ɔ̍ŋnda̍ nyɛ̄ pālāa̍ tūsīo̍o̍ chōo̍ pɛ̍, wānāa̍ ma̍l nɛ̄ī nu̍mndo̍ wa̍ bɛ̍ɛ̍, tu̍si̍ nda̍ nyɛ̄ pālāa̍ chōo̍. Mbɔ̄ māā kɔ̄l nyūlōo̍ ō wa̍ I̍sɔ̄lūɛ̄ī fɔ̍.