Read Southern Kisi Sa᷅m 3 Bible Online

Sa᷅m 3 - Southern Kisi bible

Sa᷅m 3

¹[1] O̍o̍ Mɛ̄lɛ̄ka̍ Ya̍a̍wɛ̄ɛ̄, ya̍a̍mɔ̍ɔ̍wa̍a̍ si̍mu̍l la̍ wa̍ ā chō fāŋgā. Ya̍a̍mɔ̍ɔ̍wa̍a̍ cho̍ ya̍ chīēīyo̍ wa̍ ā chō ā bɔ̄ɔ̍.

²Ā chō dīmīo̍o̍ āā, “Mɛ̄lɛ̄ka̍ cho̍ ndu̍ pīŋī le̍.”

³Kɛ̍ ndu̍yɛ̍, nūm Mɛ̄lɛ̄ka̍ Ya̍a̍wɛ̄ɛ̄, nu᷄m ma̍ndā ya̍ a̍ te̍le̍ŋ kpūndɔ̍ɔ̍ ni̍. A̍ to̍sa̍ mi̍ sɔ̍lā bɛ̍ɛ̍le̍ bɛ̍ndūle̍ŋ. Nu᷄m ke̍ ya̍ kɔ̄l sīmūlāa̍ ni̍.

⁴Tē I̍ ve̍e̍lu̍ nūm Mɛ̄lɛ̄ka̍ Ya̍a̍wɛ̄ɛ̄ le̍ ya̍ mālāa̍ pɛ̍, nāa̍ ŋ̄ chō o̍ pēmbīī nūm i̍ kāsīe̍i̍ chōo̍ wa̍, a̍ lo̍ o̍ ko̍ŋ a̍ mu̍li̍ ya̍ dīōm, a̍ ma̍la̍ ya̍.

⁵Nūm Mɛ̄lɛ̄ka̍ Ya̍a̍wɛ̄ɛ̄, nu᷄m ke̍ ya̍ kɛ̍ndi̍a̍a̍ ni̍, le̍ he̍ī, tē I̍ hi̍ni̍ pɛ̍ I̍ lɔ̍lnu̍ŋ kpo̍o̍, īdīi̍ I̍ te̍ndū le̍nde̍ yɛ̍lɛ̍kɛ̍lɛ̍ɛ̍.

⁶Sīōōŋīī bɛ̍ɛ̍ cho̍ ya̍ le̍ ya̍a̍mɔ̍ɔ̍wa̍a̍ wa̍a̍la̍ tɔ̍ wa̍, a̍ ba̍lu̍ ya̍ wa̍ le̍.

⁷O̍o̍ Mɛ̄lɛ̄ka̍ Ya̍a̍wɛ̄ɛ̄, hu̍ŋ fɔ̍, hu̍ŋ ba̍ŋā ya̍ Ya̍a̍mɔ̍ɔ̍wa̍ o̍ bā Mɛ̄lɛ̄ka̍ nūu̍. Ā sōŋ ya̍a̍mɔ̍ɔ̍wa̍ nīa̍a̍ kpo̍u̍, ā nɔ᷅ lɛ̍ kpāāyā mā yɔ᷄ŋ ya̍ nyɛ̄ le̍.

⁸Mɛ̄lɛ̄ka̍ Ya̍a̍wɛ̄ɛ̄, ndu̍ ba̍ŋā wa᷅ŋndo̍ Ya̍a̍mɔ̍ɔ̍wa̍a̍ o̍ bā ni̍. Mbɔ̄ dɛ̍nɛ̍ ndɔ̄ kɛ̍ndɔ̄ɔ̍ ō wa̍ wānāa̍ ndūa̍a̍ chōo̍ fɔ̍.