Read Southern Kisi Sa᷅m 136 Bible Online

Sa᷅m 136 - Southern Kisi bible

Sa᷅m 136

¹Lā me᷄l Mɛ̍lɛ̄ka̍ Ya̍a̍wɛ̄ɛ̍ ba̍li̍ka̍a̍, kāni̍ fo̍ndōle̍, ō chō wānā kɛ̍ndɛ̄. Kāālā ndɔ̍ cho̍ le̍ te̍le̍ŋ o̍ te̍le̍ŋ ndo̍, chō le̍ fɛ̍ɛ̍ŋ a̍ fɛ̍ɛ̍ŋ.

²Lā me᷄l Mɛ̍lɛ̄ka̍ ba̍li̍ka̍, o̍ hi̍o̍ū mɛ̄lɛ̄ka̍a̍ kpo̍u̍ wo̍. Kāālā ndɔ̍ cho̍ le̍ te̍le̍ŋ o̍ te̍le̍ŋ ndo̍, chō le̍ fɛ̍ɛ̍ŋ a̍ fɛ̍ɛ̍ŋ.

³Lā me᷄l ma᷅sa̍ hi̍o̍ū māsāa̍ kpo̍u̍ wo̍ ba̍li̍ka̍. Kāālā ndɔ̍ cho̍ le̍ te̍le̍ŋ o̍ te̍le̍ŋ ndo̍, chō le̍ fɛ̍ɛ̍ŋ a̍ fɛ̍ɛ̍ŋ.

⁴Ndu̍ pīlɛ̍ kpe̍ nɔ̍lā ni̍ mbō tōsa̍ sɔ̄ɔ̍ŋ kɔ̄ndɔ̄fi̍li̍ŋ bɛ̄ndo᷄ŋ. Kāālā ndɔ̍ cho̍ le̍ te̍le̍ŋ o̍ te̍le̍ŋ ndo̍, chō le̍ fɛ̍ɛ̍ŋ a̍ fɛ̍ɛ̍ŋ.

⁵A̍ kɔ̄l kālu̍ ndɔ̄ɔ̍, mbo̍ tōōsīāā ha̍la̍a̍, a̍ nyɛ᷄m cho̍ o̍ ha̍la̍a̍ ni᷄ŋ chōo̍ cho̍o̍ wo̍ŋ. Kāālā ndɔ̍ cho̍ le̍ te̍le̍ŋ o̍ te̍le̍ŋ ndo̍, chō le̍ fɛ̍ɛ̍ŋ a̍ fɛ̍ɛ̍ŋ.

⁶Mbo̍ nɔ̄lā mbo̍ tāŋgūl chi̍e̍ēŋndo̍ o̍ mɛ̄ŋnda̍ŋ chōo̍. Kāālā ndɔ̍ cho̍ le̍ te̍le̍ŋ o̍ te̍le̍ŋ ndo̍, chō le̍ fɛ̍ɛ̍ŋ a̍ fɛ̍ɛ̍ŋ.

⁷Mbo̍ tōōsīāā pāa̍le̍ŋ a̍ pāŋge̍i̍ le̍ nyɛ̄ wa̍wo̍ŋndo̍ yɔ̄ŋgōo̍. Kāālā ndɔ̍ cho̍ le̍ te̍le̍ŋ o̍ te̍le̍ŋ ndo̍, chō le̍ fɛ̍ɛ̍ŋ a̍ fɛ̍ɛ̍ŋ.

⁸Mi̍ pāa̍le̍ŋ le̍ŋ le̍ wa᷅ le̍ nyɛ̄ wa̍wo̍ŋndo̍ yɔ̄ŋgōo̍ īpāla̍. Kāālā ndɔ̍ cho̍ le̍ te̍le̍ŋ o̍ te̍le̍ŋ ndo̍, chō le̍ fɛ̍ɛ̍ŋ a̍ fɛ̍ɛ̍ŋ.

