Read Southern Kisi Sa᷅m 126 Bible Online

Sa᷅m 126 - Southern Kisi bible

Sa᷅m 126

¹Bōōndi̍i̍ Mɛ̄lɛ̄ka̍ Ya̍a̍wɛ̄ɛ̄ o̍ mi̍ŋgi̍ na̍a̍ Chūlu̍sɛ̄lɛ̄m nde̍,[101] ŋ̄ chē ndi̍ bɛ̍ɛ̍ ko̍ māā lɔ̄mā sɔ̄la᷄ŋ ni̍.

²Mi̍ ŋ̄ mām, mi̍ ŋ̄ sōlī chōndo̍ŋ chōo̍ cho̍o̍ a̍ nya̍a̍lo̍o̍. O̍ ko̍ŋ, mi̍ wāŋnda̍ o̍ lɛ̄ŋīī chēle̍ŋnde̍ ni᷄ŋ a̍ di̍mī āā, “Mɛ̄lɛ̄ka̍ Ya̍a̍wɛ̄ɛ̄ o̍ to̍sa̍l wāŋnda̍ ha̍ā sɔ̄ɔ̍ŋ kɔ̄ndɔ̄fi̍li̍ŋ bɛ̄ndū.”

³Ndu̍yɛ̍ māā lāchōōwā bɛ̍ɛ̍, mbo̍ tōsāl na̍a̍ sɔ̄ɔ̍ŋ kɔ̄ndɔ̄fi̍li̍ŋ bɛ̄ndū. Nya̍a̍lo̍o̍ ō wa̍ ō pīāā o̍ kɔ̄ltā nāāla̍ŋ ni᷄ŋ.

⁴O̍o̍ Mɛ̄lɛ̄ka̍ Ya̍a̍wɛ̄ɛ̄, yāndi̍i̍ to̍sa̍ vɛ̍lɛ̄ mī ŋ̄ sɔ̄la̍ dɛ̍nɛ̍ kɛ̍ndɛ̄ bɛ̄ndōo̍, mɛ̄ɛ̍ ŋ̄ tōsā nu̍a̍ā mī mɛ̄ŋnda̍ŋ mā būli̍ o̍ pēēla̍ ve̍lɛ̍i̍la̍ŋ yɛ̍.

⁵To̍sa̍ mī wānāa̍ tɔ᷅l tɔ̄lɔ̄ɔ̄lā ndāla̍ŋ a̍ cha᷄ŋndo̍ le̍ pīɔ̄ɔ̄ lēpɛ̄ŋndo̍ wa̍, mā kēndi̍ tɔ̄lɔ̄ɔ̄lā ndāla̍ŋ a̍ kɔ̄l kɛ̄ndɔ̄ɔ̍.

⁶Wānāa̍ ku̍ā ni̍ŋ a̍ yɛ̄yu̍ŋ ndāa̍ŋ yōndōla̍ŋ ni᷄ŋ a̍ cha᷄ŋndo̍ le̍ tɔ̄lɔ̄ɔ̍ wa̍, tē te̍le̍ŋ ke̍ndīa̍a̍ ō fūūlu̍u̍ pɛ̍, ā wā ni̍ŋ mi̍i̍ŋgōo̍ chi̍e̍e̍ a̍ tɔ̄lɔ̄ɔ̄lā ndāla̍ la̍ŋ a̍ nya̍a̍lo̍o̍, kāni̍ fo̍ndōle̍, tɔ̄lɔ̄ɔ̄lā ndāla̍ŋ lā kūām ni̍ŋ ta̍u̍ ta̍u̍.