Read Southern Kisi Sa᷅m 131 Bible Online

Sa᷅m 131 - Southern Kisi bible

Sa᷅m 131

¹[102] O̍o̍ Mɛ̄lɛ̄ka̍ Ya̍a̍wɛ̄ɛ̍, ya̍ I̍ cho̍ wa᷅na̍ yōŋgā le̍, I̍ cho̍ wa᷅na̍ hɔ̄lāā hēēlāā le̍. I̍ he̍u̍ ba̍ le̍ sɔ̄ɔ̍ŋ bɛ̍ndūŋ wāŋnda̍ tōsā wo̍ŋ, kɛ̄lɛ̄ŋgāā sɔ̄ɔ̍ŋ kɔ̄ndɔ̄fi̍li̍ŋ nda̍ tōsā wo̍ŋ tōsā le̍.

²I̍ hi̍ni̍ kɔ̄l a̍ nyɛ̄ o̍ nyɛ̄, ndu̍yɛ̍ I̍ cho̍ a̍ kɔ̄l nyūlū. Mɛ̄ɛ̍ chɛ̄lɛ̍kpɛ̍ le̍ndōo̍ ō wā nu̍a̍ā wūɛ̄īyo̍ mbō hīni̍ŋ o̍ mɛ̄ɛ̄le̍ŋ bɛ̄ŋgu̍ kpɛ̍ yɛ̍, le̍nde̍ kɔ̄llo̍ ō chō ya̍ ni᷄ŋ o̍ nyu̍lū vi̍li̍ ni̍.

³Wāŋnda̍ I̍sɔ̄lūɛ̄ī, lā dɔ̄u̍ ti̍i̍nda᷄ŋ nyāa̍ o̍ Mɛ̄lɛ̄ka̍ Ya̍a̍wɛ̄ɛ̄ ni̍ŋ, chɔ̍ŋ a̍ te̍le̍ŋndo̍ ho̍ō mbō kūɛ̄ a̍ le̍ fɛ̍ɛ̍ŋ a̍ fɛ̍ɛ̍ŋ.