⁹Mi̍ pāŋge̍i̍ a̍ lōo̍ŋ mu̍ŋ wa᷅ le̍ nyɛ̄ wa̍wo̍ŋndo̍ yɔ̄ŋgōo̍ īchɔ̄l. Kāālā ndɔ̍ cho̍ le̍ te̍le̍ŋ o̍ te̍le̍ŋ ndo̍, chō le̍ fɛ̍ɛ̍ŋ a̍ fɛ̍ɛ̍ŋ.

¹⁰Mbo̍ lō o̍ ko̍ŋ mbo̍ dīū chūāūwāā pi̍a̍a̍ndūāā tāsi̍a̍a̍ wāŋnda̍ I̍chi̍pī kpo̍u̍. Kāālā ndɔ̍ cho̍ le̍ te̍le̍ŋ o̍ te̍le̍ŋ ndo̍, chō le̍ fɛ̍ɛ̍ŋ a̍ fɛ̍ɛ̍ŋ.

¹¹Mbo̍ sōlī wāŋnda̍ I̍sɔ̄lūɛ̄ī o̍ lɛ̄ŋndē I̍chi̍pīle̍ŋ ni᷄ŋ. Kāālā ndɔ̍ cho̍ le̍ te̍le̍ŋ o̍ te̍le̍ŋ ndo̍, chō le̍ fɛ̍ɛ̍ŋ a̍ fɛ̍ɛ̍ŋ.

¹²A̍ kpāāyā ndɔ̄ bɛ̍ndōo̍, ndu̍yɛ̍ a̍ dīāllūŋ ndɔ̄ɔ̍ŋ ka̍la᷄ŋ o̍ so̍li̍ nda̍ lo̍ŋ ni̍. Kāālā ndɔ̍ cho̍ le̍ te̍le̍ŋ o̍ te̍le̍ŋ ndo̍, chō le̍ fɛ̍ɛ̍ŋ a̍ fɛ̍ɛ̍ŋ.

¹³Mbo̍ lō o̍ ko̍ŋ mbo̍ pīɔ̄ū Pēē Si̍a̍ŋā Mɛ̄ŋmā Īhɛ᷄llo̍ tɛ̄ɛ̄ŋ kpa̍la̍ le̍ mā tāŋ. Kāālā ndɔ̍ cho̍ le̍ te̍le̍ŋ o̍ te̍le̍ŋ ndo̍, chō le̍ fɛ̍ɛ̍ŋ a̍ fɛ̍ɛ̍ŋ.

¹⁴Mbo̍ kēēkū a̍ wānāā ndūa̍a̍ o̍ pēē ko̍ŋ tɛ̄ɛ̄ŋ o̍ lɛ̄ŋndē vēsɛ̍i̍le̍ŋ chōo̍ ma̍ tāŋ. Kāālā ndɔ̍ cho̍ le̍ te̍le̍ŋ o̍ te̍le̍ŋ ndo̍, chō le̍ fɛ̍ɛ̍ŋ a̍ fɛ̍ɛ̍ŋ.

¹⁵Kɛ̍ māsā bɛ̍ndōo̍ I̍chi̍pī nda̍ so̍vɛ̄i̍ya̍a̍ nda̍ nda̍, mbo̍ tōsā ma̍ lō o̍ Pēē Si̍a̍ŋā Mɛ̄ŋmā Īhɛ᷄llo̍ ni᷄ŋ. Kāālā ndɔ̍ cho̍ le̍ te̍le̍ŋ o̍ te̍le̍ŋ ndo̍, chō le̍ fɛ̍ɛ̍ŋ a̍ fɛ̍ɛ̍ŋ.

¹⁶Mbo̍ kēēkū a̍ wānāā ndūa̍a̍ o̍ lɛ̄ŋndē po̍lte̍ŋ ni᷄ŋ. Kāālā ndɔ̍ cho̍ le̍ te̍le̍ŋ o̍ te̍le̍ŋ ndo̍, chō le̍ fɛ̍ɛ̍ŋ a̍ fɛ̍ɛ̍ŋ.

