Read Southern Kisi Sa᷅m 133 Bible Online

Sa᷅m 133 - Southern Kisi bible

Sa᷅m 133

¹[103] Ī chō bɔ̄ɔ̍ su̍ɛ̍i̍ kɛ̍ndɛ̄ī bɛ̄ndū le̍ wānāa̍ Mɛ̄lɛ̄ka̍a̍ wāa̍ dīōm pīlɛ̍ māā pɔ̄mbūa̍a̍ a̍ bɛ̄ndūa̍a̍.

²Ī chō māchūāā māā chūɛ̄īmā ba̍ā kālāmā nda̍ tāla̍ E̍lɔ̄ŋ o̍ lēbōl o̍ ndu̍ hɛ̄līo̍o̍, mi̍ mā kēēku̍ ndu̍ o̍ sīɛ̍i̍ye̍, mi̍ mā tālā o̍ dōma̍ ndɔ̄ɔ̍ bo̍lōla̍ŋ nda̍ŋ.

³Wānāa̍ Mɛ̄lɛ̄ka̍a̍ wāa̍ dīōm pīlɛ̍, ī chō māchūāā mɛ̄ɛ̍ mɔ᷄mndo̍ ō chāŋ nu̍a̍ā o̍ Pēmbīī Ha̍mɔ̄ŋnde̍ chōo̍, mbō chūchū o̍ pēmbūŋ Sa̍a̍yɔ̄ŋndo̍ŋ chōo̍ yɛ̍. Kāni̍ fo̍ndōle̍, Sa̍a̍yɔ̄ŋ, lo̍ŋ Mɛ̄lɛ̄ka̍ Ya̍a̍wɛ̄ɛ̄ o̍ chūe̍l wānāā ndūa̍a̍ būŋgɛ̄i̍ le̍ nda̍ sa̍lāa̍ dɔ̄wɔ̄ɔ̍ ni̍, ndu̍ yɔ̍nūŋ ni̍ māā yōōmū kpe̍e̍kpe̍i̍yo̍ nda̍ kīo̍o̍, o̍ nɔ̍ la̍mɛ̍ɛ̍lu̍ le̍ wo̍.