Read Southern Kisi Sa᷅m 129 Bible Online

Sa᷅m 129 - Southern Kisi bible

Sa᷅m 129

¹I̍sɔ̄lūɛ̄ī, di̍mu̍l wa᷅ŋnda̍ a̍ mɛ̄ɛ̍ ya̍a̍mɔ̍ɔ̍wa̍a̍ nu̍mnda̍ ā tūsi̍ nu̍m nyɛ̄ pālāa̍ chōo̍ chɔ̍ŋ a̍ te̍le̍ŋ ŋ̄ wa̍ chūā pīāāndū wo̍ yɛ̍. Di̍mi̍ āā,

²“Chɔ̍ŋ a̍ te̍le̍ŋ ya̍ I̍ wa̍ chūā pīāāndū wo̍ ha̍a̍a̍ a̍ te̍le̍ŋndo̍ ho̍ō, ya̍a̍mɔ̍ɔ̍wa̍a̍ nīa̍a̍ ā chō ya̍ nyɛ̄ pālāa̍ tūsīo̍o̍ chōo̍, kɛ̍ ā nɔ̄la̍ ya̍ yōmɔ̄ɔ̄ le̍.

³Kɔ̄ɔ̍ kīōlu̍ ya̍ ma̍la̍ ma̍la̍, mɛ̄ɛ̍ wāŋndo̍ ō wūsūŋā nu̍a̍ā lɛ̄ŋnde̍ŋ a̍ dɛ̍ndɛ̄ wāa̍ yɛ̍.”

⁴Kɛ̍ Mɛ̄lɛ̄ka̍ Ya̍a̍wɛ̄ɛ̄, o̍ cho̍ wānā sa̍kpōo̍ wo̍, ō kēlū ya̍ o̍ yōōle̍ŋ wānāā dɛ̍nɛ̍ wɔ̍ɔ̍ŋnda̍ o̍ bā.

⁵Wānāa̍ tu̍l Sa̍a̍yɔ̍ŋ yɛ̍le̍ŋ nda̍ ki̍nɛ̍i̍, mbɔ̄ māā si̍ɔ̍mbu̍la̍ŋ lā bīi̍ nda̍ mā mīīŋgu̍ a̍ mākɔ̄ɔ̄ fɔ̍.

⁶Mbɔ̄ māā ā yɔ̄nu̍ŋ mɛ̄ɛ̍ bīllo̍ wūl nu̍a̍ā o̍ chīɛ̄īyo̍ chōo̍, tē ō kāndu̍ dɔ̍ɔ̍ hīndɔ̄ɔ̍ pɛ̍ ō vēsa̍ŋ yɛ̍ fɔ̍.

⁷Bīl wāā le̍nde̍, wāŋnda̍ ki̍lū ndu̍ mɛ̄ɛ̍ nda̍ kīālū nu̍a̍ā tɔ̄lɔ̄ɔ̍ mā yīi̍ ndu̍ kpɔ̄ŋnda̍ŋ yɛ̍ le̍.

⁸Wānā o̍ wāna̍ wa᷅ ni̍ŋ hi̍o̍u̍wɔ̄ɔ̍, mbɔ̄ māā ā du̍a̍ū nya̍ sa̍lā, mā dīmi̍ āā, “Mɛ̄lɛ̄ka̍ Ya̍a̍wɛ̄ɛ̄, o̍ dɔ̍u̍ nya̍ sa̍lā. Ŋ̄ dɔ̄ū nya̍ sa̍lā sa̍na̍a̍ a̍ dīōla̍ Mɛ̄lɛ̄ka̍ Ya̍a̍wɛ̄ɛ̄ la̍ŋ ni᷄ŋ,” te̍ fɔ̍.