Read Southern Kisi Sa᷅m 130 Bible Online

Sa᷅m 130 - Southern Kisi bible

Sa᷅m 130

¹I̍ cho̍ o̍ nyɛ̄ pālāā bɛ̄ndōo̍ ni᷄ŋ, mi̍ wa᷅ Mɛ̄lɛ̄ka̍ Ya̍a̍wɛ̄ɛ̍ pīɛ̄īyo̍.

²O̍o̍ Māsānɔ̄ɔ̍ Mɛ̄lɛ̄ka̍, ya̍ŋ ya̍ nīla̍ŋ, mā tūēī pīɛ̄īlē ya̍ I̍ cho̍ nu̍m le̍ mā tu̍i̍i̍nu̍ŋ ya̍ īnyīɛ̍ɛ̍ le̍ŋ.

³Mɛ̄lɛ̄ka̍ Ya̍a̍wɛ̄ɛ̄, tē nūm o̍o̍ wa̍ yɔ̄ŋndā nāāla̍ wɔ̍ɔ̍ŋnda̍ŋ pōōnyīa̍a̍ pɛ̍ mā kɛ̄sī ko̍na̍ ko̍ŋ, ō nɛ̄ɛ̍nɛ̍ ndu̍ o̍o̍ nɔ̍lā yɛ̍ mī ndu̍ o̍o̍ fu̍la̍ lēni᷄ŋ?

⁴Kɛ̍ mā ma̍l na̍a̍ le̍ yɔ̄ŋndā wɔ̄ɔ̍ŋndā na̍a̍ ŋ̄ tōsā la̍ŋ, le̍ mā to̍sa̍ mī sīōōŋnde̍ wa̍ na̍a̍ a̍ nūm.

⁵I̍ cho̍ Mɛ̄lɛ̄ka̍ Ya̍a̍wɛ̄ɛ̍ chūmndo̍ a̍ kɔ̄l nūu̍ kpo̍u̍, le̍ mbō māla̍ ya̍. Ndu̍yɛ̍ I̍ dɔ̍ū tīīnda᷄ŋ nūu̍ o̍ dīōmndā ndɔ̄la̍ŋ ni᷄ŋ.

⁶I̍ cho̍ Māsānɔ̄ɔ̍ Mɛ̄lɛ̄ka̍ chūmndo̍ a̍ kɔ̄l nūu̍ kpo̍u̍, le̍ mbō māla̍ ya̍. I̍ cho̍ ndu̍ chūmndo̍, ō hīōū bɛ̍ɛ̍ mɛ̄ɛ̍ wānā mɛ̍ŋgɛ̄lāa̍ ō wā nu̍a̍ā chūmndo̍ le̍ pāa̍le̍ si̍a̍āle̍ŋ yɛ̍. Ō hīōū mɛ̄ɛ̍ wānā mɛ̍ŋgɛ̄lāa̍ ō wā nu̍a̍ā chūmndo̍, le̍ mī pāa̍le̍ŋ lē ke̍le̍ŋa̍ sīɔ̄ yɛ̍.

⁷O̍o̍ wāŋnda̍ I̍sɔ̄lūɛ̄ī, lā dɔ̄u̍ ti̍i̍nda᷄ŋ nyāa̍ o̍ Mɛ̄lɛ̄ka̍ Ya̍a̍wɛ̄ɛ̄ ni̍ŋ. Kāni̍ fo̍ndōle̍, kāālā ndɔ̍ cho̍ le̍ te̍le̍ŋ o̍ te̍le̍ŋ ndo̍, ō chō le̍ fɛ̍ɛ̍ŋ a̍ fɛ̍ɛ̍ŋ. Ndu̍yɛ̍ le̍ te̍le̍ŋ o̍ te̍le̍ŋ, ō chō ō bɛ̍ɛ̍ndīa̍ŋ le̍ na̍a̍ chīīndīa̍a̍.

⁸Ō chō wānāā ndūa̍a̍ I̍sɔ̄lūɛ̄ī chīīndīāā, mbō sōli̍ nda̍ o̍ yɔ̄ŋ wɔ̄ɔ̍ŋ o̍ yɔ̄ŋ wɔ̄ɔ̍ŋ nda̍ chō ni᷄ŋ.