Read Southern Kisi Sa᷅m 43 Bible Online

Sa᷅m 43 - Southern Kisi bible

Sa᷅m 43

¹O̍o̍ Mɛ̄lɛ̄ka̍ Ya̍a̍wɛ̄ɛ̄, yāndi̍i̍ ki̍o̍lu̍ ya᷅mɛ̍i̍ mā ke̍ ya̍ di̍ nūu̍. Su̍ŋgu̍ le̍ ya̍ mā ba̍ŋa̍ ya̍ wānāa̍ kɛ̍ɛ̍ ha̍ā nūm Mɛ̄lɛ̄ka̍ wa̍ o̍ bā. Pi̍ŋi̍ ya̍ wānāā lāchōōwāa̍ a̍ wānāā dɛ̍nɛ̍ wɔ̍ɔ̍ŋnda̍ ha̍ā o̍ bā.

²Mɛ̄lɛ̄ka̍, nu̍m cho̍ wāna̍ ma̍ndā ya̍ wo̍ ni̍. Vɛ᷅ ma̍ pūɛ̄ɛ̄nu᷄ŋ a̍ ya̍ nu̍a̍ā? Vɛ᷅ mi̍ kɔ̄llo̍ tāmbū ya̍ nu̍a̍ā? Vɛ᷅ mi̍ ya̍a̍mɔ̍ɔ̍wa̍a̍ nīa̍a̍ ā wā ya̍ pālā bɛ̄ndōo̍ ho̍ō?

³Mɛ̄lɛ̄ka̍, to̍sa̍ mī nyɛ̄ nūm wa̍wo̍ŋndo̍ ō dēndū ya̍ chōo̍, ndu̍yɛ̍ mā di̍mi̍ tōnya̍ nūmndo̍. To̍sa̍ mī nyɛ̄ nūm wa̍wo̍ŋndo̍, a̍ tōnya̍ nūmndo̍ ŋ̄ si᷄m ya̍ lāchī, mā mīīŋgu̍ a̍ ya̍ o̍ Pēmbīī Sa̍a̍yɔ̄ŋnde̍ chōo̍, pēmbīī nu̍m ī kāsīe̍i̍, ndi̍ yɔ̍nūŋ ni̍ māā nāa̍ chīɛ̄ī nūmndo̍ ō chō wa̍, nāa̍ ŋ̄ chō īchāli̍ wa̍.

⁴O̍ ko̍ŋ, mī ku̍ɛ̄ o̍ ma̍āŋ nūmndo̍ Mɛ̄lɛ̄ka̍. Mī ku̍ɛ̄ o̍ nūm Mɛ̄lɛ̄ka̍ nūu̍ lo̍, Mɛ̄lɛ̄ka̍ to̍sā mī dɔ̍u̍nu᷄ŋ nya̍a̍le̍ wo̍. O̍o̍ Mɛ̄lɛ̄ka̍, Mɛ̄lɛ̄ka̍ nūu̍, I̍ cho̍ tōwāa̍ lɔ̄ɔ̄ ndu̍yɛ̍ mī so̍li̍ chōnde̍i̍ le̍ nu̍m sāŋgālāa̍.

⁵Mi̍ nyu̍nā ya̍ pi̍la̍ a̍a̍, “Vɛ᷅ mi̍ kɔ̄llo̍ tāmbū ya̍ ni᷄ŋ ta̍mbi̍i̍ bɛ̍ndūe̍i̍ he̍ī?” I̍ dɔ̍ū tīīnda᷄ŋ nūu̍ o̍ Mɛ̄lɛ̄ka̍ ni᷄ŋ, ndu̍yɛ̍, I̍ cho̍ vɛ̄lɛ̄ ndu̍ līsā o̍ chōnde̍i̍ ni᷄ŋ. Ndu̍ cho̍ Mɛ̄lɛ̄ka̍ ya̍ so̍o̍lūūwo̍ ni̍, ndu̍yɛ̍, ndu̍ pi̍ŋī ya̍ ni̍.