Read Southern Kisi Sa᷅m 128 Bible Online

Sa᷅m 128 - Southern Kisi bible

Sa᷅m 128

¹Wānāa̍ nɔ̍ ha̍ā sīōōŋīi̍ Mɛ̄lɛ̄ka̍ Ya̍a̍wɛ̄ɛ̄ ve̍, mā tōsā nyɛ᷅ sāwāla̍ ndɔ̄la̍ŋ lā dīmī wo̍ wa̍, ā pɛ̄l tɔ̄nɔ̄ɔ̍.

²Wānāa̍ wāā le̍nde̍, dīo̍o̍ nda̍ dīā sa̍ŋgā ndāa̍ tɔ̄nɔ̄ ni̍, wāa̍ nda̍ wā a̍ kɔ̄l kɛ̄ndɛ̄ te̍le̍ŋ o̍ te̍le̍ŋ ni̍, ndu̍yɛ̍ mī dɛ̍nɛ̍ kɛ̍ndɛ̄ bɛ̄ndōo̍ ō wa̍ le̍ nda̍.

³Wānāā wāā le̍nde̍, mɛ̄ɛ̍ yɔ̄m mākīle̍pīi̍yo̍ ō wā nu̍a̍ā le̍ te̍le̍ŋ o̍ te̍le̍ŋ kōmɔ̄ɔ̍ yɛ̍, le̍nde̍ lāāndāā ndāa̍ ā wā ni̍. Mɛ̄ɛ̍ yɔ̄m ɔ̄li̍fīi̍ fɔ̍ŋndɔ̍ɔ̍ ō wā nu̍a̍ā mbō kūām ɔ̄li̍fīi̍ya̍ŋ ta̍u̍ ta̍u̍ yɛ̍, le̍nde̍ chūāūwāā ndāa̍ ā wā ti̍bīi̍ ndāa̍ ā bālāā te̍le̍ŋ o̍ te̍le̍ŋ ni̍.

⁴Wānāa̍ nɔ̍ sīōōŋīi̍ Mɛ̍lɛ̄ka̍ Ya̍a̍wɛ̄ɛ̄ ve̍ wa̍, tɔ̄nɔ̄la̍ wa᷅ le̍ nda̍ la̍ŋ, la̍ŋ la̍ cho̍ la̍ŋ ni̍.

⁵Mbɔ̄ māā Mɛ̄lɛ̄ka̍ Ya̍a̍wɛ̄ɛ̄, o̍ cho̍ o̍ Pēmbīī Sa̍a̍yɔ̄ŋnde̍ chōo̍ wo̍ ō hīo̍u̍ la̍chi̍ a̍ nya̍ sa̍lāa̍ dɔ̄wɔ̄ɔ̍ fɔ̍. Mbɔ̄ māā dɛ̍nɛ̍ kɛ̍ndɛ̄ bɛ̄ndōo̍, ō wa᷄ Chūlu̍sɛ̄lɛ̄m ha̍a̍a̍ a̍ te̍le̍ŋ nya̍ chō yōōmū wo̍ fɔ̍.

⁶Mbɔ̄ māā lā vīo̍u̍ yo̍o̍mū mī lā chē chūāūwāā nyāā ma̍māa̍ fɔ̍. Mbɔ̄ māā kɔ̄l nyūlōo̍ ō wa̍ I̍sɔ̄lūɛ̄ī fɔ̍.