Read Southern Kisi Sa᷅m 142 Bible Online

Sa᷅m 142 - Southern Kisi bible

Sa᷅m 142

¹[108] I̍ cho̍ Mɛ̄lɛ̄ka̍ Ya̍a̍wɛ̄ɛ̍ pīɛ̄īle̍ŋ chōo̍ cho̍o̍ kpe̍le̍ŋ, le̍ mbō māla̍ ya̍. I̍ cho̍ ndu̍ nyɔ̄ɔ̄lōo̍ le̍ mbō māla̍ ya̍.

²I̍ cho̍ ŋɔ̄ɔ̄cha᷄ŋndo̍ nāa̍ Mɛ̄lɛ̄ka̍ chūā. I̍ cho̍ ndu̍ dɛ̍nɛ̍ pa̍lāa̍ cho̍ ya̍ chōo̍ ki̍nɛ̍i̍ yo̍ chɔ̄mndo̍.

³Tē kɔ̄l nūu̍ ō tāmbu̍ tāmbi̍i̍ bɛ̍ndūe̍i̍ pɛ̍, nūm Mɛ̄lɛ̄ka̍ nu᷄m si̍nā a̍ ya̍ o̍kɔ̄ɔ̄ ni̍. Ya̍a̍mɔ̍ɔ̍wa̍ ā lo̍ o̍ ko̍ŋ ma̍ yēŋ ya̍ yāŋɔ̄ɔ̄la̍ŋ nāa̍ ya̍ I̍ ke̍ī ya̍ kpe̍e̍kpe̍i̍.

⁴I̍ mɛ̍ɛ̍nda᷄ŋ ba̍ā, mi̍ mɛ̍ɛ̍nda᷄ŋ ba̍ā, kɛ̍ I̍ sɔ̍la̍ wāna̍ ma̍lā ya̍ wo̍ le̍, wānā o̍ wānā si̍nā a̍ ya̍ le̍. Wānā o̍ wānā cho̍ mbō mānda̍ ya̍ le̍. Wānā o̍ wānā bu̍u̍la̍ŋ a̍ ya̍ le̍.

⁵Mɛ̄lɛ̄ka̍ Ya̍a̍wɛ̄ɛ̄, I̍ cho̍ nu̍m dīōmndo̍ nyūnāa̍ le̍ mā ma̍la̍ ya̍. Nyɛ̄ kōŋ ya̍ I̍ di̍mi̍ ni̍ a̍a̍, “Nu᷄m cho̍ wāna̍ ma̍ndā ya̍ wo̍ ni̍. Nyɛ̄ o̍ nyɛ̄ ya̍ I̍ ha̍u̍ bā o̍ yōōmū nūu̍ ni᷄ŋ, nu̍m ke̍ ya̍ ni̍.”

⁶Tu̍e̍i̍ pi̍ɛ̍i̍lē nīle̍ŋ Mɛ̄lɛ̄ka̍. Kāni̍ fo̍ndōle̍, kɔ̄l nūu̍ ō tāmbu̍ ō bɔ̄ɔ̍. Chi̍i̍ndi̍a̍a̍ ya̍ ya̍a̍mɔ̍ɔ̍wa̍a̍ nīa̍a̍ cho̍ ya̍ nyɛ̄ pālāa̍ tūsīo̍o̍ chōo̍ wa̍ o̍ bā, kāni̍ fo̍ndōle̍, ā hīōū ya̍ māyōōmū.

⁷So̍li̍ ya̍ o̍ kpɔ̍kɔ̍si̍ yōōmū nūu̍ ō chō ni᷄ŋ ndo̍ Mɛ̄lɛ̄ka̍. O̍ ko̍ŋ, mī nɔ̍la̍ mī sa̍ŋga̍la̍ nu̍m wānāā nūmnda̍ tɛ̄ɛ̄ŋ, tē ā chūūŋgi̍āŋ le̍ nu̍m sōōlūūwo̍ pɛ̍, kāni̍ fo̍ndōle̍, le̍ mɛ̄ɛ̍ ŋ̄ chō wānā kɛ̍ndɛ̄ nāa̍ ya̍ chu̍a̍ yɛ̍.