Read Southern Kisi Sa᷅m 23 Bible Online

Sa᷅m 23 - Southern Kisi bible

Sa᷅m 23

¹[21] Mɛ̄lɛ̄ka̍ Ya̍a̍wɛ̄ɛ̄, ndu̍ cho̍ wāna̍ ma̍ndā ya̍ wo̍ ni̍, mɛ̄ɛ̍ wānā ma̍ndāā lāsāa̍ ō māndā nu̍a̍ā sāa̍ yɛ̍. Le̍la̍ŋ pɛ̄ŋndē bi̍ī ya̍ le̍ nyɛ̄ o̍ nyɛ̄ le̍.

²Mɛ̄ɛ̍ wānā ma̍ndāā lāsāa̍ ō tōsā nu̍a̍ā, ō bīī pɛ̍ ō yɛ̄ɛ̄ sāa̍ ndūa̍a̍ o̍ bīl pūīyāa̍ ni᷄ŋ nāa̍ chɔ̄lūa̍a̍ dīā wa̍, ā dē pɛ̍ ā hīni̍, ā pɛ̄ŋgi̍ yɛ̍, le̍nde̍ Mɛ̄lɛ̄ka̍ māndā ya̍ ni̍. Mɛ̄ɛ̍ nda̍ yāā nu̍a̍ā sāa̍ o̍ mɛ̄ŋmā ībūŋga᷄ŋ mā ko᷄l lɛ̍, le̍nde̍ Mɛ̄lɛ̄ka̍ kē ya̍ mɛ̄ŋmā kɛ̄ndɛ̄ kɛ̍ndīa̍ŋ ni̍.

³Mbō tōsa̍ mī mi̍i̍ŋgu̍ yōōmūa̍ŋ sɔ̄lā. Mbō chɔ᷄m ya̍ mɛ̄ɛ̍ ya̍ to̍sā nyɛ̍ cho̍ sa̍kpō ndu̍ o̍ hɔ̄l lo̍ yɛ̍, le̍ mī ŋ̄wāŋndā chīe̍e̍ a̍ ke̍ ndu̍ bɛ̄ɛ̄le̍ŋ.

⁴I̍ wa̍ bɛ̍ɛ̍ ke̍e̍kōo̍ o̍ kpūndɛ̍la̍ŋ ni᷄ŋ, sīōōŋīī ve᷅ ya̍ māā nyɛ̄ chō ya̍ yɔ̄nɔ᷄ŋ te̍, kāni̍ fu̍u̍le̍, nūm Mɛ̄lɛ̄ka̍ ā chō ya̍ īkɛ̄i̍, ā chō ya̍ māndā nyɛ̄ bɛ̍ɛ̍ yɔ̍nūŋ ya̍ le̍. Mɛ̄ɛ̍ wānā ma̍ndāā lāsāa̍ nɔ̄ nu̍a̍ā yɔ̄m vīlɛ̄īyo̍ a̍ kpe̍le̍ŋ kpe̍le̍ŋndo̍ o̍ bā le̍ sāa̍ ndūa̍a̍ māndāa̍ yɛ̍, le̍nde̍ ŋ̄ māndā ya̍ ni̍, nyɛ̄ yɔ̍nūŋ ya̍ le̍.[22]

⁵Ā chō nyɛ̄ dīāā kɔ̄l kɛ̄ndɛ̄ bɛ̄ndōo̍ bɛ̍ɛ̍ndīāā le̍ ya̍, ya̍a̍mɔ̍ɔ̍wa̍a̍ nīa̍a̍ o̍ hɔ̄l kpe̍nde̍ke̍le̍. Ndu̍yɛ̍, mā su̍u̍ ya̍ chūɛ̄īmā chūŋ kɛ̄ndīa̍ŋ o̍ lēbōl, le̍ ya̍ yīlɔ̄ɔ̍ māā mīāl nu̍m lēbɛ̄ɛ̄. Mā pe̍i̍ tāāla̍ nūu̍ yɛ̍ŋgi̍ yɛ̍ŋgi̍, mī ko̍l, mī hi̍ni̍ kɔ̄l.

⁶I̍ si̍nā māā dɛ̍nɛ̍ nu̍m kɛ̄ndɔ̄ɔ̍, a̍ kāālā nūmndo̍, ō chō ya̍ wā chōo̍ ha̍a̍a̍ a̍ te̍le̍ŋnda̍ ya̍ I̍ cho̍ wa̍ yōōmū la̍ŋ ki̍nɛ̍i̍. Ndu̍yɛ̍ nūm Mɛ̄lɛ̄ka̍ Ya̍a̍wɛ̄ɛ̄, I̍ cho̍ lō nu̍m sōōlūūwo̍ o̍ chīɛ̄ī nūmndo̍ ni᷄ŋ le̍ fɛ̍ɛ̍ŋ a̍ fɛ̍ɛ̍ŋ.