Read Southern Kisi Sa᷅m 15 Bible Online

Sa᷅m 15 - Southern Kisi bible

Sa᷅m 15

¹[12] O̍o̍ Mɛ̄lɛ̄ka̍ Ya̍a̍wɛ̄ɛ̄, ō nɛ̄ɛ̍ni̍a̍ā ŋ̄ chɛ̄l lɛ̍ mā lūɛ̄ī o̍ chīɛ̄ī nu̍m Mɛ̄lɛ̄ka̍a̍ ni᷄ŋ? Pēmbīī Sa̍a̍yɔ̄ŋ īkāsīī nūmnde̍, ō nɛ̄ɛ̍ni̍a̍ā ŋ̄ chɛ̄l lɛ̍ mā wa̍ lēchōo̍ mā sōōlu̍u̍ nu̍m?

²Wānāā Mɛ̄lɛ̄ka̍ chɛ̄l la̍ nda̍ cho̍ ha̍ā ni̍. Wānāa̍ to̍sā nyɛ᷅ bɛ̍ndā Mɛ̄lɛ̄ka̍ o̍ hɔ̄l lo̍ wa̍, a̍ to̍sā su̍ɛ̍i̍ cho̍ sa̍kpō, ndu̍yɛ̍ mā dīmī to᷅nya̍a̍ chɔ̄nɔ᷄ŋndo̍ o̍ kɔ̄llo̍ ni᷄ŋ di̍ wa̍.

³Wānāā Mɛ̄lɛ̄ka̍ chɛ̄l lo̍ŋ nda̍ ā be̍lū cho̍ōla̍ŋ dīmīo̍o̍ a̍ chāāŋnda̍ o̍kɔ̄ɔ̄ le̍, ā to̍sā dɛ̍nɛ̍ wɔ̍ɔ̍ŋ a̍ chāāŋāā ndāa̍ le̍, ndu̍yɛ̍ ā be̍lū a̍ chāāŋāā ndāa̍ o̍ sōndō le̍.

⁴Ndu̍yɛ̍ mɛ̄ɛ̍ Mɛ̄lɛ̄ka̍ pɛ̄ɛ̄sa̍ wāna̍ dɛ̍nɛ̍ wɔ̍ɔ̍ŋndo̍ yɛ̍, nda̍ bɛ̍ɛ̍ le̍nde̍ nda̍ pɛ̄ɛ̄sa̍ wāna̍ dɛ̍nɛ̍ wɔ̍ɔ̍ŋndo̍ ni̍. Kɛ̍ ndu̍yɛ̍ mā ke̍ wānāa̍ ke᷅ Mɛ̄lɛ̄ka̍ Ya̍a̍wɛ̄ɛ̄ bɛ̄ɛ̄le̍ŋ nda̍, bɛ̄ɛ̄le̍ŋ. Wānāā wāā le̍nde̍ tē ā chu̍a̍ būŋgɛ̄i̍ le̍ sūɛ̍i̍ tōsāa̍ pɛ̍, tōsāa̍ nda̍ tōsā nyɛ᷅ nda̍ chu̍a̍ ko̍ŋ bu̍ŋgɛ̄i̍ yo̍ ni̍, nda̍ pi̍la̍ ā lūɛ̄īnu᷄ŋ ma̍lu̍ɛ̍i̍na᷄ŋ chōo̍.

⁵Wānāā wāā le̍nde̍ ā ho᷄l bɛ̍ɛ̍ wa᷅ŋndo̍ kūo̍o̍, ā ho᷅l ba̍na̍sīi̍ le̍cho̍ō le̍, a̍ bi̍ī lu̍ɛ̍i̍yɔ̄ɔ̄ ni᷄ŋ le̍ wāna̍ nɔ̍ di̍o̍o̍ wo̍ yāālā le̍. Wānāa̍ to̍sā sɔ̍ɔ̍ŋ kɛ̍ndɛ̄ŋ wāā nu̍a̍ā wa̍, nyɛ̄ o̍ nyɛ̄ hi̍i̍lūū ya̍ le̍.