Read Southern Kisi Sa᷅m 127 Bible Online

Sa᷅m 127 - Southern Kisi bible

Sa᷅m 127

¹Mɛ̄lɛ̄ka̍ Ya̍a̍wɛ̄ɛ̄ ndu̍ pīlɛ̍ kpe̍ nɔ̍lā ni̍ mbō tāŋgu̍l chīɛ̄īyo̍, tē ō cho̍ ko̍ŋ te̍, wānāā tāŋgūlāa̍ ā sāŋga̍ŋ fo̍ndō fu̍u̍. Mɛ̄lɛ̄ka̍ Ya̍a̍wɛ̄ɛ̄ ndu̍ pīlɛ̍ kpe̍ nɔ̍lā ni̍ mbō mānda̍ chi̍o̍o̍, tē ō cho̍ ko̍ŋ te̍, wānāā mɛ̄ŋgɛ̄lāā nda̍ sīmī le̍ chi̍o̍o̍ māndāa̍ wa̍, ā sāŋga̍ŋ fo̍ndō fu̍u̍.

²Yɔ̄kpā wāŋnda̍ yɔ̄kpā ho̍ō le̍ nyɛ̄ nda̍ dīā wo̍, pāa̍le̍ se᷅l nda̍ o̍ wāla̍ cho̍o̍ le̍ mā chɛ᷄ŋ, ndu̍yɛ̍ mā lo̍ wa̍llo̍ ha̍a̍a̍ mī nyūmnda̍ŋ mā tōl lo̍, tē Mɛ̄lɛ̄ka̍ māla̍ nda̍ le̍, sāŋgā fo̍ndōo̍ ko̍ni̍. Kāni̍ fo̍ndōle̍, Mɛ̄lɛ̄ka̍ Ya̍a̍wɛ̄ɛ̄, wānāā o̍ ka̍a̍la̍ wa̍, māndāa̍ o̍ ma̍ndā nda̍ ni̍.

³Chūāūwa̍, nyɛ̄m ke᷅ŋ Mɛ̄lɛ̄ka̍ Ya̍a̍wɛ̄ɛ̄ o̍ ke̍ wa̍nā wo̍ŋ kpe̍e̍kpe̍i̍ nda̍ chō ni̍, fāndāa̍ kpe̍e̍kpe̍i̍ Mɛ̄lɛ̄ka̍ fāndā wa̍nā a̍ nda̍ ni̍.

⁴Chūāūwāā wāŋndo̍ vīālū ha̍ā o̍ chūā pīāāndūyɛ̍ī ndūɛ̍i̍ ni᷄ŋ nda̍, ā chō māchūāā mɛ̄ɛ̍ ku̍u̍ba̍a̍nɔ̍ɔ̍ nɔ̄ nu̍a̍ā chīŋūa̍ŋ o̍ bā yɛ̍.

⁵Wāna̍ nɔ᷅ ho̍ō chīŋɔ̍ma̍ wa̍ā le̍nde̍ o̍ bɔ̄lɔ̍ ndɔ̍ māchīŋɔ̍ɔ̍ ni᷅ŋ ma̍ pi̍a̍ā cha̍ wo̍, ō pɛ̄l tɔ̄nɔ̄ɔ̍. Wānā wa̍ā le̍nde̍, ā yɔ̄ŋ bɛ̍ɛ̍ mī ya̍a̍mɔ̍ɔ̍wa̍ ā chīŋa̍la᷅ŋ ndu̍ nāa̍ nda̍ kɔ̄ɔ̄sā a̍ wāŋnda̍ o̍ dīōlā sāāsa̍ chi̍o̍o̍ wa̍, ya̍a̍mɔ̍ɔ̍wa̍a̍ ka̍ŋ ā nɔ̍lā ndu̍ yōmɔ̄ɔ̄ le̍.