¹⁷Mbo̍ dīū māsāā bɛ̍ndūāā kpāāyāa̍ wa̍ nda̍ lāchī wa̍. Kāālā ndɔ̍ cho̍ le̍ te̍le̍ŋ o̍ te̍le̍ŋ ndo̍, chō le̍ fɛ̍ɛ̍ŋ a̍ fɛ̍ɛ̍ŋ.

¹⁸Mbo̍ dīū māsāa̍ tɔ̍ɔ̍wa̍a̍ bɛ̍ndūa̍a̍. Kāālā ndɔ̍ cho̍ le̍ te̍le̍ŋ o̍ te̍le̍ŋ ndo̍, chō le̍ fɛ̍ɛ̍ŋ a̍ fɛ̍ɛ̍ŋ.

¹⁹Nda̍ yɔ̍nūŋ ni̍ māā Si̍hɔ̄ŋ, māsa̍ A̍mɔ̍lu̍a̍i̍tīi̍ya̍, a̍ Ɔ̍kū, māsāa̍ le̍ Ba̍a̍sīāŋ. Kāālā ndɔ̍ cho̍ le̍ te̍le̍ŋ o̍ te̍le̍ŋ ndo̍, chō le̍ fɛ̍ɛ̍ŋ a̍ fɛ̍ɛ̍ŋ.

²¹Mbo̍ kē wāŋnda̍ I̍sɔ̄lūɛ̄ī lɛ̄ŋīī māsāa̍ ha̍ā ā wa̍ chōo̍ ve̍ nyɛ̄ ndā. Kāālā ndɔ̍ cho̍ le̍ te̍le̍ŋ o̍ te̍le̍ŋ ndo̍, chō le̍ fɛ̍ɛ̍ŋ a̍ fɛ̍ɛ̍ŋ.

²²Mbo̍ kē wāŋnda̍ I̍sɔ̄lūɛ̄ī lɛ̄ŋīī kēŋ, māā nyɛ̄m nda̍ ŋ̄kɛ᷅. Kāālā ndɔ̍ cho̍ le̍ te̍le̍ŋ o̍ te̍le̍ŋ ndo̍, chō le̍ fɛ̍ɛ̍ŋ a̍ fɛ̍ɛ̍ŋ.

²³Bōōndi̍i̍ ya̍a̍mɔ̍ɔ̍wa̍a̍ nāa̍ ā yēm na̍a̍ ve̍, mbo̍ lōōnu᷄ŋ a̍ na̍a̍. Kāālā ndɔ̍ cho̍ le̍ te̍le̍ŋ o̍ te̍le̍ŋ ndo̍, chō le̍ fɛ̍ɛ̍ŋ a̍ fɛ̍ɛ̍ŋ.

²⁴Mbo̍ chīīndīāā na̍a̍ ya̍a̍mɔ̍ɔ̍wa̍a̍ nāa̍ o̍ bā. Kāālā ndɔ̍ cho̍ le̍ te̍le̍ŋ o̍ te̍le̍ŋ ndo̍, chō le̍ fɛ̍ɛ̍ŋ a̍ fɛ̍ɛ̍ŋ.

²⁵Nyɛ̄ o̍ nyɛ̄ cho̍ nyɛ̄ yōōmāā, ndu̍ ke᷅ nda̍ kpo̍u̍ nyɛ̄ dīa̍a̍ ni̍. Kāālā ndɔ̍ cho̍ le̍ te̍le̍ŋ o̍ te̍le̍ŋ ndo̍, chō le̍ fɛ̍ɛ̍ŋ a̍ fɛ̍ɛ̍ŋ.

²⁶Lā me᷄l Mɛ̍lɛ̄ka̍ o̍ cho̍ ɛ̄chɛ̍nɛ̄ wo̍ ba̍li̍ka̍a̍. Kāālā ndɔ̍ cho̍ le̍ te̍le̍ŋ o̍ te̍le̍ŋ ndo̍, chō le̍ fɛ̍ɛ̍ŋ a̍ fɛ̍ɛ̍ŋ.