Read Southern Kisi Sa᷅m 26 Bible Online

Sa᷅m 26 - Southern Kisi bible

Sa᷅m 26

¹[25] Mɛ̄lɛ̄ka̍ Ya̍a̍wɛ̄ɛ̄, chɔ̍m mɛ̄ɛ̍ ka̍ā nūu̍ chōŋnu᷄ŋ nyɛ̍ kɛ̄ndɛ̄ wa̍la̍ŋ yɛ̍, kāni̍ fu̍u̍le̍, I̍ cho̍ nu̍m o̍ hɔ̄l sa̍kpō, ndu̍yɛ̍ mi̍ du̍a̍ū tīīnda᷄ŋ nūu̍ kpo̍u̍ o̍ nūm ni̍ŋ.

²Mɛ̄lɛ̄ka̍ Ya̍a̍wɛ̄ɛ̄, mɛ̍ɛ̍ndi̍a̍ŋ o̍ ka̍ā nūu̍ ni᷄ŋ mā fu̍la̍ ya̍ kɔ̄ɔ̄lī, to̍o̍fi̍a̍a̍ o̍ kɔ̄l nūu̍ ni᷄ŋ mā chē yi̍ya᷄ŋnda̍ cho̍ ya̍ o̍ kɔ̄l ta̍ŋ.

³Kāālā bɛ̄ndū ŋ̄ kāāla̍ ya̍ wo̍ ō chō ya̍ o̍ kɔ̄l le̍ lɔ̍ɔ̍ lɔ̍ɔ̍, ndu̍yɛ̍ sa̍kpōyɛ̍i̍ nūmnde̍ ndi̍ ma̍lā ya̍ ni̍ mī wa̍ o̍ nɛ̄ī sa̍na̍a̍ wo̍ chōo̍.

⁴Ŋ̄ do̍ū la̍ba᷅li̍ na̍a̍ wāna̍ lāchōōwā le̍, ndu̍yɛ̍ I̍ ye̍ē na̍āŋa᷅ŋ a̍ wāna̍ sōndō yēēlɛ̍i̍ le̍.

⁵I̍ tu̍l wānāā dɛ̍nɛ̍ wɔ̍ɔ̍ŋnda̍ lēyɛ̄, ndu̍yɛ̍, I̍ sɔ̍ɔ̍ŋgūū wa̍nāā kɔ̄l vēsɛ̍i̍ya̍ cho̍o̍ kpo̍so̍ŋ te̍.

⁶Mɛ̄lɛ̄ka̍ Ya̍a̍wɛ̄ɛ̄, I̍ pu̍lū bālā nīla̍ŋ fo̍, le̍ chɔ̄mndo̍ māā bā nī cho̍ o̍ īsɔ̄ɔ̍ o̍ īsɔ̄ɔ̍ wɔ̍ɔ̍ŋ ni᷄ŋ te̍. Ndu̍yɛ̍, I̍ cho̍ ma̍āŋ nūmndo̍ bālɔ̄ɔ̍ a̍ nu̍m sōōlūūwo̍.

⁷I̍ cho̍ chōndi̍i̍ ba̍li̍kɛ̍i̍ sōlī, mī wa̍ chɔ̄mndo̍ lēni᷄ŋ a̍ sɔ̄ɔ̍ŋ kɔ̄ndɔ̄fi̍li̍ŋ bɛ̄ndūŋ ŋ̄ tōsa̍ wo̍ŋ kpo̍u̍.

⁸O̍o̍ Mɛ̄lɛ̄ka̍ Ya̍a̍wɛ̄ɛ̄, I̍ ka̍a̍la̍ bɔ̄ɔ̍ wa̍a̍ o̍ chīɛ̄ī nūmndo̍ ni᷄ŋ, chīɛ̄ī nu̍m cho̍ ho̍ō mi̍ nāŋɔ̄ɔ̄ nūmndo̍ ō wā lēni᷄ŋ ndo̍.

⁹Mɛ̄lɛ̄ka̍ Ya̍a̍wɛ̄ɛ̄, mɔ̍sɔ̄ŋā ya̍ dīyɔ̄ɔ̄ a̍ wānāā dɛ̍nɛ̍ wɔ̍ɔ̍ŋnda̍ le̍, chɛ᷅l la̍ mī vi᷅ mɛ̄ɛ̍ wānāā dīyāā ŋ̄wāŋnda̍ chīe̍e̍ ā wū yɛ̍ le̍,

¹⁰wānāā kɔ̄l vēsɛ̍i̍ya̍a̍ bɛ̍ndūa̍a̍ ha̍ā, a̍ kāāla̍ ha̍ā lūɛ̄īyɔ̄ɔ̄lā ni᷄ŋnda̍ŋ bīyɔ̄ɔ̍ wa̍.

¹¹Ya̍ ya̍, o̍ nɛ̄ī sa̍kpōo̍ chōo̍ ya̍ i̍ to̍sā sɔ̍ɔ̍ŋ ni̍, le̍la̍ŋ tūīīnu̍ŋ ya̍ īnyīɛ̍ɛ̍, ndu̍yɛ̍, mā ba̍ŋa̍ ya̍.

¹²Ha̍a̍a̍ mi̍ Mɛ̄lɛ̄ka̍ Ya̍a̍wɛ̄ɛ̄ o̍ ba̍ŋā ya̍, mbo̍ hūŋ a̍ ya̍ nāa̍ nyɛ̄ yɔ̍nūŋ ya̍ le̍ wa̍, I̍ cho̍ lāsīsi̍ wa̍nāā ndūa̍a̍ tɛ̄ɛ̄ŋ mī sa̍ŋga̍la̍ ndu̍.